2021 წლის სამზარეულოს ტრენდები

სამზარეულო ჩვენი სახლის ყველაზე მნიშვნელოვანი ნაწილია. ეს არის ადგილი, სადაც ყველაზე ხშირად ვიკრიბებით ოჯახის წევრებთან ერთად, არ აქვს მნიშვნელობა კერძებს ვამზადებთ თუ უბრალოდ ვვახშმობთ, სამზარეულოში ყოველთვის სასიამოვნოდ ვატარებთ დროს. სწორედ ამიტომ ყურადღება, რომელსაც სახლის ამ ნაწილის მოწყობას ვუთმობთ, არასდროსაა ზედმეტი. გაგაცნობთ 2021 წლის, ყველაზე თანამედროვე ტრენდებს სამზარეულოს მოწყობასთან დაკავშირებით.

1. ორთქლის ღუმელები

ექსპერტებმა შენიშნეს, რომ მსოფლიო მასშტაბით სამზარეულოს მოწყობილობების ერთ–ერთი ყველაზე სწრაფად მზარდი ტენდენცია არის ორთქლის ღუმელების დამონტაჟება. ორთქლის ღუმელები შესანიშნავი არჩევანია მათთვის, ვისაც სწრაფი და ჯანსაღი კერძების მომზადება უყვარს. გარდა ამისა, ორთქლის ღუმელი მიკროტალღური ღუმელის იდეალური ალტერნატივაა.

თუ სამზარეულოს განახლებას ან უკვე არსებული ღუმელის შეცვლას აპირებთ, ორთქლის ღუმელი შესანიშნავი ვარიანტია. მინიმალურ დროში შეგიძლიათ მოამზადოთ ნოყიერი და გემრიელი კერძი, რომელიც შიგნიდან ფაფუკი და წვნიანი, ხოლო გარედან ხრაშუნა იქნება.

მიუხედავად იმისა, რომ ორთქლის ღუმელმა პოპულარობა ახლახანს მოიპოვა, მისი კონცეფცია უკვე საუკუნეებია, რაც არსებობს. ორთქლით მომზადება ჯერ კიდევ ძველი ჩინეთიდან იწყება. მე-18 საუკუნეში ევროპაშიც იყენებდნენ ორთქლის მომზადების ტექნიკას, ორთქლის ღუმელები გვხვდება თონეებსა და რესტორნებში. ასეთი ღუმელების პოპულარობის ზრდა შეიძლება განპირობებული იყოს იმით, რომ უფრო მეტად ვართ გადართული ჯანსაღი საკვების მომზადებაზე.

 2. მაცივრები

2021 წელს სამზარეულოს მოწყობილობებიდან ყველაზე მეტად მაცივრებმა განიცადა ცვლილება. ექსპერტები სხვადასხვა ცვლილებებს ელოდებიან – პირველ რიგში, შეიცვლება მაცივრის ფერი. უჯრები და კარები იქნება მინის, გამჭვირვალე. შემდეგ, გაჩნდება სხვადასხვა ტიპის საკვების განსათავსებელი ზონები. ზოგიერთი უჯრა მოქნილი იქნება და იქ სხვადასხვა საჭმელი განთავსდება, ზოგი კი კონკრეტული საკვების სპეციფიკურობიდან გამომდინარე იქნება შექმნილი.

ასევე უნდა ველოდოთ, რომ მაცივრების სახელურები წარსულს ჩაბარდება. ჭკვიანი ტექნოლოგიები საშუალებას მისცემს მაცივრებს ავტომატურად გაიღოს და დაიხუროს.

 3. თეთრი ფერი

თეთრი არის 2021 წლის ყველაზე ტრენდული ფერი სამზარეულოში. ის ქმნის სისუფთავის ასოციაციას, გარდა ამისა იდეალურად ირეკლავს მზის შუქს და ზრდის სივრცეს ვიზუალურად. სამზარეულო, ალბათ, ერთადერთი ადგილია, სადაც კედლებთან და იატაკთან ერთად თეთრი ავეჯი და ტექნიკაც იდეალურად გამოიყურება.

4. „მრავალჯერადი“ გაზქურა 

ჯანსაღი კვება ურო და უფრო აქტუალური ხდება. ჯანსაღად კვებაში მხოლოდ საკვები არ იგულისხმება, ის ასევე მოიაზრებს საკვების მომზადების ტექნიკებსაც. ე.წ. მრავალჯერადი გაზქურები არის მოწინავე ახალი საყოფაცხოვრებო ტექნიკა, რომელიც საშუალებას აძლევს დიასახლისებს მოამზადონ კერძები სხვადასხვა გზით. ახლა შეგიძლიათ ისიამოვნოთ თქვენი საყვარელი კერძებით მის კარაქში ან ზეთში გაცხელების გარეშე. უბრალოდ შეავსეთ გაზქურა წყლით და უმოკლეს დროში მიიღებთ ჯანმრთელ, ორთქლით გაცხელებულ საკვებს.

5.  წყლის დისპენსერები

ჯანსაღი კვების ტენდენციებზე საუბრისას აუცილებლად უნდა გავითვალისწინოთ წყალი, რომელსაც ვსვამთ ონკანიდან ან ვყიდულობთ მაღაზიაში. მიუხედავად იმის, რომ ჩვენს ქვეყანაში სასმელი წყალი პრობლემა არ არის, ზოგს მაინც მეტად გაფილტრული წყლის მოხმარება ურჩევნია, სწორედ მათ ვურჩევთ გაფილტრული წყლის ჩასამონტაჟებელ დისპენსერებს. მოსახერხებელია ნებისმიერ ოთახში, მაგალითად, სამზარეულოში, მისაღებში ან თუნდაც საძინებელში. ეს მოწყობილობა საშუალებას გაძლევთ გემრიელი, გაფილტრული წყალი იყოს თქვენთვის ხელმისაწვდომი ნებისმიერ დროს სახლის ნებისმიერ წერტილში. გარდა ამისა, მისი ერთ–ერთი დადებითი მხარე არის ის, რომ თქვენ აღარ გამოიყენებთ პლასტმასის ერთჯერად ბოთლებს ხშირად და აღარ დააბინძურებთ გარემოს.

6.  პერსონალიზაცია

არც ერთი სამზარეულო არ უნდა ჰგავდეს ერთმანეთს! გათავისუფლდით ჩარჩოებისგან, მიეცით თქვენს ფანტაზიას გასაქანი და მოაწყვეთ ინტერიერი თქვენს ნებაზე. გაეცანით თანამედროვე ტენდენციებსა და მიმდინარე ტრენდეს, აარჩიეთ ის, რომელიც ყველაზე მეტად გამოხატავს თქვენს ხასიათს. გამოიყენეთ სამზარეულოს კედლები სხვადასხვა ნივთებისა თუ აქსესუარების ჩამოსაკიდად, გახადეთ ისინი ერთდროულად პრაქტიკულიც და ორიგინალურიც.

უამრავი დიასახლისისთვის სამზარეულო წმინდა ქვაკუთხედია, სადაც იკრიბება ოჯახი, მზადდება კერძები, მოდიან სტუმრები და ა.შ. ეს ის ადგილია, სადაც მუდამ ბედნიერად უნდა გრძნობდეთ თავს, ამიტომ მიეცით გასაქანი თქვენს ფანტაზიასა და თანამედროვე ტექნოლოგიებს და მათი კოლაბორაციით შექმენით იდეალური სამზარეულო.