საუკუნეების წინ დიასახლისები საკუთარი ხელებით ზელდნენ ცომს, აკეთებდნენ კრემს და ყველაფერს, რაც ცხობისთვის სჭირდებოდათ. ზოგიერთი დღესაც ასე იქცევა, მაგრამ რატომ უნდა შევიწუხოთ თავი ზედმეტად როცა არსებობს მიქსერი. მიქსერის წყალობით შეგიძლიათ დაზოგოთ დრო საყვარელი კერძის კეთებისას ან სცადოთ ისეთი ნამცხვრის გამოცხობა, რომელზეც ადრე არც კი გიფიქრიათ. გარდა ამისა, მიქსერთან ერთად უფრო ნაკლები ძალისხმევის დახარჯვით მიიღებთ უკეთეს ტექსტურას და კერძიც უფრო გემრიელი გამოგივათ. მას შემდეგ, რაც მიქსერს პირველად მოიხმართ, ხელით იგივე საქმის კეთება სიგიჟედ მოგეჩვენებათ.

მათთვის, ვინც რეგულარულად აცხობს, სამზარეულოს მიქსერი განუყრელი ატრიბუტია, მაგრამ არიან ისინიც, ვინც პირველად უნდა გამოსცადონ ამ ჯადოსნური მოწყობილობის შესაძლებლობები. არ აქვს მნიშვნელობა, გამოცდილი კონდიტერი ხართ და ძველი მიქსერის გამოცვლას აპირებთ თუ ახლახან შეხვედით სამზარეულოში პირველად და მიქსერის სახით დამხმარე გჭირდებათ, ჩვენი ბლოგი ორივე შემთხვევაში იქნება ერთგვარი სახელმძღვანელო, რომელიც დაგეხმარებათ იმის გარკვევაში, თუ როგორი მიქსერებია ბაზარზე ხელმისაწვდომი და რომელია თქვენი შესაფერისი.

დასაწყისისთვის განვიხილოთ მიქსერის 2 ძირითადი ტიპი:

ხელის მიქსერები

თუ თქვენი მთავარი პრიორიტეტი არის ხელმისაწვდომობა ან ისეთი მიქსერის პოვნა, რომელიც დიდ ადგილს არ დაიკავებს სამზარეულოში, მაშინ ხელის მიქსერი არის ის, რაც გჭირდებათ. ასეთ მიქსერს უფრო მარტივი დიზაინი აქვს, ვიდრე სადგამიან მიქსერს, ადვილად მოთავსდება უჯრაში და ბევრად იაფიც ღირს.

ხელის მიქსერები არსებობს ორნაირი: ელექტრო და ე.წ. მბრუნავი. მბრუნავი მიქსერი გამოსადეგია მარტივი საქმისთვის, მაგალითად კვერცხის ასათქვეფად, რადგან საქმეს მაინც ხელით აკეთებთ განსხვავებით ელექტრო მიქსერისგან, რომელსაც ბრუნვის სხვადასხვა რეჟიმი აქვს. თქვენ მხოლოდ ღილაკზე თითის დაჭერა გჭირდებათ, დანარჩენ საქმეს მოწყობილობა თავად აკეთებს.

ხელის მიქსერითუ მიქსერებს მოხმარების სიმარტივის მიხედვით დავალაგებთ, ხელის მიქსერი სადღაც შუაში მოხვდება. მისი გამოყენებით, მაგალითად ცომის მოზელა, ბევრად უფრო მარტივია, ვიდრე ხელით, მაგრამ არც ისე სწრაფია, როგორც სადგამიანი მიქსერი.

უპირატესობები:

იაფია
არ იკავებს დიდ ადგილს
იწმინდება სწრაფად და მარტივად
შეგიძლიათ გამოიყენოთ ნებისმიერი თასი
პორტატულია
 

სადგამიანი მიქსერები

სადგამიანი მიქსერი მნიშვნელოვნად ამარტივებს ცხობისა და თქვეფის პროცესს. განსაკუთრებით სასარგებლოა სქელი ცომის მოზელვისას, მაგალითად პურის ან პიცის ცომის, ან ისეთი რეცეპტის მომზადებისას, რომელიც უფრო რთული თქვეფის პროცესს საჭიროებს.

მიქსერისადგამიან მიქსერს, როგორც წესი, მოყვება დიდი თასი და სხვადასხვა დამატებითი სათქვეფი ჩხირები, რომლებიც შექმნილია სპეციფიკური ტიპის თქვეფისთვის. სადგამიანი მიქსერის ყველაზე დიდი პლიუსი არის ის, რომ შეგიძლიათ დაიწყოთ რამის თქვეფა და დატოვოთ ის, სანამ სხვა ინგრედიენტებზე იმუშავებთ, ხოლო მინუსი ზომა და წონაა. თუ თქვენ არ გაქვთ სივრცე სამზარეულოში მის შესანახად, ასეთი მიქსერი დიდ დისკომფორტს შეგიქმნით.

