სკუტერი

ბავშვისთვის სკუტერის არჩევა უფრო რთულია, ვიდრე მოზარდისთვის, რადგან გაცილებით მეტი დეტალია გასათვალისწინებელი. რომელ ასაკში უნდა დაიწყოს ბავშვმა სკუტერის ტარება?  სამ ბორბლიანი სკუტერი (სამაკატკი) ვიყოდო თუ ორბორბლიანი? რას უნდა მივაქციო ყურადღება საბავშვო სკუტერის შეძენის დროს? მე ვეცდები სკუტერთან დაკავშირებულ ამ და სხვა კითხვებს ვუპასუხო.

საბავშვო სკუტერების პლუსები

• ბავშვს ეხმარება ფიზიკურ ჩამოყალიბებაში და მოტორულ ფუნქციებს უნვითარებს.
• კარგი ვარიანტია გარე აქტივობებისთვის და ვარჯიშისთვის.
• ამზადებს ბავშვს ველოსიპედის ტარების სწავლისთვის.

რა უნდა გაითვალისწინო სკუტერის შერჩევისას

• ბავშვის წონა და სიმაღლე
• ბავშვის მოტორული და ფიზიკური უნარები
• იცის თუ არა სკუტერის ტარება

თუ ბავშვი ფეხზე უპრობლემოდ დგას და დადის, მისთვის სკუტერის ყიდვა უკვე შეგიძლია. ანუ დაახლოებით 2 წლიდან ბავშვებს სკუტერის ტარება უკვე შეუძლიათ. რაც უფრო ადრე დაიწყებს ბავშვი სკუტერის ტარებას,  უკეთ განუვითარდება მოტორული უნარები.

ორბორბლიანი სკუტერია საჭირო თუ სამბორბლიანი? 

ამისთვის უნდა გავარკვიოთ რომელი როგორია.

ორი წინა ბორბალი, ერთი უკანა ბორბალი და მოსაბრუნებელი საჭე - ეს სამბორბლიანი სკუტერის ყველაზე  გავრცელებული ტიპია. ამ ტიპის სკუტერი უფრო მარტივი სამართავია და პატარა ბავშვებისთვისაა განკუთვნილი. როიცა წინ მიდის, სკუტერი თვითდაბალანსდება. წინა ორი ბო0რბალი და საჭე მათავს სკუტერს, ბავშვი კი იმ მიმართულებით იხრება, საითაც მოხცვევა სურს. ეს სტილი ბავშვს ეხმარება სწრაფად და ინტუიციურად გააცნობიეროს დინამიკა. უყალიბებს თავდაჯერებულობას. ეს თავდაჯერებულობა მოგვიანებით უადვილებს ორბორბლიანი სკუტერის ტარების სწავლას. აირჩიეთ სკუტერის ეს ტიპი, თუ ბავშვი 2-დან 5 წლამდე ასკაისაა და უჭირს ორბორბლიანი სკუტერის მართვა.

ერთი წინა და ორი უკანა ბორბალი, ველოსიპედის ტიპის საჭე. თუ ბავშვს უჭირს დახრილ-სამართავი ტიპის სკუტერის ტარება, უკანა ორბორბლიანი სკუტერი ძალიან კარგი ვარიანტია. თუმცა ეს სკუტერი თავისებურია, ყველა ბავშვს არ უადვილდეა წინ ერთი ბორბლის მქონე სკუტერის მართვა.

ასევე არსებობს სამბორბლიანი სკუტერი, რომელსაც დასაჯდომიც აქვს. ამ სკუტერის გამოყენება შეიძლება 2 წლამდე ბავშვებისთვისაც და ის პლუსი აქვს, რომ სკამი ეკეცება და მოგვიანებითაც შეძლებს როგორც ჩვეულებრივი სკუტერის გამოყენებას. 

პლასტიკური კორპუსის სამბორბლიანი საბავშვო სკუტერების უმეტესობა განკუთვნილია მაქსიმუმ 50 კგ-მდე  ბავშვისთვის.

სამბორბლიანს სკუტერს ირჩევ:

თუ ბავშვისთვის პირველი სკუტერია;

თუ ბავშვი არ არის ფიზიკურად აქტიური;

თუ ბავშვი ასაკით პატარაა (2-დან 5 წლამდე).

ორბორბლიან საბავშვო სკუტერებს ბალანსირება უფრო მეტად სჭირდებათ, ვიდრე სამბორბლიან სკუტერებს. გარკვეული სიჩქარის აკრეფაა საჭირო, რათა სკუტერმა ბალანსი შეინარჩუნოს. გარდა ამისა, მობრუნებისას ბავშვი უნდა დაიხაროს მოხვევის ცენტრისკენ.

ორბორბლიან სკუტერს ირჩევ:

თუ ბავშვმა იცის სკუტერის ტარება;

თუ ფიზიკურად აქტიურია;

თუ ბავშვი წარუმატებლობის შემთხვევაში ადვილად არ ნებდება.

ასევე შეგიძლია აირჩიო ბავშვის ელექტრო სკუტერი, რომელიც ძირითადად 6 წლის ასაკიდან გამოიყენება.

სკუტერის ზომა ბავშვის უსაფრთხოებისთვის

ბავშვის შესაძლებლობების გარდა, უფრო მარტივია, სკუტერის სახელურის ზომის მიხედვით არჩევა. ისეთი სკუტერის ტარება უფრო უსაფრთხოა, რომლის სახელური ბავშვის ყელზე დაბლაა. თუ სახელური ბავშვის სახესთან, ან ყელთან ახლოსაა, ადვილი შესაძლებელია სახის ან ყელის დაზიანება გამოიწვიოს. სკუტერის სახელურის კარგი სიმაღლეა მუცლამდე, იდაყვებამდე.ორბორბლიანი სკუტერი იზომება ბორბლის ზომის მიხედვით:

პატარა სკუტერი - 100მმ, 120მმ, 125 მმ

საშუალო სკუტერი - 145 მმ, 180 მმ

დიდი სკუტერი - 200 მმ, 205 მმ

ძალიან დიდი სკუტერი - 230 მმ

საბავშვო სკუტერი შეიძლება გამოიყენო, როგორც გასართობი საშუალება პარკში, პიკნიკზე ან დასასვენებლად წასვლისას. ასევე, როგორც ტრანსპორტი. ძალიან კომფორტულია ტროტუარზე ბავშვთან ერთად სიარულისას საბავშვო სკუტერის გამოყენება, რადგან როგორც წესი ბავშვებს ხშირად სიარული ძალიან ეზარებათ. უკვე შედარებით მოზრდილ ასაკში ბავშვს დამოუკიდებლადაც შეუძლია სკუტერით გადაადგილდეს, გასართობადაც გამოიყენოს და ტრანსპორტადაც. თუ დამოუკიდებელი ბავშვია, ნამდვილად გამოადგება საბავშვო ელექტრო სკუტერი.