რა უნდა ვიცოდეთ ხელოვნური კვების შესახებ?

ხელოვნური კვების (რძის ფორმულის)  უმეტესობა შექმნილია ძროხის რძისგან, რომლის დამუშავებაც ხდება ისე, რომ ის აკმაყოფილებს ბავშვის კვებით მოთხოვნილებებს. არავითარ შემთხვევაში არ უნდა გვეგონოს, რომ ხელოვნური და ძროხის რძე არის ერთი და იგივე.

რატომ სჭირდებათ ბავშვებს ფორმულა და არა ძროხის რძე?

ყველა ფორმულას აქვს დამატებული ვიტამინები, ცილები  და ცხიმები, რომლებიც აუცილებელია ბავშვისთვის და არ მოიპოვება ძროხის რძეში. გარდა ამისა, ბავშვებს არ შეუძლიათ ძროხის რძის ისევე სრულყოფილად ან მარტივად მონელება, როგორც დედის რძის და ფორმულის. ცილის შემცველობა ძროხის რძეში არის საკმაოდ მაღალი პატარებისთვის.  სწორედ ამის გამო, ფორმულის შექმნისას ხდება ცილების გარკვეული რაოდენობის მოშორება.

ზემოთ ჩამოთვლილი მიზეზების გამო, 12 თვის ასაკამდე ძროხის რძის მიღება არ არის რეკომენდირებული.

სპეციალური დანამატები ბავშვის ფორმულაში

ზოგიერთ ხელოვნურ კვებას აქვს დამატებული გარკვეული ინგრედიენტები, რომლის საშუალებითაც ის უფრო მიმსგავსებულია დედის რძესთან. რათქმაუნდა, ის არის მხოლოდ მიმსგავსებული და არ აქვს იგივე ეფექტი, როგორიც დედის რძეს.  ეს ინგრედიენტებია:

• LCP (Long-Chain Polyunsaturated fatty acids) – გრძელ-ჯაჭვიანი პოლიუჯერი ცხიმები. ისინი მნიშვნელოვანია ტვინის და ნერვული სისტემის განვითარებისთვის. არ არსებობს აშკარა მტკიცებულება იმისა, რომ ბავშვებს შეუძლიათ ან არ შეუძლიათ LCP-ის შეწოვა. ხელოვნური საკვები, რომელშიც დამატებულია LCP, შესაძლოა სასარგებლო იყოს დღენაკლული ახალშობილებისთვის, რომლებიც იკვებებიან ფორმულით.
• ბეტაკაროტენი – ეს არის A ვიტამინის და ანტიოქსიდანტების წყარო. ფორმულების უმეტესობას უკვე აქვს დამატებული A ვიტამინი და ანტიოქსიდანტები. არ არსებობს მტკიცებულება, რომ ბეტაკაროტენიანი ფორმულა არის უკეთესი, ჩვეულებრივთან შედარებით.
• პრებიოტიკები და პრობიოტიკები – ეს ეხმარება ხელოვნურ კვებაზე მყოფ პატარებს, ,,გამოზარდონ” ჯანმრთელი ბაქტერია მათ ნაწლავში. ეს ბაქტერია ეხმარება ბავშვებს საკვების უკეთ გადამუშავებაში. ასევე, ამცირებს გასტროენტერიტების განვითარების შანსს.

რაც შეეხება ბავშვის ხელოვნური კვების ერთი საეხობიდან მეორეზე გადაყვანას, შეეცადეთ არ გააკეთოთ ეს, თუ აუცილებლობა არ მოითხოვს. სხვადასხვა ფირმის მიერ წარმოებულ ფორმულებს შორის არის გემოში სხვაობა, მართალია ის მცირეა, მაგრამ განსხვავება მაინც არის. ამან კი შესაძლოა დისკომფორტი შეუქმნას თქვენს პატარას და ეს გახდეს მისი ტირილის და ჭირვეულობის მიზეზი.