უპირატესობები:

უფრო მძლავრია, ვიდრე ხელის მიქსერი
სწრაფად და ხარისხიანად თქვეფს
თქვეფის პროცესში შეგიძლიათ სხვა საქმითაც დაკავდეთ
მოყვება დამატებითი ჩხირები
 

ახლა კი გავეცნოთ 5 ფაქტორს, რომლებიც აუცილებლად უნდა გაითვალისწინოთ მიქსერის შეძენისას.

1. ცხობის საჭიროებები

კარგად დაფიქრდით, რისთვის გჭირდებათ მიქსერი - ყოველ დღესასწაულზე ნამცხვრებისა და ფუნთუშების დიდი პარტიების გამოსაცხობად თუ ხანდახან ოჯახისთვის პატარ–პატარა ტკბილეულის მოსამზადებლად. თუ ხშირად უნდა აცხოთ და თანაც დიდი რაოდენობით, მაშინ სადგამიანი მიქსერი დაგჭირდებათ, რომელიც დროს დაგაზოგვინებთ, ხოლო თუ უბრალოდ გასართობად აცხობთ, მაშინ გირჩევთ ფული დაზოგოთ და ხელის მიქსერი შეიძინოთ.

2. წონა

თუ ხელის მიქსერის შეძენას აპირებთ, სჯობს მაქსიმალურად მსუბუქი შეარჩიოთ. რაც უფრო მეტ ინგრედიენტს ათქვეფთ, მით უფრო დიდ ხანს უნდა გეჭიროთ მიქსერი ხელში, ამიტომ მზადების პროცესი დამღლელი რომ არ იყოს, მსუბუქი მიქსერი შეიძინეთ. სადგამიანი მიქსერების შემთხვევაში საქმე პირიქითაა – რაც უფრო მძიმეა ის, მით უფრო მეტი სიმძლავრე ექნება და დახლზე ხტუნვასაც არ დაიწყებს მუშაობის პროცესში.

3. სიჩქარის პარამეტრები

სხვადასხვა სახის საკვები სხვადასხვა სიჩქარით თქვეფას მოითხოვს. ორივეს, ხელისა და სადგამიანი მიქსერების უმეტესობას რამდენიმე სიჩქარე აქვს - ჩვეულებრივ, 3-დან 12-მდე.

ყველა მიქსერს უნდა ჰქონდეს "ნელი დაწყების" რეჟიმი, რაც საშუალებას იძლევა ადვილად დაამატოთ ინგრედიენტები, მაგალითად ფქვილი ისე, რომ არ გაიფანტოს და სამზარეულოში დიდი არეულობა არ გქონდეთ. მცხობელების უმრავლესობას ისეთი მიქსერები გამოადგება, რომლებსაც სიჩქარის მხოლოდ 3 პარამეტრი აქვს, მაგრამ თუ განსაკუთრებით ამბიციური ხართ და გსურთ აბსოლუტური სიზუსტით აცხოთ, უფრო მეტი სიჩქარის პარამეტრების მქონე მოდელი დაგჭირდებათ.

4. გაწმენდის სიმარტივე

ხელის მიქსერი ამ კატეგორიაში პირველ ადგილას დგას, რადგან მისი გაწმენდა ძალიან მარტივია, რასაც ვერ ვირტყვით სადგამიან მიქსერზე. მას უამრავი სხვადასხვა ნაწილი აქვს, რომლებსაც ჭურჭლის სარეცხ მანქანაში ვერ გარეცხავთ და მათი ხელით წმენდა მოგიწევთ ყოველი გამოყენების შემდეგ.

5. ხმაურის დონე

რამდენიც არ უნდა ვიწვალოთ, მაინც ვერ მოვძებნით ისეთ ელექტრო მიქსერს, რომელიც არ ხმაურობს. ერთადერთი ასეთი მიქსერი არის ზემოთ ნახსენები მბრუნავი მიქსერი, რომელიც სამზარეულოს სასურველი აქსესუარების სიაში, ალბათ, ყველაზე ბოლოს დგას. მიუხედავად ამისა, სხვადასხვა მოდელები ცოტათი მაგრამ მაინც განსხვავდებიან ხმაურის დონით, ასე რომ თუ ძალიან მგრძნობიარე ხართ ხმაურიანი საყოფაცხოვრებო ტექნიკის მიმართ, შეძენამდე დააზუსტეთ მიქსერის ხმაურის „შესაძლებლობები“.

258.00 
169.00 
106.00 
119.00 
122.00 
162.00 
383.00 
314.00 
93.00 
359.00 
99.00 
169.00 
419.00 
219.00 
269.00 
318.00 
162.00 
170.00 
125.00 
218.00 
263.00 
109.00 
119.00 
189.00 
პროდუქციის ფილტრები
ბრენდი
    ყველაფრის ჩვენება (13)
მიქსერის ტიპი
სიმძლავრე
ფასი

 – 

  • 82
  • 465
ფერი
    ყველაფრის ჩვენება (7)