Tecno Camon 15 მობილური ტელეფონი

Tecno-ს მობილურების ბრენდზე ჩვენთან ცოტამ თუ იცის, არადა 2006 წლიდან მოყოლებული კომპანია წარმატებით აწარმოებს და ყიდის თავის ტელეფონებს მსოფლიოს 60–ზე მეტ ქვეყანაში. დღეს განვიხილავთ Tecno-ს ერთ–ერთ ახალ მოდელს, Tecno Camon 15-ს, რომელიც არაფრით ჩამოუვარდება თქვენთვის ცნობილი ბრენდების სმარტფონებს.

პირველ რიგში უნდა აღინიშნოს, რომ Tecno-ს ტელეფონები, მათ შორის Camon 15, ხელმისაწვდომ ფასთან ერთად გვთავაზობს საუკეთესო მახასიათებლებს და შესანიშნავ კამერას.

ტექნიკური მახასიათებლები

• სმარტფონი Tecno Camon 15 გამოვიდა 2020 წლის 20 თებერვალს. ტელეფონს აქვს 6.55 დიუმიანი სენსორული ეკრანი და 4 GB ოპერატიული მეხსიერება. ეკრანის გაფართოება სავსებით საკმარისია მედია კონტენტის კომფორტულად დასათვალიერებლად. მართალია დიდი ეკრანის გამო ტელეფონი მოცულობითი და არც ისე მსუბუქია, რაც ბევრისთვის შეიძლება დისკომფორტის მიზეზი გახდეს, მაგრამ ახლა თითქმის ვეღარსად ვნახავთ პატარა ტელეფონებს და მცირე ეკრანიც აღარავის ხიბლავს.

• სმარტფონი მუშაობს Android 10-ით და იკვებება 5000mAh ფიქსირებული ელემენტით. რაც შეეხება დატენვის ფუნქციას, ტენვის პროცესი არც ისე სწრაფია, სრულად ელემენტის დატენვას 2,5 საათი სჭირდება, მაგრამ იმის გათვალისწინებით, რომ არც ისე მალე ჯდება, შეგიძლიათ ტელეფონი ღამით დატენოთ და მთელი დღის განმავლობაში უპრობლემოდ ისარგელობთ სავსე ელემენტით.

• Camon 15–ში ძირითადი აქცენტი გაკეთებულია კამერაზე. უკანა მხარეს სმარტფონს 4 კამერა და LED ფლეში აქვს ჩასმული ზედა მარცხენა ნაწილში. ეს არის 2019–2020 წლების ტრენდი, რომელიც პირველად iPhpone 11-ზე ვიხილეთ და შემდეგ უკვე სხვა მწამოებლებმაც გადაიღეს თავიანთი სმარტფონების ვიზუალში. რაც შეეხება კამერებს, Tecno Camon 15–ს უკანა მხარეს აქვს 48 მეგაპიქსელიანი კამერა ავტოფოკუსით და 16 მეგაპიქსელიანი წინა კამერა სელფის გადასაღებად.

• Tecno Camon 15 მუშაობს HiOS–ზე, დაფუძნებულია Android 10 სისტემაზე და აქვს 64 GB ტევადობის მეხსიერება, რომლის გაფართოება შესაძლებელია microSD ბარათის საშუალებით (256 GB–მდე). Tecno Camon 15 არის ორმაგი სიმ-სმარტფონი, რომელიც იღებს ნანო სიმბარათებს.

• Tecno Camon 15–ს აქვს Wi-Fi, GPS, Micro-USB, FM რადიო, 3G და 4G მხარდაჭერა, ასევე ორივე SIM ბარათზე აქტიური 4G. ტელეფონის სენსორები მოიცავს გარე განათების სენსორს, კომპასს/მაგნიტომეტრს, გიროსკოპს, სიახლოვისა და თითის ანაბეჭდის სენსორებს, ასევე აქვს სახის ამოცნობის ფუნქცია.

დიზაინი

• ტელეფონს უკანა მხარეს ასევე აქვს ანაბეჭდის წამკითხველი, რომელიც საკმაოდ საიმედოდ მუშაობს. არის მოსაზრება, რომ მწარმოებლები ნელ–ნელა გააქრობენ ასეთ მკითხველებს და სმარტფონის ამ ფუნქციას ეკრანზე გადმოიტანენ, მაგრამ მანამდე უნდა აღინიშნოს, რომ Camon 15–ის ვიზუალზე ეს პატარა დეტალი იდეალურადაა მოთავსებული.

