ყავის აპარატები

მათ, ვინც ყავის აპარატის შეძენაზე ფიქრობთ, ფინჯანი ყავასავით სასიამოვნო და სასარგებლო რჩევები მოგიმზადეთ.

ყავა ბევრი ჩვენგანის დილის რუტინის განუყოფელი ნაწილია. ნახევრად გაღვიძებულს აპარატის ღუღუნი რომ გესმის და ყავის სურნელი გაფხიზლებს, შეუძლებელია დღე ამის შემდეგ ცუდად წარიმართოს. ყავის მოყვარულები, ალბათ, აპარატებშიც კარგად ერკვევით, მაგრამ მაინც თუ ახლის ყიდვას ან ძველის გამოცვლას გადაწყვეტთ, რამდენიმე სასარგებლო რჩევა გაითვალისწინთ.

არსებობს მრავალი სხვადასხვა ტიპის ყავის აპარატი, ისეთებიც კი, რომელთა შესახებაც შეიძლება არც კი გსმენიათ. ამჯერად განვიხილოთ 3 ყველაზე პოპულარული.

  • Bean-to-cup ყავის აპარატი – მისი ყველაზე დიდი უპირატესობა ისაა, რომ მასში ჩამონტაჟებული საფქვავი თავად ნედლეულს, ყავის ცოცხალ მარცვალს ფქვავს თითოეული ახალი ჭიქისთვის და სასმელი არის მაქსიმალურად სუფთა და არომატული. ერთი შეხედვით, ეს აპარატები რთულად გამოსაყენებელი ჩანს, მაგრამ სინამდვილეში მათი მოხმარება ძალიან ადვილია – მოათავსეთ ყავის მარცვალი საფქვავში, შეარჩიეთ ფქვის თქვენთვის სასურველი რეჟიმი, დააჭირეთ ღილაკს და ყავა მზად არის. აღნიშნული აპარატების უმრავლესობა არის სხვადასხვა სიძლიერისა და ზომის, ასევე ყველას აქვს წმენდის ავტომატური ფუნქცია.
  • კაფსულის ან ტაბლეტის ყავის აპარატი - როგორც სახელიდან ჩანს, ეს აპარატი ყავას ამზადებს ერთჯერადი კაფსულებით ან ტაბლეტებით. გამოსაყენებლად ყველაზე მარტივი აპარატებია, მოათავსეთ ტაბლეტი ან კაფსულა აპარატში, დახურეთ სახურავი, აარჩიეთ სასურველი რეჟიმი, დანარჩენს აპარატი თავად გააკეთებს. მიუხედავად იმისა, რომ ეს აპარატები იაფია, თავად კაფსულები ღირს, როგორც წესი, ძვირი.
  • ესპრესო ყავის აპარატი – მინიატურული ვერსიაა იმ აპარატების, რომლებიც, ძირითადად, ყავის მაღაზიებში ან ბარებში გინახავთ. ის ყავის მარცვლების ნაცვლად იყენებს უკვე დაფქვილ ყავას. ასევე აქვს უამრავი აქსესუარი, როგორიცაა რძის ქაფის ქვა, პორტაფილტრი, მუდმივი და ჩანაცვლებადი ფილტრები.

ამ აპარატების გამოყენებას უფრო მეტი ცოდნა სჭირდება, ვიდრე სხვა დანარჩენ ზემოთ აღნიშნულს. დარწმუნებულები უნდა იყოთ, რომ იყენებთ ყავის სწორ რაოდენობას და არ პრესავთ მას ძალიან მსუბუქად ან ძლიერად. ესპრესოს აპარატები საშუალებას გაძლევთ სრულად აკონტროლოთ ყავაში რძის რაოდენობა, რაც გამოსადეგია კაპუჩინოს, ლატესა და მაკიატოს დამზადების დროს. ისინი ასევე შედარებით იაფია, ვიდრე სხვა დანარჩენი აპარატები.

აპარატების სახესხვაობები გასაგებია, მაგრამ მაინც როგორ მივხვდეთ, რომელია ჩვენთვის საუკეთესო?

როგორც ვნახეთ აპარატები განსხვავდება როგორც ფუნქცია–მახასიათებლებით, ასევე შედეგით, რასაც ყავის სახით გვაძლევს. ზოგიერთ აპარატს წმენდა სჭირდება, ზოგს უფრო მეტი ცოდნა ან ძალისხმევა, რომ საუკეთესო ყავა მივიღოთ, ყველა მათგანს აქვს დადებითი და უარყოფითი მხარეები. გაითვალისწინეთ ყველა დეტალი, როგორიცაა ფასი, ზომა, მოსახერხებლობა. ვინ გინდათ, რომ თქვენთვის იყოს ყავის აპარატი – ის, ვინც ყოველ დილას სწრაფად მოგიმზადებთ საყვარელ სასმელს თუ გამოცდილი ბარისტა, რომელიც მუდმივად იზრუნებს იმაზე, რომ პროფესიონალურად მომზადებული ყავა მიირთვათ? არჩევანის გაკეთებას რომ გადაწყვეტთ, ჩვენს საიტს გადახედეთ.

ამ კატეგორიაში პროდუქცია არ არის