როგორ შევარჩიოთ ფირსაკრავი

მას შემდეგ, რაც 1877 წელს ფონოგრაფზე ჩაწერილმა ტომას ედისონის ხმამ პირველად გაიჟღერა, ბევრა წყალმა ჩაიარა. ფირსაკრავები დაიხვეწა, ჯერ გაოცების საგანი გახდა, შემდეგ – სიყვარულის. რამდენიმე ათწლეულის განმავლობაში მელომანები დიდი მონდომებით ყიდულობდნენ ახალ–ახალ ფირსაკრავებს, აგროვებდნენ საყავრელი მუსიკოსების ვინილებს და ტკბებოდნენ ხარისხიანი მუსიკით, მაგრამ, როგორც ხდება ხოლმე, აღფრთოვანებაც და სიყვარულიც ნელ–ნელა გაცვდა, ფირსაკრავები რადიომ და სხვა ფლეერებმა ჩაანაცვლა, ვინილები კი – CD დისკებმა. ისევე, როგორც თითქმის ყველაფერი, მუსიკაც გაციფრულდა. და ზუსტად მაშინ, როცა მუსიკის მოსასმენი კლასიკური ხელსაწყო ბოლო წუთებს ითვლიდა, გამოჩნდა ახალი თაობა, რომლისთვისაც ციფრული სამყარო სულაც არ არის უჩვეულო და პირიქით, უფრო ვინტაჟურ და ხარისხიან მოწყობილობებს ეძებს. ბოლო წლებში ფირსაკრავების გაყიდვები იმდენად გაიზარდა, რომ ამ ამბავზე ინტერნეტ სივრცეშიც კი ალაპარაკდნენ, ზოგიერთ ქვეყანაში გაყიდული ფირფიტების რაოდენობამ CD დისკების რაოდენობას გადააჭარბა. 

ტექნოლოგიების განვითარების წყალობით თითქმის მთლიანად შეიცვალა ჩვენი ცხოვრების სტილი, მათ შორის მუკის მოსმენის გზებიც. დღეს მუსიკას ვუსმენთ ყველგან – კაფეებში, ტრანსპორტში, სავარიჯშო დარბაზებში, მაღაზიებში. იმის შესაძლებლობა, რომ ცოტა ხნით შევჩერდეთ, დავსხვდეთ, მშვიდად და გულისყურით მოვუსმინოთ მთლიან ალბომს, თითქმის არ გვაქვს. ზუსტად ის კომფორტი გვაკლია, რომლის შევსებაც ფირსაკრავსა და ვინილს შეუძლია. გარდა ამისა, მათი უპირატესობა ციფრულ ფლეერებთან შედარებით ის არის, რომ მელოდია ჟღერს ბევრად უფრო სუფთად და ხარისხიანად. 

თუ თქვენც ვინილების მოყვარულთა ფერხულში აპირებთ ჩაბმას და არ იცით, რა კრიტერიუმებით შეარჩიოთ ფირსაკრავი, რამდენიმე რჩევას მოგცემთ, ოღონდ მანამდე ჯერ ფირსაკრავის ზოგად ტექნიკურ მახასიათებლებს გადავხედოთ. 

ფირსაკრავი შედგება ბაზისისგან (plinth, ყუთი, რომელშიც ძრავი და მთელი ელექტრონიკა იმალება), თეფშისა (platter, მრგვალი, მბრუნავი დისკო, რომელზეც თავსდება ფირფიტა) და ტონარმისგან (tonearm, ჯოხი, რომლის ბოლოშიც მდებარეობს ნემსი, რომელიც კითხულობს ფირფიტაზე დატანილ აუდიო ინფორმაციას). ზოგიერთ ფირსაკრავს დამატებით აქვს თავსახური, რომელიც იცავს ყველა ჩამოთვლილ ნაწილს მტვრისგან. 

ახლა კი გადავიდეთ უშუალოდ კრიტერიუმების განხილვაზე. 

1. რისთვის გჭირდებათ ფირსაკრავი, მუსიკის შესაქმნელად თუ უბრალოდ მოსასმენად? 

არსებობს 2 ტიპის ფირსაკრავი Belt drive –(ღვედით მართული) და Direct drive (პირდაპირ მართული). ღვედით მართული ფირსაკრავები გათვლილია მათზე, ვისაც უბრალოდ მუსიკის მოსმენით ტკბობა უნდა. ასეთი ფირსაკრავები ისეა აგებული, რომ მინიმუმადეა დაყვანილი მოტორისგან გამოწვეული ხმაურის დონე და ვიბრაცია, არის მეტად გამძლე და აქვს მაღალი ბრუნვადობა. ასეთი ფირსაკრავის კარგი მაგალითია C6 Walnut, რომელსაც ლეგენდარული Crosley აწარმოებს. Belt drive ფირსაკრავები ვიზუალითაც საკმაოდ განსხვავდება Direct drive-ისგან. ამ უკანასკნელს, როგორც წესი, იყენებენ დიჯეები. ერთ–ერთი ასეთი გამორჩეული მოდელია Lenco L-3808, რომელიც გარდა ტექნიკური შესაძლებლობებისა, თავისი ვიზუალითაც გაგაოცებთ. 

