როგორ შევარჩიოთ საბავშვო ველოსიპედი და სკუტერი

მალე ზაფხული მოვა, რაც იმას ნიშნავს, რომ ბავშვები ეზოში უფრო მეტი დროის გატარებას დაიწყებენ. დროის აქტიურად და ხალისიანად გატარებითვის კი მათ ისეთი გასართობები დასჭირდებათ როგორიც არის ველოსიპედი და სკუტერი. თუ თქვენს პატარას ჯერ არ აქვს არცერთი მათგანი, ჩვენ დაგეხმარებით მათ სწორად შერჩევაში.

ველოსიპედისა თუ სკუტერის ტარებით ბავშვი ეჩვევა აქტიურ ფიზიკურ ცხოვრებას, მეტ დროს ატარებს სუფთა ჰაერზე, მას უვითარდება ვესტიბულარული აპარატი და იუმჯობესებს წონასწორობის შენარჩუნების თვისებებს. ახალი ტრანსპორტის შეძენისას მნიშვნელოვანია ყურადღება მიექცეს ყველა დეტალს, რათა ბავშვმა მაქსიმალურად კომფორტულად შეძლოს მისი ტარება და თავიდან აიცილოს მოულოდნელი შემთხვევები.

გაითვალისწინეთ ბავშვის ასაკი და სიმაღლე. ველოსიპედის არჩევა საბურავების დიამეტრის მიხედვით ხდება. მაგალითად, 1–3 წლის ბავშვისთვის, რომლის სიმაღლეც 75–95 სანტიმეტრია, უმჯობესია შეიძინოთ ველოსიპედი, რომლის საბურავის დიამეტრი 30,48 სმ–ზე მცირეა. განვიხილოთ ველოსიპედის რამდენიმე ტიპი, რომელიც თქვენს პატარებს სხვადასხვა ასაკში გამოადგებათ.

თვითმგორავი ველოსიპედები

ასეთ ველოსიპედებს პედლები არ აქვს, ისინი გათვლილია მაქსიმუმ 3 წლამდე ბავშვებისთვის. პატარას არ უწევს დიდი ძალისხმევის გაწევა, შეუძლია ფეხის მიწაზე დარტყმით გააგოროს ველოსიპედი და მაქსიმალური ყურადღება დაუთმოს საჭესა და ბალანსის შენარჩუნებას. ასეთი ველოსიპედი ავითარებს ბავშვის კუნთებს, წონასწორობის შეგრძნებას და ერთგვარად ამზადებს მას პედლებიანი ველოსიპედისთვის.

ოთხბორბლიანი ველოსიპედი

ასეთ ველოსიპედებს ორი დამხმარე ბორბალი უკანა საბურავზე აქვს მიბმული. ისინი ბავშვს ბალანსის დაცვაში ეხმარება. მსგავსი ველოსიპედის შეძენისას გირჩევთ არჩევანი გააკეთოთ ისეთზე, რომელსაც დამხმარე ბორბლები ეხსნება, რადგან დროთა განმავლობაში, როცა ბავშვი თავისუფლად შეძლებს ველოსიპედის ტარებას, მათი მოხსნა შეძლოთ.

ასაკის მატებასთან ერთად იზრდება ბავშვის დაზიანების რისკიც, ამიტომ აუცილებელია გაითვალისწინოთ ველოსიპედის დამატებითი აღჭურვილობა და ფუნქციები, როგორიცაა დამცავი საჭეზე, რომელიც იცავს ბავშვს საჭეზე თავის დარტყმისგან, დაცული ჯაჭვი და ვარსკვლავი, რათა ბავშვს ტანსაცლემი არ მოჰყვეს მასში, ფეხის ან ხელის მუხრუჭები, სიჩქარეების რაოდენობა, ჩაფხუტი, მუხლებისა და იდაყვების დამცავი და ა.შ.

მოტო კროსისა და მოტო ფრისტაილისთვის განკუთვნილი ველოსიპედები

ეს ველოსიპედები მოხერხებული, მოუსვენარი, თავგადასავლების მოყვარული ბავშვებისთვისაა. მათ შედარებით დიდი საბურავები აქვს, რომლებიც ბავშვს სხვადასხვა ტრიუკების გაკეთების შესაძლებლობას აძლევს. ფუნქციიდან გამომდინარე მას მარტივი კონსტრუქცია და დიდი გამძლეობა აქვს.

როგორც ვნახეთ, უფროსებისგან განსხვავებით, ბავშვების ველოსიპედის შერჩევა შედარებით მარტივია, მთავარია გაითვალისწინოთ ბავშვისა და ტრანსპორტის ზომების შესაბამისობა. მთავარია ბავშბვი ველოსიპედზე თავს გრძნობდეს კომფორტულად და მისი ტარება იყოს სიამოვნებისა და ხალისის მომტანი.

რაც შეეხება სკუტერებს, აქ საქმე კიდევ უფრო მარტივადაა. საბავშვო სკუტერები, როგორც წესი, გამოირჩევა მცირე წონითა და პრაქტიკულობით. სამბორბლიანი სკუტერები შესანიშნავია 3 წლამდე ასაკის ბავშვებისთვის. საჭე, ხშირ შემთხვევაში, დამზადებულია მსუბუქი ალუმინისგან, ხოლო დაფა დიდი სიმტკიცის პლასტმასისგან. ზოგიერთი მათგანი აღჭურვილია დასაკეცი მექანიზმით ან მოხსნადი საჭით, რაც მის შენახვასა და ტრანსპორტირებას მარტივს ხდის.

ორბორბლიან სკუტერებს აქვთ ე.წ. ტელესკოპური საჭე. ასე იმიტომ ეძახიან, რომ თავისუფლად შეგიძლიათ მისი სიგრძის ცვლილება, რაც ნიშნავს იმას, რომ ბავშვის სიმაღლის ზრდასთან ერთად არ მოგიწევთ ახალი ტრანსპორტის შეძენა, შეგიძლიათ უბრალოდ საჭის სიმაღლე არეგულიროთ.

თუ თქვენი პატარას გახარებას აპირებთ, აუცილებლად ეწვიეთ ჩვენს საიტს, სადაც მაღალი ხარისხის ფერად–ფერადი ველოსიპედები და სკუტერები დაგხვდებათ.