როგორ მოვიწყოთ კომფორტული ზაფხული

დისტანციურად მუშაობის ყველაზე დიდი პლიუსი ის არის, რომ ცხელ ზაფხულს ნებისმიერ დროს შეგიძლია გაექცე, არც უშვებულებობა გაშინებს და არც ქალაქური ხვატი. მეც გადავწყვიტე ამეკრიფა გუდა-ნაბადი და აგარაკზე წავსულიყავი, მაგრამ წასვლამდე ერთი-ორი საქმე უნდა მომეგვარებინა, თუ მინდოდა, რომ ზაფხულში შრომა მაქსიმალურად კომფორტული გამეხადა.

უკვე დიდი ხანია ვფიქრობდი ეზოში აუზი დამედგა და რამდენიმე დღის წინ ერთ-ერთი სოციალური ქსელის სქროლვის დროს, ბედად, ჩემთვის საინტერესო პოსტს გადავაწყდი. საბოლოოდ ძალიან საინტერესო ონლაინ მაღაზია nido.ge აღმოვაჩინე, სადაც ყველა საჭირო ნივთის ყიდვა მარტივად შემეძლო. პირველ რიგში, აუზების შერჩევა დავიწყე. თავიდან არჩევანის გაკეთება მიჭირდა, არ ვიცოდი როგორ შემერჩია ისეთი, რომელშიც დიდებიც და ბავშვებიც კომფორტულად იგრძნობდნენ თავს. ბოლოს ჩემი ყურადღება Intex Easy Set Family-მ მიიქცია. ყველაზე მეტად იმან მომხიბლა, რომ ასეთი აუზი დასადგმელად ნიადაგის მომზადებას არ საჭიროებს და დასამონტაჟებლად ძალიან მარტივია. ამ აუზში დიდებთან ერთად პატარებიც მოთავსდებობდნენ, მაგრამ მათთვის ყურადღების მიქცევა და განტვირთვა ერთდროულად რთული იქნებოდა. მცირე ძებნის შემდეგ ბავშვებისთვისაც ვიპოვე იდეალური გასართობი - გასაბერი ცენტრი, რომელიც აუზის ფუნქციასაც ასრულებს და პატარა ატრაქციონისასაც, პლიუს ამას სრულიად უსაფრთხოა. ამ გრანდიოზულ შენაძენს გასაბერი რგოლები და ლეიბები ბონუსად გამოვაყოლე. წამოვწვები ფერად, გასაბერ ლეიბზე ჩემსავე აუზში და ვერც კი გავიგებ, ისე გავა მუშაობაში მთელი დღე.

სამუშაო კვირის კომფორტი გარანტირებული მქონდა, ახლა დასვენების დღეებზეც უნდა მეფიქრა. შაბათ-კვირას, როგორც წესი, აგარაკი მეგობრებით ივსება ხოლმე და ბევრი გასართობი დაგვჭირდებოდა. რაც პირველი გამახსენდა, იყო მუსიკა, რომელიც დღის ნებისმიერ მონაკვეთს გაახალისებდა. დიდი ხანია ვფიქრობდი ფირსაკრავის შეძენაზე, ბავშვობაში მშობლები ხშირად ღიმილით იხსენებდნენ ხოლმე “პლასტინკაზე” დაკრულ მუსიკას. სულ მინდოდა იგივე შეგრძნებები გამეზიარებინა და მეც მქონოდა კარგი მუსიკის ხარისხიანად მოსმენის სიამოვნება, მაგრამ წარმოდგენა არ მქონდა, რა კრიტერიუმებით უნდა შემერჩია ჩემზე მორგებული ფირსაკრავი. ნიდომ არც ამჯერად გამიცრუა იმედი. საიტის ბლოგების ნაწილში წავაწყდი ე.წ. ინსტრუქციას, რომელშიც იდეალურად იყო დახასიათებული ფირსაკრავების ტექნიკური მხარეები და ასევე იყო რჩევები, რომლებიც ძალიან დამეხმარა შენაძენის გაკეთებაში. Crosley Cruiser Deluxe, ე.წ. ჩემოდნის ტიპის ფირსაკრავი ჩემთვის, როგორც დამწყები მელომანისთვის სავსებით დამაკმაყოფილებელი აღმოჩნდა, რაც მთავარია, Aux Input აქვს და შემიძლია დინამიკი დავუკავშირო. რა თქმა უნდა, დინამიკიც ნიდოზე ავარჩიე. ხმაურიანი, მუსიკით სავსე და მხიარული ზაფხული გარანტირებული გვქონდა.

