როგორ შევაყვაროთ ბავშვს კითხვა

ბავშვების უმეტესობას არ უყვარს კითხვა, თუმცა მოსმენაზე უარს არ ამბობენ. ახლა უკვე უამრავი საინტერესო წიგნი გამოდის და, მით უმეტეს, თუ ბავშვს ადრეული ასაკიდან ინგლისურს ასწავლით, წიგნების არეალი კიდევ უფრო გაიზრდება. მთავარია, ბავშვს კითხვა შევაყვაროთ, მაგრამ როგორ?

დაარღვიეთ წესები

მოვიდა ძილის დრო და ბავშვს დაძინება არ უნდა? ეს საუკეთესო მომენტია იმისთვის, რომ არჩევანი მისცეთ: ძილი ან კითხვა. წესების დარღვევით ბავშვს კითხვის მოტივაციას მისცემთ.

სანათის მაგივრად, უყიდეთ თავზე გასაკეთებელი ფარანი, რომელიც უფრო კარგად ანათებს და ბავშვს უფრო კარგად გაართობს.

წაიკითხეთ წიგნები ფილმებთან ერთად

უნდა ბავშვს ფილმის ნახვა? ჯერ წიგნი წააკითხეთ, თუნდაც პირიქით, მერე გაერთეთ წიგნისა და ფილმის შედარებით. რა იყო წიგნში, რაც არ იყო ფილმში? იყო ფილმში ყველაფერი ისე, როგორც წიგნში წარმოგედგინა? რომელი უფრო მოეწონა ბავშვს?

შექმენით ოჯახის წიგნის კლუბი

შექმენით დედა-შვილის წიგნის კლუბი და თუ შეძლებთ, ჩართეთ თქვენი მეგობრები და მათი შვილები. ეს საოცარი აქტივობაა ბავშვთან დასაახლოვებლად და კითხვის შესაყვარებლად.

თქვენ დაიწყეთ, ბავშვი დაამთავრებს

დაიწყეთ წიგნის კითხვა ისე, რომ ბავშვი ჩაითრიოს. კითხვის დროს უცბათ გაგახსენდებათ, რომ რაღაც საქმე გქონიათ. ბავშვი თვითონ გააგრძელებს კითხვას.

მიეცით ფული წიგნებისთვის

ბავშვს მიეცით ფული სპეციალურად წიგნის საყიდლად, წიგნის მაღაზიაში კი მას აარჩევინეთ წიგნი.