სათამაშო სახლები

90-იანელი თუ ხარ აუცილებლად გემახსოვრება, ყველა ბავშვისთვის როგორი საოცნებო იყო სათამაშო სახლი. თუ რომელიმე ბავშვს გაუმართლებდა და სათამაშო სახლს უყიდდნენ, სამეზობლოს მთელი ბავშვები მასთან იკრიბებოდნენ. არ ჰქონდა მნიშვნელობა როგორი იქნებოდა სათამაშო სახლი, ასაწყობი, ხის, თუ რკინის კონსტრუქციის. ბარბის სათამაშო სახლი ხო საერთოდ აუხდენელ ოცნებად ითვლებოდა. დღესდღეობით ბავშვის სათამაშო სახლები იმდენნაირი და ისეთებია, რომ შეიძლება უფროსსაც ვერ გაუძლოს გულმა და თამაში დაიწყოს. ბავშვის სათამაშო სახლები ნამდვილად კარგი გასართობია, თუმცა ამასთან ერთად სხვა პლუსებიც აქვს, რომლებზეც ამ ბლოგში მოგიყვები.  

რა სარგებლობის მოტანა შეუძლია სათამაშო სახლებს?

სათამაშო სახლები ბავშვს უსაზღვრო შესაძლებლობებს აძლევს. შენი პატარა დაუსრულებლად ითამაშებს და ამ თამაშისას უამრავ რამეს ისწავლის. მიეცემა შესაძლებლობა ფანტაზია ჩართოს, თავად მოიფიქროს თამაშის იდეები, მოიფიქროს სცენარი, სხვადასხვა როლში წარმოიდგინოს თავი.

გუნდურ თამაშს ასწავლის ბავშვებს, თავიდან შეიძლება უბრალოდ გვერდიგვერდ ითამაშონ, მაგრამ დროთა განმავლობაში ისინი მიხვდებიან, რომ ზოგიერთი აქტივობა ერთად უფრო სახალისოა. დეკორაცია და სათამაშო სახლის აღჭურვილობა შესანიშნავი გზაა შემოქმედებითი აზროვნების განსავითარებლად, რადგან სათამაშო სახლი საჭიროებს პატარა ნივთების ერთ სივრცეში განთავსებას, რაც ბავშვს შემოქმედებითად ააქტიურებს და უნვითარებს მოტორულ ინარებს. მაგალითად, პატარა საწოლში თოჯინის მოთავსება ისე, რომ სხვა ავეჯს არ მოხვდეს თოჯინა, მოითხოვს თვალის კოორდინაციას და სიფრთხილეს.

ასაკის მატებასთან ერთად ბავში ისწავლის ფანტაზიის გამოყენებას უფრო რთული სცენარების შესაქმნელად. ერთად რომ შევკრიბოთ სათამაშო ხის სახლები ბავშვს:

  • გახდის თავდაჯერებულს
  • დაუხვეწს მოტორულ უნარებს
  • განუვითარებს ხელის და თვალის კოორდინაციას
  • განუვითარებს ფანტაზიას
  • ასწავლის ამბის მოყოლას

რა თქმა უნდა ყველა მშობელს გვინდა, რომ ბავშვმა ნაკლები დრო გაატაროს ეკრანთან. სათამაშო ასაწყობი სახლი კი ნამდვილად ამცირებს ეკრანთან გატარებულ დროს. ბავშვებს უყვართ სათამაშო სახლები, რადგან ქმნიან მინიატურულ სამყაროს, სადაც თავად აკონტროლებენ რა მოხდება. კონტროლის ეს გრძნობა ხშირად ვლინდება იმით, რომ ბავშვი ითავსებს „მშობლის“ როლს. ზემოთ აღვნიშნე, რომ გუნდური თამაშისთვის ძალიან კარგი საშუალებაა, თუმცა მარტო მყოფი ბავშვიც არაჩვეულებრივად გაატარებს დროს. ზოგჯერ ჩვენ ვერ ვამჩნევთ რამდენად მარტოსულები არიან ჩვენი შვილები, ბავშვის სათამაშო სახლი პატარას ამ მარტოსულობას შეუვსებს.

როგორ დავეხმაროთ ბავშვს სათამაშო სახლით თამაშში

სათამაშო სახლის ყიდვით ბავშვში საოცარ ემოციებს ვიწვევთ, მაგრამ თავიდან თამაშში დახმარება დასჭირდება. ამიტომ გთავაზობ რამდენიმე იდეას:

  • სთხოვე ბავშვს, მოაწყოს თავისი სათამაშო სახლი ისე, რომ უფრო მეტი ადამიანი მოთავსდეს
  • გამოიყენე სხვადასხვა ნივთი სათამაშო სახლის გარშემო დეკორაციის შესაქმნელად, ამით შენს პატარას აგრძნობინებ რამდენად სერიოზულად ეკიდები მის სათამაშო სახლს
  • მიაწოდე თამაშის სცენარის იდეა, რომელშიც ოჯახის წევრებს როლებს გადაანაწილებს
  • გადაიტანეთ ოჯახის ერთი ჩვეულებრივი დღე თამაშში
  • სთხოვე ბავშვს სათამაშო სახლში შეასრულოს ყველა ის საქმე, რომელიც ყოველდღიურადაა სახლში გასაკეთებელი

შენი ნათქვამი კომპლიმენტები და ჩართულობა ბავშვისთვის დიდი მოტივაცია იქნება. ზოგჯერ ჩვენთვის უმნიშვნელო სიტყვა, ბავშვისთვის ძალიან მნიშვნელოვანია ხოლმე. ამიტომ თუნდაც სხვა საქმეს აკეთებდე, რამდენიმე წამით მიბრუნდი ბავშვისკენ და შეაქე თუნდაც მის სათამაშო სახლში ავეჯის განლაგება, ან სათამაშო სახლის ვიზუალი. რჩევები, ჩართულობა, შექება - ეს ყველაფერი რა თქმა უნდა მნიშვნელოვანია, მაგრამ არც ის დაგავიწყდეს, რომ „დიასახლისი“ ბავშვია და მისი თავისუფლება არ უნდა შეზღუდო.

როგორც აღვნიშნე დღესდღეობით სათამაშო სახლები ძალიან მრავალფეროვანია. ნიდოზე შეგიძლია შეიძინო მასიური ხის სათამაშო სახლი, ასაწყობი ან უკვე აწყობილი სათამაშო სახლი, მხოლოდ ავეჯის და კონკრეტულად ერთი ოთახის შეძენაც კი შესაძლებელია. დარწმუნებული იყავი, შენი არჩეული ნებისმიერი სათამაშო სახლი ბავშვს განსაკუთრებულ ემოციებს და დაუვიწყარ გამოცდილებას მოუტანს.

პროდუქციის ფილტრები
ასაკის მიხედვით
ბრენდი
ფასი

 – 

  • 54
  • 689
ფერი