დინამიკები ნიდოზე

როდესაც საქმე მუსიკას ეხება, შესაბამისი ტექნიკის - ყურსასმენის, ფირსაკრავის ან დინამიკის შერჩევა ძალიან გვირთულდება, რადგან ჩვენთვის იდეალური ტექნიკის შესაძენად ბევრი ფაქტორი უნდა გავითვალისწინოთ. თუ დინამიკის შეძენა გადაწყვიტე, კიდევ უფრო რთულად გაქვს საქმე, რადგან ხარისხიანი და კომფორტული დინამიკის შეძენა არც ისე ხელმისაწვდომი ფუფუნებაა, ამიტომაც, სანამ რომელიმე მოდელზე შეაჩერებ არჩევანს, სხვადასხვა ინფორმაცია უნდა მოიძიო, შეაჯერო და საბოლოოდ - გადაწყვიტო. აქვს ბლუთუზ მხარდაჭერა? რამდენად მოცულობითი ელემენტი აქვს? აქვს თუ არა ჩაშენებული სპიკერი? კიდევ უფრო რომ არ დაგაბნიოთ, რამდენიმე ტიპისა და ბრენდის დინამიკის მიმოხილვას შემოგთავაზებთ, რითაც, ვიმედოვნებთ, რომ გადაწყვეტილების მიღება გაგიმარტივდება და შენაძენითაც კმაყოფილი დარჩები.

დინამიკის მთავარი მახასიათებლები

მოდი, ტექნიკური რაკურსით დინამიკის რამდენიმე ტიპი გამოვყოთ, რაც უფრო დაგეხმარება ზოგადი წარმოდგენა შეიქმნა მათზე. იქნებ, ისეთი მოდელიც აღმოაჩინო, რომლის შესახებ აქამდე არ გსმენია, ან რომელიც უფრო კარგად მოერგება შენს გემოვნებასა და სტანდარტებს. თავდაპირველად, კარგი იქნება თუ საკუთარ თავს დაუსვამ შეკითხვას: კონკრეტულად რისთვის გჭირდება დინამიკი? როდის, სად ან რა სიხშირით აპირებ მუსიკის მოსმენას? ან იქნებ ფირსაკრავისთვის გვინდა? თუ უფრო კარგ და ძლიერ სტერეო სისტემას უმიზნებ? ახლა კი, მიმოვიხილოთ კონკრეტული ტიპის დინამიკები, რომლებიც შენს სურვილებს უნდა შეუსაბამო.

პირველი, ალბათ ყველაზე ხშირად გამოყენებადი დინამიკის ტიპი არის სვეტის ფორმის დინამიკი, რომელიც განთავსებადია იატაკზე, თაროზე ან სხვა მყარ ზედაპირზე. ძირითადად, რაც უფრო დიდია ასეთი დინამიკი, მით უფრო მძლავრია მისი ჟღერადობა, თუმცა ეს ყოველთვის ასე არ არის, ცხადია, არსებობს გამონაკლისებიც. მსგავი დინამიკების ხშირად გადაადგილება არც კომფორტულია და არც დიდად რეკომენდირებული, რადგან მეტია შანსი მისი მარტივად დაზიანების მგზავრობის დროს. ისინი ძირითადად გათვლილია სახლისთვის, მაგალითად, თუ კომპიუტერისთვის ან ფირსაკრავისთვის ეძებ დინამიკს, სავარაუდოა, რომ იგი ძირითადად ერთ ადგილას იქნება განთავსებული, ამიტომაც, ამ ტიპის დინამიკის არჩევა ჭკვიანური იქნება. რაც მთავარია, ამ დინამიკებისთვის სივრცე სულაც არ არის პრობლემა, პირიქით, რაც უფრო გაშლილ სივრცეში მოათავსებ, ხმა და აკუსტიკა მეტად ძლიერი და ეფექტური ექნება, ცხადია, სახლის პირობებში.

თუ პირიქით, დინამიკს პატარა სივრცისთვის და არც ისე ძლიერი ჟღერადობით ეძებ, გამოსავალი აქაცაა. არსებობს ისეთი დინამიკებიც, რომლებიც ზომითაც პატარაა და ხმის მაქსიმუმიც ისეთი აქვს, მინიმუმ მეზობლებს რომ არ შეაწუხებს. ძირითად შემთხვევებში, მათი ფორმაც მოსახერხებელია და შეგიძლია კედელზეც კი მოათავსო. ცხადია, ამ დინამიკებს ბლუთუზ მხარდაჭერა აქვთ და შეგიძლია შენს სმარტფონს მარტივად დაუკავშირო ნებისმიერი მანძილიდან, რა თქმა უნდა, თუ სახლში იმყოფები და არა გაშლილ სივრცეში.

აი, თუ მოგზაურობის, პიკნიკებისა და დროის გარე სივრცეში გატარების დიდი მოყვარული ხარ, მაშინ აუცილებლად პორტატულ დინამიკებს გირჩევთ. პორტატული დინამიკი სწორედ გაშლილი სივრცისთვის არის შექმნილი, ამიტომაც, კედლებისა და სხვა ხმის ჩამკეტი/შემაკავებელი ბარიერების ნაკლებობამ სულაც არ უნდა შეგაშინოს. ეს დინამიკი შეგიძლია ძალიან მარტივად ატარო თან, სადაც არ უნდა წახვიდე - მათი უმრავლესობა ძალიან მსუბუქი და მცირე ზომისაა, იმდენადაც, რომ თავისუფლადაა შესაძლებელი შენს ჯიბეშიც კი მოთავსდეს. ბევრი მათგანი წყალგაუმტარია. ცხადია, ბლუთუზ მხარდაჭერა აქვთ და ელემენტის მოცულობაც საკმაოდ დიდია, რადგან მათ ხარისხს სწორედ ეს მახასიათებლები განსაზღვრავს. რომ შევაჯამოთ, მსგავსი მოდელის შექმნის დროს მაქსიმალურად ითვალისწინებენ იმ მოცემულობას, რომ ამ ტიპის დინამიკი უნდა იყოს კომფორტული გარე სივრცეში გამოსაყენებლად.

