სამგზავრო სავარძლის გამოყენება 6 -12 წლამდე ასაკშიც სასიცოცხლოდ მნიშვნელოვანია

ბავშვის უსაფრთხოება ყველა მშობლისთვის პრიორიტეტია, თითოეული მათგანი ზრუნავს, სწორად შეარჩიოს საკვები, სათამაშო, კურორტი, თუმცა ამ ჩამონათვალს აუცილებლად უნდა დავუმატოთ სამგზავრო სავარძელი, მით უფრო, თუ თქვენ გყავთ ავტომობილი, არ აქვს მნიშვნელობა რა მანძილზე გადაადგილდებით, ბავშვი 0 თვიდან 12 წლამდე უნდა იჯდეს სამგზავრო სავარძელში. სამგზავრო სავარძლები თავის მხრივ იყოფა კატეგორიებად, რომელთა  შერჩევა დამოკიდებულია ბავშვის წონასა და ასაკზე.

დაბადებიდან 1 წლამდე, ზოგჯერ კი, დაახლოებით, 4-5 წლამდე მშობლები შვილებისთვის სამგზავრო სავარძელს იყენებენ, თუმცა რა ხდება შემდეგ? არსებობს მოსაზრება, რომ სკოლის ასაკს მიღწეულ ბავშვს აღარ სჭირდება სამგზავრო სავარძელი, რადგან იგი დამოუკიდებლად ზის და შეუძლია, სიმშვიდე შეინარჩუნოს და  მგზავრობის დროს არ იმოძრაოს უკანა სავარძელზე, თუმცა ეს მოსაზრება მცდარია.

ევროპასა და ამერიკაში არსებობს რეგულაციები, რომლის თანახმად,  იკრძალება  ბავშვის სპეციალური სამგზავრო სავარძლის გარეშე გადაყვანა. საქართველოში ეს რეგულაცია ამ ეტაპზე არ მოქმედებს, თუმცა მიუხედავად ამისა, მშობლებმა უნდა ავიღოთ პასუხისმგებლობა და თავად ვიზრუნოთ ბავშვების უსაფრთხოებაზე.

6 წლიდან -12 წლამდე ბავშვი აუცილებლად უნდა იყენებდეს სამგზავრო სავარძელს, მათთვის შესაბამისი სამგზავრო სავარძელი არის – ე.წ. „ბუსტერი“, აღნიშნული ასამაღლებელი მოწყობილობა ხელს უწყობს ბავშვის სათანადო სიმაღლეზე აწევას, რათა ავტომობილის უსაფრთხოების ღვედი ბავშვს გულ-მკერდთან ახლოს ჰქონდეს მორგებული და არა – კისერზე, რამაც შესაძლოა, ასფიქსია გამოიწვიოს (სუნთქვის შეჩერება, გულის შეხუთვა) და ფატალური შედეგით დასრულდეს.

ზოგ ბუსტერზე მითითებულია, რომ მისი გამოყენება შესაძლებელია 4 წლიდან, მაგრამ მნიშვნელოვანია გაითვალისწინოთ ბავშვის სიმაღლე და წონა. დაუშვებელია ბუსტერის გამოყენება თუ კი ბავშვის პარამეტრები არ შეესაბამება დასაშვებ ნორმას, რადგან არასწორად შერჩეული სამგზავრო სავარძელი საფრთხეს უქმნის თქვენი შვილის სიცოცხლეს.

ბუსტერით ბავშვის გადაყვანა ნებადართულია და შესაძლებელია, თუ მისი სიმაღლე 124 სმ-ზე ნაკლებია, წონა კი 18 კილოგრამზე მეტია. თუმცა, არ იჩქაროთ ბავშვებისთვის ბუსტერის შეძენა,  სამგზავრო სავარძლების უმეტესობა შესაძლებელია, რომ გამოიყენოთ 36 კილოგრამამდე, თქვენ მხოლოდ იმ შემთხვევაში შეგიძლიათ, შეცვალოთ იგი, თუ მასში მოთავსებული ბავშვის ყური გაუთანაბრდა ავტომობილის სამგზავრო სავარძლის ზედა უკიდურეს ნაწილს (ეს მარტივი მეთოდია, რათა მიხვდეთ, რომ უკვე დროა, შეცვალოთ სამგზავრო სავარძელი).

თუ ბავშვის სიმაღლე 135 სმ-ზე მეტია, თქვენ შეგიძლიათ, უკანა სავარძელზე ავტომობილის უსაფრთხოების ღვედით დაიცვათ მისი უსაფრთხოება.  12 წლიდან შესაძლებელია ბუსტერის გარეშე ტრანსპორტირება.

თუ ემზადებით სკოლისთვის, ეძებთ სასკოლო ნივთებს, არ დაგავიწყდეთ, შეიძინოთ ბუსტერიც, რომელთა ფასი სანდო მომწოდებლებთან 39 ლარიდან იწყება,  მაგრამ პირველ რიგში, გაეცანით ინსტრუქციას,  რა წონასა და სიმაღლეზეა გათვლილი თქვენ მიერ შერჩეული ბუსტერი. ასევე, არ შეიძინოთ სამგზავრო სავარძელი, რომელიც არ არის სანდო და საერთაშორისო სტანდარტებით აღიარებული, არ გამოიყენოთ ვადაგასული სამგზავრო სავარძელი. თითოელი დეტალი დაკვირვებით ნახეთ მის შეძენამდე ან ჰკითხეთ რჩევა სამგზავრო სავარძლების ექპერტს – Your car seat, რომელიც თქვენი შვილის პარამეტრების გათვალისწინებით შეგირჩევთ საიმედო მწარმოებელს. ეს კი დაგეხმარებათ, შეარჩიოთ სწორი კატეგორიის სავარძელი ზედმეტი რესურსის დახარჯვის გარეშე, ამასთან, იზრუნოთ თქვენი შვილის უსაფრთხო გადაადგილებაზე.