როლიკები

ბავშვის გარეთ გაყვანა, განსაკუთრებით მზიან ამინდში ძალიან მნიშვნელოვანია, თუმცა ხშირად არ ვიცით გარეთ როგორ უნდა გავართოთ. ან შეიძლება, ბავშვი ისეთ ასაკშია, რომ ეზოში თავისით ჩასვლა შეუძლია, მაგრამ დიდად გარეთ გასვლის ინტერესი არ აქვს. სამწუხაროდ ეკრანებს მიჩერებული ბავშვები დღევანდელობის აქტიური პრობლემაა. ორივე შემთხვევაში როლიკები დაგეხმარება. ბევრი ფიქრი არც იმაზე მოგიწევს, როგორ გაართო გარეთ, მეტი დრო გაატაროს ღია სივრცეში.

რატომ არის კარგი როლიკები?

როლიკები ბავშვის ერთ-ერთი საუკეთესო საშუალებაა იმისთვის, რომ ბავშვმა აქტიურად იმოძრაოს. გართობასთან ერთად როლიკებით კატაობა კარგი ვარჯიშიცაა.

ბავშვს უწევს მოძრაობებზე, მარშრუტზე ფიქრი, რაც გონევბრივ განვითარებას ძალიან უწყობს ხელს. როლიკებით ბავშვი სხვადასხვა დაბრკოლებას გადალახავს, რაც მომავალში აუცილებლად გამოადგება.

როლიკებით სრიალი ტანვარჯიშის სახეობად მიიჩნევა. ბავშვი იყენებს სხვადასხვა პოზას, მოძრაობას, რაც ხელს უწყობს სხეულის გავარჯიშებას.

აუმჯობესებს მოქნილობას, წონასწორობას, კოორდინაციის უნარს.

როლიკები ბევრ ფიზიკურ პრობლემასთან ერთად, ემოციური პრობლემების გადაწყვეტაშიც ეხმარება ბავშვს. ფიზიკური აქტივობა, თანაც მხიარული, სწორედ ის არის, რაც საუკეთესოდ ებრძვის სტრესს. ჩვენ კი, როგორც არ უნდა დავიცვათ ჩვენი შვილები, სტრესს მაინც იღებენ.

მუდმივი პრობლემაა, სად და როგორ დახარჯონ ბავშვებმა ენერგია, არ აქვს მნიშვნელობა ბავშვის ასაკს. ყველა მშობელი ყოველთვის დარდობს იმაზე, როგორ დახარჯინოს ბავშვს ენერგია სასარგებლოდ. როლიკები კი ამისთვის მართლაც საუკეთესოა.

როლიკების ერთ-ერთი ძალიან დიდი პლუსი მშობლებსა და შვილებს შორის კომუნიკაციის დამყარება, კომუნიკაციის გაუმჯობესებაცაა. არ შეშინდეთ თუ წაიქცევა, არ შეიცხადოთ თუ თავიდანვე არ გამოუვა, რადგან თქვენი შეცხადება და იმედგაცრუება მასზე ცუდად იმოქმედებს. პირიქით, წარუმატებლობის შემთხვევაში გაამხნევეთ და წაახალისეთ. ექსპერტები ამბობენ, რომ თუ თქვენს ცხოვრებისეულ გამოცდილებაზე და მარცხებზე მოუყვებით, დადებითად აისახება ბავშვზე.

როგორ შევარჩიოთ როლიკები

როლიკების შეძენისას უპირატესობა უნდა მიანიჭო რეგულირებად როლიკებს. ბავშვებს ფეხი მალე ეზრდებათ, რეგულირებადი როლიკები კი დიდი ხანი გამოადგება.

რა თქმა უნდა, შეგიძლია დაბალ ფასიანი როლიკები იყიდო, მაგრამ გაითვალისწინე, რომ შეიძლება დაბალი ხარისხის იყოს და ადვილად გაფუჭებასთან ერთად, ბავშვს ფეხები ატკინოს და უარესი, დაუზიანოს კიდეც.

პირველი უმჯობესია ოთხბორბლიანი როლიკები იყოს, ეგრეთ წოდებული ციგურები. ცუგურები ეწოდება როლიკებს, რომლებსაც ბორბლები სიგანეზე აქვს გადანაწილებული და შედარებით პატარა ასაკის ბავშვებისთვის, დამწყებებისთვისაა შექმნილი. თუმცა დღესდღეობით უკვე შესაძლებელია იყიდო პატარა როლიკები, სიგანეში განლაგებული ოთხი ბორბლით, რომელიც გარდაიქმნება და სიგრძეზე უმაგრდება ბორბლები. ასეთ როლიკებს აუცილებლად აქვთ ზომის მარეგულირებელი. შესაბამისად ერთხელ ნაყიდი საბავშო როლიკები საშუალებას მოგცემს ბავშვმა ისწავლოს როლიკების ტარება და მომდევნო წლებშიც გამოიყენოს. ასაკის და ფეხის ზომის ცვლასთან ერთად არ მოგიწევს ახალი როლიკების შეძენა.

ზუსტი ასაკი როდის უნდა დაიწყოს ბავშვმა როლიკების ტარება განსაზღვრული არ არის. მისი შერჩევაც ასაკის მიხედვით არ ხდება, არამედ ფეხის ზომის მიხედვით. როლიკების მინიმალური ზომა უნდა ემთხვეოდეს ბავშვის ფეხის ახლანდელ ზომას.

ბევრ მშობელს ეშინია, რომ როლიკები სახიფათოა და ბავშვმა შეიძლება სერიოზული დაზიანება მიიღოს. თუმცა უკვე ბევრი დამცავი საშუალება არსებობს, რომლებიც უზრუნველჰყოფს ბავშვის უსაფრთხოდ გართობას. შეგიძლია ყველა ის დეტალი შეიძინო, რომელიც შენი აზრით ბავშვს სჭირდება და წაქცევის შემთხვევაშიც კი არაფერს დაიზიანებს.

არ დაგავიწყდეს, სანამ ბავშვი დამოუკიდებლად შეძლებს როლიკების მორგებას და ტარებას, იდეალურად უნდა მოარგო. ჩაცმის დროს ყველა დეტალს მიაქციე ყურადღება, კარგად იყოს შეკრული როლიკები. კითხე ბავშვს, ფეხს ხომ არ ტკენს, ხო ნამდვილად კომფორტულად გრძნობს თავს.

როგორც ზემოთ აღვნიშნე ბორბლების კონფიგურაციები განსხვავებულია, სიგანეზე (2x2) და სიგრძეზე, რომელსაც ჩასაშენებელსაც უწოდებენ (1x1x1x1). დასაწყისში კი უკეთესია 2x2, მაგრამ ეს სულაც არ ნიშნავს, რომ მოზრდილ ასაკში ამ კონფიგურაციას არ იყენებენ. ზოგ ბავშვს ძალიან მოსწონს 2x2. ამიტომ ძალიან მარტივი გადაწყვეტაა ნიდოზე ონლაინ შეიძინო როლიკები , რომლებსაც ბორბლებს ისე დაუყენებ, როგორც ბავშვს გაუხარდება და დასჭირდება. ასევე ბავშვებს ძალიან უყვართ მანათობელი როლიკები, ნიდოზე სწორედ ასეთების შეძენას შეძლებ, თან ბავშვის საყვარელი ფერის მიხედვით აარჩევ.