ბრენდები

მიუხედავად იმისა, რომ დღესდღეობით უამრავი წარმატებული ბრენდი არსებობს, დინამიკებისა და ყურსასმენების სამყაროში საუბარი აუცილებლად Sony-ით უნდა დავიწყოთ. Sony-ის ზემოთ ჩამოთვლილი თითოეული ტიპის დინამიკი აქვს, თანაც, საკმაოდ მაღალი მახასიათებლებით. ის ერთ-ერთ წამყვან ბრენდად ითვლება სწორედ იმ ხარისხის გამო, რომელსაც უკვე წლებია ინარჩუნებს და თანაც, აუმჯობესებს. გარდა ამისა, საკმაოდ ბიუჯეტურ ბრენდად ითვლება, ცხადია, მისი მონაცემების გათვალისწინებით. სონის სმარტ დინამიკებიც დიდი პოპულარობით სარგებლობს, რომლის მთავარი უპირატესობა ჩაშენებული Google Assistant-ია. გარდა ამისა, დადებითი შეფასება დაიმსახურა Sony-ის პორტატულმა დინამიკებმაც. პირველ რიგში, რაც თვალს მოგჭრის ამ მოდელების დიზაინია - მათი უმეტესობა წყალგამძლეა. რაც მთავარია, ეს მოდელები შეგიძლია შენი მობილურიდან, აპლიკაციის მეშვეობით მართო და სხვადასხვა რეჟიმზეც გადაიყვანო, იმის მიხედვით, თუ როგორ გარემოში ხარ. რომ შევაჯამოთ, Sony ნამდვილად მიეკუთვნება იმ ბრენდებს, რომელთა დინამიკებიც უპირობოდ ხარისხიანი, თანამედროვე და მაქსიმალურად კომფორტულია.

თუ სახლში ჩვეულებრივი ლაივ კონცერტი გინდა რომ მოაწყო, მაშინ Philips-ის დინამიკები აუცილებლად უნდა მიმოვიხილოთ, კერძოდ, კი Philips TAM3205/12. ამ მოდელის მაქსიმალური შესაძლებლობები რომ გამოსცადო, ალბათ მეზობლებისგან დაცლილ ადგილას უნდა ცხოვრობდე. ეს არა მხოლოდ დინამიკი, არამედ მიკრო მუსიკის სისტემაა. რას ნიშნავს ეს? გარდა იმისა, რომ სასურველი ფლეილისტის მოსმენას ბლუთუზ მხარდაჭერით შენი სმარტფონიდან შეძლებ, ასევე შეგიძლია CD დისკი და მედია - რადიოც დაუკრა. უნდა აღინიშნოს, რომ ეს მოდელი მხოლოდ შიდა სივრცისთვის არის რეკომენდირებული, იგულისხმება ხმაც და წონაც. თუ ფირსაკრავისა და ფირფიტების კოლექცია გაქვს და განსაკუთრებული მელომანიც ხარ, მცირე ჟღერადობაშიც ამჩნევ განსხვავებას - ეს მოდელი ნამდვილად შენთვისაა. არსებობს ასეთი თეორია - რომ რაც უფრო ხარისხიანი მოწყობილობით მოუსმენ მუსიკას, მით უფრო განგივითარდება ხარისხის აღქმის უნარიც, რაც იმას ნიშნავს, რომ ცუდი ტექნიკით მუსიკას ვეღარ მოუსმენ, რადგან არსებულ დეფექტებს მარტივად შეამჩნევ. Philips TAM3205/12 ამ თეორიას ნამდვილად გაამართლებს და საკუთარ თავზეც გამოგაცდევინებს.

და ბოლოს, რა თქმა უნდა - Lenco. Lenco-მ რამდენიმე ათეული წლის წინ შეძლო, რომ ფირსაკრავების წარმოებით ჯერ სახელი გაეთქვა, შემდეგ კი ეს მოდელები ისე დაეხვეწა, რომ თანამედროვე სტანდარტებს მორგებოდა და 21-ე საუკუნეში სხვა ტექნიკების პარალელურად, მეტად თუ არა, თანაბრად კომფორტული მაინც ყოფილიყო. რა გასაკვირია, რომ დინამიკების სამყაროშიც შეაბიჯეს და საკმაოდ წარმატებულად. Lenco-ს ფირსაკრავები და ეს დინამიკი ერთმანეთისთვის არიან შექმნილები, ამიტომაც, განსაკუთრებით მელომანებს ამ მოდელსაც არანაკლებ გირჩევთ. აქვს ბლუთუზ მხარდაჭერა, სამართავი პულტი და რამდენიმე რეჟიმი. ეს მოდელიც განკუთვნილია შიდა სივრცისთვის.

ნიდოზე სხვა რჩეული ბრენდების დინამიკების მრავალფეროვანი არჩევანი გელოდება, ამიტომაც, გირჩევთ საკუთარ გემოვნებასა და ინსტიქტებს მიენდო. დარწმუნებულები ვართ, შენთვის იდეალურ დინამიკს ახლა უფრო მარტივად შეარჩევ. გარდა ამისა, შენაძენს ნებისმიერ ადგილად მოგიტანთ და არ დაგავიწყდეს, რომ ჩვენთან განვადებაც ხელმისაწვდომია.