ნოუთბუქის ჩანთები

ახლა ისეთი დროა, რომ ბევრს გადავადგილდებით და გვინდა ჩვენი ნოუთბუქიც თან ვატაროთ. მითუმეტეს ხშირად დისტანციურად გვიწევს მუშაობა. ამიტომ გადავწყვიტე ნოუთბუქის ჩანთები მიმოვიხილო, რათა უფრო კომფორტულად შეძლო მისი ტარება.

ზურგჩანთა

თუ მართლა ბევრს დადიხარ, ეს ნამდვილად საუკეთესო არჩევანია. ნოუთბუქის ზურგჩანთაში ნოუთბუქის გარდა კიდევ უამრავი რამის მოთავსებაა შესაძლებელი. ზურგზე ძალიან კომფორტულად გერგება, სიმძიმეს სწორად ანაწილებს და იარე რამდენიც გსურს. შეგიძლია მოათავსო ტაბლეტი, ტელეფონი, წიგნები, დოკუმენტები, მათ დიდ ნაწილს ბოთლის/ჭიქის ჩასადებიც კი აქვს გვერდებზე. მოკლედ უამრავი განყოფილება იქნება შენ განკარგულებაში.

მხარზე გადასაკიდებელი

აი ნოუთბუქის კარგი ჩანთა თუ არ გაქვს და სამსახურიდან სახლში ნოუთბუქის ტარება გიწევს, საშინელი დისკომფორტის შემქმნელი პროცესია. ნოუთბუქის ჩანთის ამ ვერსიას ის პლუსი აქვს, რომ მოწყობილობის ამოღებაც კი არაა საჭირო, შეგიძლია  გახსნა და ეგრევე დაიწყო საქმიანობა. არის ტევადი, მოსახერხებელი სახელურით და საკიდით.

ჩანთა „პორტფელი“

შეიძლება ზურგჩანთა გაქვს და ფიქრობ, რაღაში მჭირდება დამატებით ნოუთბუქის ჩანთაო. არადა ნოუთბუქს მოფრთხილება სჭირდება, ადვილად იკაწრება და ისე ზიანდება, ჩვენ ვერც კი ვხვდებით. პორტფელში მოათავსებ ნოუთბუქს, ჩაეტევა ტაბლეტი და ტელეფონიც, შემდეგ გინდ ზურგჩანთაში მოათავსებ, ან უბრალოდ როგორც ხელჩანთას ისე გამოიყენებ.

ჩანთების ეს სამი ვარიანტი მორგებულია ყველა ადამიანზე, ვინც ნოუთბუქით გადაადგილდება და სურს იგი არ დაუზიანდეს. ისღა დაგრჩენია, გადაწყვიტო რომელია შენთვის მოსახერხებელი და შეიძინო. ნიდოზე კი ნოუთბუქის ჩანთების დიდი არჩევანი დაგხვდება.