• რაც შეეხება წინა მხარეს, ერთადერთი, რამაც შეიძლება ეკრანზე ხელი შეგიშალოთ, არის კამერა, რომელიც ზედა მარცხენა კუთხეშია მოთავსებული. გარდა ამისა ეკრანის განათება არაა იმდენად ძლიერი, რომ გარე სივრცეში მუდმივად შეძლოთ უპრობლემოდ ეკრანიდან რაიმეს ამოკითხვა. ზოგისთვის ასეთი დისკომფორტი უმნიშნელოა და თუ თქვენც მათ რიცხვში ხართ, შეგიძლოათ ასეთ წვრილმანს ყურადღება არ მიაქციოთ.

• ტელეფონის ძირში განთავსებულია მიკრო USB პორტი, დინამიკი და ყურსასმენის შესაერთებელი. სამწუხაროდ Camon 15–ს type C USB პორტი არ აქვს, მაგრამ ეს დიდ პრობლემას არ უნდა წარმოადგენდეს. ალბათ, უმეტეს ჩვენგანს ჯერ კიდევ შემონახული აქვს წინა თაობის USB კაბელები.

• როგორც ვთქვით, ტელეფონს აქვს ყურსასმენების შესაერთებელი და შეგიძლიათ ისარგებლოთ სადენიენი ყურსასმენებით. დღესდღეობით სხვა, ბევრად უფრო ძვირადღირებული ბრენდების ტელეფონებს ყურასმენები საერთოდ არ მოყვება ხშირ შემთხვევაში, რასაც ვერ ვიტყვით Camon 15-ზე. მართალია, ის ყურსასმენები, რომლებიც ტელეფონს მოყვება არც ისე ხარისხიანია და დიდი ჟღერადობაც არ აქვს, მაგრამ ნებისმიერ დროს შეგიძლიათ მათი უკეთესით შეცვლა.

• ყველა დამხმარე ღილაკი მოთავასებულია მარჯვენა მხარეს. მარცხენა მხარეს კი აქვს სიმის მოსათავსებელი, რომელშიც არის 2 სიმ ბარათისა და ერთი მეხსიერების ბარათის ადგილი.

სისტემური მახასიათებლები

ჭკვიანი პანელი საშუალებას გაძლევთ სწრაფად გახსნათ აპლიკაციები ეკრანის მარჯვენა მხარეს. ასევე შეგიძლიათ პანელში არსებული პროგრამების რედაქტირებაც. ხანდახან შეიძელბა შემთხვევით აპლიკაციებს ადგილი შეუცვალოთ ან რომელიმე გახსნათ, მაგრამ ამისგან არცერთი სენსორული ტელეფონი დაზღვეული არაა. სმარტფონს აქვს Dark mode-იც და შეგიძლიათ ეკრანი და მხარდამჭერი აპლიკაციები ე.წ. ღამის რეჟიმზე გადაიყვანოთ, თუ თვალები მალე გეღლებათ ან უბრალოდ არ მოგწონთ, როცა ეკრანი კაშკაშებს. Camon 15-ს აქვს ასევე თამაშის რეჟიმის ფუნქციაც, რომელიც ძალიან მოსახერხებელია გეიმერებისთვის. ამ რეჟიმის ჩართვის შემთხვევაში ტელეფონის მთლიანი სიმძლავრე მომართულია თამაშისკენ, რათა უკეთ გაერთოთ შეფერხებების გარეშე და ასევე შეგიძლიათ შეაჩეროთ შეტყობინებების მიღება, რათა თამაშში ხელი არ შეგეშალოთ.

ერთი–ორი სიტყვა კონკურენტებზეც ვთქვათ. პირველ რიგში აღვნიშნოთ, რომ Tecno-ს საფასო კატეგორიაში ცოტა ბრენდი თუ მოხვდება. ალბათ, პირველი ისევ Xiaomi გაგვახსენდება. თუ ამ ორი ბრენდის ერთნაირი ფასის ტელეფონებს შევადარებთ, ძალიან დიდ სხვაობას არ მივიღებთ, მაგრამ მაინც არის წვრილმანები, რომლის გათვალისწინებაც, მეტწილად, გემოვნების საკითხია. მაგალითად, ეკრანის გაფართოება, ელემენტის გამძლეობა და კამერა Camon-ს სულ ცოტათი, მაგრამ მაინც უკეთესი აქვს, მაშინ როცა Xiaomi-ს ვიზუალი შეიძლება უფრო მიმზიდველი მოგეჩვენოთ. ერთი სიტყვით, თუ მომხმარებლების იმ კატეგორიაში არ ხართ, ვისაც ტელეფონში ბევრციფრიანი თანხის გადახდა უყვარს და ამავე დროს გინდათ, რომ პრაქტიკული, გამძლე და ხარისხიანი სმარტფონი იყიდოთ, აუცილებლად მიეცით შანსი Tecno–ს ტელეფონებს. მიუხედავად იმისა, რომ ბრენდი ცოტა ხნის წინ შემოვიდა ბაზარზე, უკვე მოასწრო დახვეწა და მომხმარებლების ყველა ბაზისური მოთხოვნილების დაკლამყოფილება.