სიცხის დამწევი წამლები: რა შეცდომებს უშვებენ მშობლები?

მინდა შევეხო პრობლემას, რომელიც საკმაოდ ხშირად გვხვდება დღესდღეობით. რათქმაუნდა, ბევრმა მშობელმა არ იცის, რომ თემა რომელსაც მე შევეხები ნამდვილად წარმოადგენს პრობლემას და იმედი მაქვს ამ სტატიის ნახვის შემდეგ უფრო მეტად ფრთხილები იქნებით.

საქმე ეხება იმას, თუ რა სიხშირით ვაძლევთ ჩვენს პატარას სიცხის დამწევ საშუალებას: პარაცეტამოლი, ნუროფენი და მსგავსი წამლები.  ყველა ეს პრეპარატი არის აცეტამინოფენის ჯგუფი. განსხვავება არის მხოლოდ სახელი, რომლითაც ის იყიდება და მწარმოებელი ქვეყანა. აცეტამინოფენი არის საკმაოდ ეფექტური და უსაფრთხო სიცხის დამწევი, ასევე ტკივილგამაყუჩებელი პრეპარატი, როდესაც მისი მიღების წესი არის დაცული.

თუმცა, ალბათ ყველა ჩვენგანი შესწრებია ასეთ სიტუაციას: ბავშვს აქვს სიცხე, დედამ, მამამ ან ბებიამ მისცა სიცხის დამწევი. გადის გარკვეული პერიოდი – ერთი საათი, ორი საათი, პატარას მდგომარეობა არ არის დამაკმაყოფილებელი და მშობელი ისევ აძლევს იგივე წამალს ისე, რომ არც აქვს ეჭვი, რომ რაიმეს არასწორად აკეთებს.

მშობლებო, დედებო, ბებიებო, ბაბუებო არავითარ შემთხვევაში ასე არ მოიქცეთ. აუცილებელია ამ წამლის მიღებისას დაცული იყოს 4-6 საათიანი შუალედი. წინააღმდეგ შემთხვევაში თქვენს პატარას აუცილებლად დაუზიანებთ ღვიძლს ისე, რომ ამას ვერც მიხვდებით.

ასევე, აუცილებლად მიაქციეთ ყურადღება: თუ მიიღეთ აცეტამინოფენი და შემდეგ აპირებთ ე.წ. გაციების საწინააღმდეგო ჩაის დალევას, წაიკითხეთ მისი შემადგელობა, სადაც აუცილებლად აღმოაჩენთ ისევ ჩვენს საყვარელ აცეტამინოფენს. შესაბამისად, ისევ საჭირო იქნება 4-6 საათის დაყოვნება.

რათქმაუნდა, ეს მიღების წესი ეხება როგორც პატარებს, ასევე დიდებს. იმედი მაქვს ეს ინფორმაცია გამოგადგებათ და გაითვალისწინებთ.

სამედიცინო და გამაჯანსაღებელი პროდუქტების სანახავად გადადით ბმულზე --> nido.ge/beurer/