ცეკვითა და გართობით დაღლილებს საღამოს პატარა განტვირთვა დაგვჭირდებოდა. ამაზე ფიქრისას პირველი კინოს საღამო გამახსენდა. უცხოური ფილმების ყურებისას განსაკუთრებით მხიბლავდა ღია სივრცეში მოწყობილი კინოთეატრები. რა სჯობს ზაფხულის ღამით, სიგრილეში, ეზოში ჯდომას და ფილმის ყურებას. ახლა, როცა საკუთარი აგარაკი მქონდა და ყველაფრის ჩემს ჭკუაზე მოწყობა შემეძლო, მზად ვიყავი გამეხარებინა მეგობრებიც და საკუთარი თავიც. ვფიქრობ, ასეთ საღამოს ფილმის, Grown up, ყურება იდეალური არჩევანი იქნებოდა. ამერიკული კომედია ვის არ გაუხალისებს განწყობას, თანაც სამეგობრო ჩვენი სკოლის წლებს გავიხსენებდით ფილმის პერსონაჟებთან ერთად და საღამოც უფრო მხიარული გამოვიდოდა. ამისთვის პროექტორი იყო საჭირო. ბევრი ძებნა არ დამჭირვებია, თავის ეკრანთან ერთად პროექტორიც ნიდოზე ვიპოვე.

ჩემთვის და ჩემი მეგობრებისთვის ყველაფერი მზად მქონდა, ახლა ბავშვების გართობაზეც უნდა მეფიქრა. გასაბერი აუზი დღის პირველ ნახევარში საკმარისი იქნებოდა, მაგრამ ბავშვები საღამოს ისევ გაჯეტებს რომ არ მიბრუნებოდნენ, რაიმე ისეთი უნდა მომეფიქრებინა, რომ დროის უმეტესი ნაწილი ეზოში გაეტარებინათ. ბევრი ფიქრი არ დამჭირვებია, ჩემი ბავშვობის გასართობებიდან მალევე გამახსენდა ველოსიპედი. რომელიმე გულდაწყვეტილი რომ არ დარჩენილიყო, ამიტომ საბავშვო ველოსიპედთან ერთად სკუტერიც შევიძინე. მგონი, ეს ორი ერთმანეთის იდეალური ჩამნაცვლებლები არიან და, რაც მთავარია, ბავშვები აქტიურად და ჯანსაღად გაატარებენ დროს. 

როგორც ჩანს, ლამაზი და ფერადი ზაფხული გველის წინ, ბევრ სასიამოვნო მოგონებას შევიქმნით, რომლებიც მხოლოდ მოგონებებად არ უნდა დარჩნენ, მათი ფირებზე გადატანა იდეალური აზრია. ვიცი, რომ ტელეფონები ყველას გვაქვს და უამრავი ფოტოს გადაღება შეიძლება, მაგრამ ვერაფერი შემიცვლის ფირზე აღბეჭდვის მოლოდინისგან გამოწვეულ ჟრუანტელს. სწორედ ჩემნაირი “ძველმოდურებისთვის” არსებობს ჯერ კიდევ ფირიანი ფოტოაპარატები. მთავარია ფირები მოვიმარაგო და მალე გავავსებ კედელს ჩვენი ფერად-ფერადი ფოტოებით.

საქმით დატვირთული ზაფხული ასეთი სასიამოვნო, ალბათ, ჯერ არასდროს ყოფილა, მაგრამ ერთი დეტალი არ მაძლევდა მოსვენებას. ჩემი მეუღლე, რომელიც აგარაკზე წამოსვლას ვერ ახერხებდა, თბილისის სიცხეში უნდა დარჩენილიყო, ამიტომ გადავწყვიტე მისთვისაც შემექმნა მინიმალური კომფორტი და გრანდიოზულ შენაძენს კონდიციონერიც დავამატე.

ყველაფერი ერთად არც თუ ისე პატარა თანხა დაჯდა, მაგრამ ნიდომ არც აქ დამტოვა იმედგაცრუებული და ჩემთვის სასურველი ბანკის განვადება შემომთავაზა. ყველაფერი მზად იყო, შემეძლო მშვიდად გავმგზავრებულიყავი აგარაკზე, შენაძენს კი მეორე დღესვე მივიღებდი.