ყურსასმენები

წარმოიდგინეთ, მთელი დღე ისე გავიდეს, რომ ვერცერთი ნოტის მოსმენა ვერ შეძლოთ. რთული წარმოსადგენია, არა? ალბათ ეს იმ იშვიათ შემთხვევებში ხდება ხოლმე, როცა ყურსასმენი სახლში გრჩებათ და ტრანსპორტში მოწყენილი სახეების თვალიერების მეტი არაფერი დაგრჩენიათ. არადა, იყო დრო, როცა მუსიკის მოსმენა დიდ ფუფუნებად ითვლებოდა. ჯერ მხოლოდ ცოცხალი მუსიკით უწევდათ დაკმაყოფილება, მოგვიანებით უკვე ხმის ჩამწერი მოწყობილობებიც გამოჩნდა, მაგრამ ყველას არ ჰქონდა შესაძლებლობა, უკეთეს შემთხვევაში, სახლში დამტკბარიყო ჰანგებით ან, უარეს შემთხვევაში, თავად დაეკრა და ემღერა. დღეს ეს პრობლემა წარმოუდგენლადაც კი გვეჩევენება, რადგან პლეერების, სმარტფონის, ფირსაკრავების და წყალობით მუკისა ჩვენი ყოველდღიურობის ნაწილად იქცა. 

იმისთვის, რომ მუსიკის მოსმენა მაქსიმალურად კომფორტული გახდეს, ხოლო ფიქრი და ოცნება კიდევ უფრო სასიამოვნო, საჭიროა ჩვენზე მორგებული ყურსასმენები შევარჩიოთ. უამრავი მახასიათებლიდან გამოვყოფთ რამდენიმე ძირითადს და დაგეხმარებით საუკეთესო ყურსასმენების შერჩევაში. 

სანამ მაღაზიაში წახვალთ ან ვებ გვერდს გახსნით, ჯერ კარგად დაფიქრდით ძირითად დეტალზე – როგორ აპირებთ ყურსასმენების გამოყენებას? ეძებთ ისეთს, რომელიც მოძრაობისას არ ჩამოგვარდებათ? თუ ისეთს, რომელიც მაქსიმალურად მოგწყვეტთ გარესამყაროს? ამ კითხვებზე პასუხი დაგეხმარებათ იმის განსაზღვრაში ზუსტად როგორი ყურსასმენები უნდა შეარჩიოთ. 

როგორი ტიპის ყურსასმენები გჭირდებათ? არსებობს ძირითადად სამი ტიპის: On-ear headphonesრომლებიც, როგოც სახელიდან ჩანს, ყურზე კეთდება; Over-ear headphones რომლებიც ყურს მთლიანად ფარავს და in-ear headphones ან უბრალოდ earphones, რომლებიც ყურში თავსდება. წინა ორისგან განსხვავებით ამ უკანასკნელის აუდიო ხარისხი დაბალია, სამაგიეროდ შეგიძლიათ დარწმუნებულები იყოთ, არცერთი ფიზიკური აქტივობის დროს ყურიდან არ მოგძვრებათ.  

სადენიანი თუ უსადენო? სადენიანი ყურსასმენების გამოყენების შემთხვევაში შეგიძლიათ კავშირის გაწყვეტაზე არ ინერვიულოთ, თუ რა თქმა უნდა, სადენი არ დაზიანდება, მაგრამ ასეთი ყურსასმენების ყველაზე დიდი მინუსი ის არის, რომ თითქოს მიწებებული ხართ ტელეფონზე ან პლეერზე, რასაც ვერ ვიტყვით უსადენო, იგივე ბლუთუზ ყურსასმენებზე. ამ უკანასკნელის გამოყენების შემთხვევაში თავისუფლად შეძლებთ მოძრაობას, მაგრამ ყველა ყურსასმენს აქვს კავშირის მანძილის შეზღუდვა. როგორც წესი, უმრავლესობა ბლუთუზ ყურსასმენს აქვს სადენის შესაერთებელი, ასე რომ მისი მორგება სიტუაციისამებრ შეგიძლიათ. 

არსებობს ე.წ. დახურული და ღია ყურსასმენები. დახურული მოწყობილია ისე, რომ უკანა მხარეს არ აქვს ხვრელები, რაც უზრუნველყოფს ხმის მთლიადან დახშობას, ერთი სიტყვით ასეთი ყურსასმენების გამოყენების შემთხვევაში შეძლებთ თქვენი საყრელი სიმღერის თითოეული ნოტის მოსმენას ისე, რომ გვერდზე მყოფები არ შეაწუხოთ და თქვენც მაქსიმალურად მოწყდეთ გარესამყაროს. ალბათ, მასთან შედარებით ღია ყურსასმენების ერთადერთი უპირატესობა უსაფრთხოებაა, რაც გულისხმობს იმას, რომ ქუჩაში მუსიკის მოსმენის დროს გაიგონოთ ტრანსპორტის ან ადამიანების ხმა და თავიდან აიცილოთ მოულოდნელი შემთხვევები. 

ცოტა უფრო დეტალურად განვიხილოთ ბლუთუზ ყურსასმენების მახასიათებლები.  

კავშირის სიგრძე. როგორც უკვე აღვნიშნეთ, ეს ერთ–ერთი მინუსია უსადნო ყურსასმენების, მაგრამ არც ისე დიდი. ალბათ არცერთი ჩვენგანი არ შორდება თავის ტელეფონს 10 მეტრზე მეტ მანძილზე, ყურსასმენების უმეტესობას კი ამ მანძილზე თავისუფლად შეუძლია საყავრელი მუსიკით მოგამარაგოთ. 

ელემენტის გამძლეობა. გადატვირთული სამუშაო დღის ბოლოს ტრანსპორტში რომ ადგილი არ გვხვდება ამაზე სტრესული ალბათ მაინც ისაა, როცა სიმღერა საყავრელ ადგილას წყდება. მსგავსი უბედური შემთხვევების თავიდან აცილების მიზნით ყურსასმენების შეძენამდე კარგად დააკვირდით, რამდენ ხანს შეუძლია ელემენტს თქვენს სამსხურში ყოფნა. 

რა თქმა უნდა, ყურსასმენებს კიდევ უამრავი მახასიათებელი აქვს, რომელიც უნდა გაითვალისწინოთ და შეამოწმოთ შეძენამდე ისეთები, როგორიცაა მიკროფონი, ღილაკების განთავსება, კორპუსის მასალა, პორტაბელურობა და ა.შ. მაგრამ ეს დეტალები უკვე გემოვნების საკითხია და თქვენთვის მოგვინდია. 

გარდა ზემოთ აღნიშნული რჩევებისა აუცილებლად მიაქციეთ ყურადღება ბრენდის სანდოობას, მწარმოებლის გარანტიას, მომსახურებასა და მხარდაჭერას ან უბრალოდ გამოტოვეთ ყველა ჩამოთვლილი საფეხური, შემოიხედეთ ჩვენს საიტზე და შეარჩიეთ საუკეთესო ბრენდების ყურსასმენები თქვენზე გათვლილი ფასებითა და მოსახერხებელი პირობებით. 

პროდუქციის ფილტრები
ბლუთუზი
ბრენდი
    ყველაფრის ჩვენება (32)
ტიპი
ფასი

 – 

  • 9
  • 1299
ფერი
    ყველაფრის ჩვენება (13)
nido prime
მიკროფონი