როგორ შევარჩიოთ კონდიციონერი

ზაფხულის მოსვლასთან ერთად ვიწყებთ იმაზე ფიქრს, როგორ გადავიტანოთ ცხელი დღეები მარტივად. საზამთრო და ნაყინი კარგი იდეაა, მაგრამ უფრო ხანგრძლივი და სტაბილური სიამოვნებისთვის ალბათ კონდიციონერი დაგჭირდებათ. ჩვენთან ყველაზე გავრცელებული ე.წ. „გაყოფილი“ სისტემის კონდიციონერებია, რაც გულისხმობს სისტემის ერთი ნაწილის განთავსებას ოთახის შიგნით, კედელზე და კედლის მეორე მხრიდან მასთან დაკავშირებულ გარე დანადგარს. ამ ტიპის სისტემა შესანიშნავი არჩევანია მრავალი მიზეზის გამო. მის დასამონტაჟებლად საჭიროა პატარა ხვრელის გაკეთება კედელში, რაც გამორიცხავს დიდი სტრუქტურული სამუშაოების საჭიროებას. მას ასევე გააჩნია ოთახის ტემპერატურის კონტროლი და სურვილისამებრ შეგიძლიათ სახლის გათბობაც. ასეთი კონდიციონერი ყველაზე ენერგოეფექტურია, აქვს როგორც გაგრილების, ასევე გათბობის ფუნქციები და, რაც მთავარია, მარტივია დასამონტაჟებლად. თუ ცხელი დღეების შემსუბუქება გაქვთ გადაწყვეტილი, თქვენთვის რამდენიმე რჩევას მოვუყარეთ თავი, რომლებიც კონდიციონერის შერჩევას გაგიმარტივებთ. 

გაითვალისწინეთ ოთახისა და კონდიციონერის ზომები 

კონდიციონერის არჩევისას ერთ–ერთი ყველაზე მნიშვნელოვანი ფაქტორია, თუ რამდენად მოდის შესაბამისობაში ოთახისა და კონდიციონერის ზომები ერთმანეთთან. თუ აირჩევთ კონდიციონერს, რომელიც ძალიან პატარაა ოთახთან შედარებით, მოწყობილობა მთელ ფართს კარგად ვერ გააგრილებს და ტემპერატურის დიდ განსხვავებას ვერც კი იგრძნობთ. პირიქით შემთხვევაში კი, თუ კონდიციონერი ძალიან დიდია ოთახისთვის, ბევრ ელექტრო ენერგიას დახარჯავთ, რადგან სისტემა მალევე გააციებს ოთახს და ხშირად ჩაირთვება და გამოირთვება ტემპერატურის დასარეგულირებლად.  

სიჩქარის პარამეტრები 

კონდიცირების სისტემაში სიჩქარე უნდა იყოს რეგულირებადი, რათა შეძლოთ იმის კონტროლი, რა ოდენობის სუფთა ჰაერი შემოვა ოთახში. ზოგიერთ კონდიციონერს აქვს ფუნქცია ჰაერი შემოიტანოს გარედანაც და არ ისარგებლოს მხოლოდ ოთახში არსებულით, რაც უზრუნველყოფს შენობაში სუფთა ჰაერის მუდმივ შემოდინებას. ასეთი სისტემის იდეალური მაგალითია Midea MT-18N1C4.

ალბათ, სახლში მისულებს ხშირად დაგხვედრიათ ჩახუთული ოთახი, რომლის გათბობა ან გაგრილებაც მისი სიდიდიდან გამომდინარე არც ისე მარტივია. ასეთი პრობლემის თავიდან აცილებისთვის შეგიძლიათ შეარჩიოთ ისეთი სისტემა, რომელსაც აქვს ე.წ. ტურბო სისტემა. ეს ფუნქცია ზრდის გაგრილების ან გათბობის სიჩქარეს ხანმოკლე პერიოდში, შედეგად ოთახში ტემპერატურა სწარაფად იცვლება. ერთ–ერთი მოდელი, რომელსაც ეს პრაქტიკული ფუნქცია აქვს, არის Toshiba 9000 BTU.