2. პორტატული თუ ფიქსირებული? 

ჩემოდნის სტილის ფირსაკრავები გარდა იმისა, რომ მარტივად სატარებელია, ვიზუალურადაც არაჩვეულებრივად გამოიყურებიან. თუ ხშირად მოგზაურობთ და გსურთ, ხარისხიანი მუსიკა თან ატაროთ, მაშინ Lenco TT-10 თქვენთვის ზედგამოჭრილია, მაგრამ თუ მოწყობილობის ხშირად გადაადგილების საჭიროება არ გაქვთ, სჯობს ფიქსირებული ფირსაკრავი შეიძინოთ. როგორც წესი, ასეთ ფირსაკრავებს კიდევ უფრო ხარისხიანი ჟღრადობა აქვთ. 

3. მექანიკური თუ ავტომატური? 

მექანიკური ანუ იგივე ხელით მართვადი ფირსაკრავები ახალი სიმღერის დაკვრისთვის თქვენს დახმარებას საჭიროებენ, ასე რომ თუ ასეთ ფირსაკრავს შეიძენთ, სანამ სავარძელზე მოკალათდებით, ჯერ საკუთარი ხელით მოათავსეთ ტონარმი ფირფიტაზე, რათა მუსიკის მოსმენა შეძლოთ. 

ავტომატური ფირსაკრავების შემთხვევაში მხოლოდ ღილაკზე თითის დაჭერაა საჭირო, რათა მოწყობილობა ამღერდეს. ტონარმიც ავტომატურად აიწევა და ფირსაკრავი თავად შეწყვეტს ფირფიტის ტრიალს.

4. ნემსი

ნემსი ანუ იგივე კარტრიჯი ფირასკრავის ყველაზე მნიშვნელოვანი ნაწილია, რომელიც ფირფიტაზე დატანილ ინფორმაციას „კითხულობს“. როგორი ხარისხიანიც არ უნდა იყოს მთლიანად ფირსაკრავი და ვინილი, თუ ნემსი დაბალი ხარისხისაა, მუსიკის საღამო აუცილებლად ჩაგეშლებათ. 

შედარებით დაბალი ხარისხისა და ბიუჯეტურ ფირსაკრავებს, როგორც წესი, ფიქსირებული კარტრიჯი აქვს, ხოლო საშუალო და მაღალი ხარისხისას – შეცვლადი, რაც იმას ნიშნავს, რომ თუ დროთა განმავლობაში ნემსი გაცვდება ან მექანიკურად დაზიანდება, შეგიძლიათ მხოლოდ ეს პაწაწინა დეტალი გამოცვალოთ და თქვენი ფირსაკრავი ისევ სრულყოფილ ფორმას დაუბრუნდება.

5. ვიზუალი 

ტექნიკური მახასიათებლები პირველ ადგილზე დგას, მაგრამ არც ვიზუალური მხარე უნდა დაგვავიწყდეს, მითუმეტეს მაშინ, თუ თქვენი ოთახის ინტერიერზე განსაკუთრებულად ზრუნავთ. ამ კრიტერიუმში შეგვიძლია 4 ტიპი გამოვყოთ:

ჩემოდანი, რომელზეც უკვე ვისაუბრეთ. მისი ყველაზე დიდი პლიუსი პორტატულობაა.

მინიმალისტური, რომელიც ზედმეტ ყურადღებას არ მიიქცევს და პარალელურად მაინც გაალამაზებს ოთახს.

კლასიკური. ასეთ ვიზუალზე ფიქრისას, ალბათ, 2 ვერსია გახსენდებათ – ყუთის ფორმის, მაგალითად Lenco TCD-2500 და კიდევ უფრო ვინტაჟური ვიზუალის, ფეხებიანი Crosley Bermuda

DJ - ყველაზე თანამედროვე და საუკეთესოდ აღჭურვილი Lenco L-3808 Direct Drive

ახლა უკვე, როცა ზოგადი წარმოდგენა შეგექმნათ ფირსაკრავების მახასიათებლებზე, უფრო გაგიადვილდებათ არჩევანის გაკეთება. პირველი ფირსაკრავისა და ფირფიტის შეძენა სასიამოვნო გამოცდილება უნდა იყოს, ამიტომ კარგად დაფიქრდით თქვენს საჭიროებებზე, შეარჩიეთ ზუსტად ის მოდელი, რომელიც ყველა კრიტერიუმს დააკმაყოფილებს, ჩვენ კი შენაძენს 45 წუთში მოგიტანთ.