ხმაურის დონე 

თქვენ ასევე უნდა გქონდეთ შესაძლებლობა დააყენოთ ე.წ. ღამის რეჟიმი, რომლის დროსაც მოწყობილობა იმუშავებს შედარებით დაბალ სიხშირეზე და არ შეგაწუხებთ ხმაურით. ეს ფუნქცია, სამწუხაროდ, ყველა კონდიციონერს არ აქვს, მაგრამ ჩვენს საიტზე შეგიძლიათ იპოვოთ ისეთი სისტემები, რომლებიც ხელს არ შეუშლიან თქვენს მშვიდ ძილს Midea MSAF-07HRN1-W.

ფილტრის ადგილმდებარეობა 

დარწმუნდით, რომ მოწყობილობას ფილტრი ადვილად მისაწვდომ ადგილას აქვს, რადგან მისი წმენდა ხშირად მოგიწევთ, რომ კონდიციონერმა კარგად იმუშაოს. თუ ასეთი შრომა თქვენთვის ძალიან დამღლელია, შეგიძლიათ შეიძინოთ ისეთი სისტემის მქონე კონდიციონერი, რომელსაც თვითწმენდის რეჟიმი აქვს, მაგალითად Energe CSH-09QB, რომელსაც ასევე აქვს ღამისა და ტურბო რეჟიმები. 

სხვა დამატებითი ფუნქციები 

დისტანციური და ჭკვიანი თერმოსტატებიდან დაწყებული, ენერგიის დაზოგვის პარამეტრებით დამთავრებული თქვენი კონდიციონერის სისტემის პერსონალიზება შესაძლებელია თქვენი ზუსტი მოთხოვნების შესაბამისად. საჭიროების შემთხვევაში, შეგიძლიათ აირჩიოთ დისტანციური თერმოსტატი, რაც ნიშნავს იმას, რომ შეგიძლიათ დაარეგულიროთ ტემპერატურის პარამეტრები ცალკეული კონტროლერის გამოყენებით. ზოგიერთი ენერგო ეფექტური მოდელის შეძენის შემთხვევაში დაზოგავთ ელექტროენერგიასა და ხარჯებს თქვენს გადასახადებზე. 

გარდა „გაყოფილი“ სისტემებისა, არსებობს ასევე ე.წ. ფანჯრის ტიპისა და პორტატული კონდიციონერები. 

ფანჯრის კონდიციონერებს ზოგჯერ ოთახის კონდიციონერებსაც ეძახიან. ეს არის კონდიცირების სისტემის უმარტივესი ფორმა და მონტაჟდება ფანჯრებზე ან კედლებზე. „გაყოფილი“ სისტემისგან განსხვავებით ეს არის ერთი მთლიანი მოწყობილობა. ასეთი კონდიციონერების უმეტესობა ენერგოეფექტურობისა და ხმაურის თვალსაზრისით საკმაოდ ჩამორჩება ზემოთ აღწერილ სისტემებს, სამაგიეროდ მათი ღირებულება, როგორც წესი შედარებით დაბალია. ერთ–ერთ მათგანს შეგიძლიათ ჩვენთანაც შეავლოთ თვალი Midea MWF1-09CRN1.

პორტატული კონდიციონერების ყველაზე დიდი პლიუსი ის არის, რომ მათი არც კედელში და არც სადმე სხვაგან დამონტაჟება არ გიწევთ. ცხელ დღეებში შეგიძლიათ სიგრილე ნებისმიერ ოთახში „თან გაიყოლოთ“. 

იმედია, ჩვენი რჩევები გამოგადგებათ თქვენთვის საუკეთესო კონდიციონერის შერჩევის პროცესში და წლის ნებისმიერ სეზონს კომფორტულად გაატარებთ. გადაავლეთ თვალი ჩვენს საიტს. არჩევანი თქვენთვის მოგვინდია.