ბავშვების უმეტესობა ვერ იღებს საკმარის D ვიტამინს

თუ თქვენ ფიქრობთ, რომ თქვენი ბავშვი საკმარისად იღებს  D ვიტამინს მხოლოდ რძის სახით, ცდებით. ბოლო დროს ჩატარებულმა კვლევებმა აჩვენა, რომ ბავშვების უმეტესობა ვერ იღებს ამ ვიტამინს საკმარისი რაოდენობით. ამ მიზეზით, 2014  წელს ამერიკის პედიატრთა ასოციაციამ გასცა ვიტამინის უფრო დიდი რაოდენობით მიღების რეკომენდაცია.

რატომ  D ვიტამინი?

საზოგადოებაში არსებობს მოსაზრება თითქოს, თუ ბავშვი მიირთმევს რძეს და ატარებს დროის გარკვეულ ნაწილს გარეთ, ის იღებს საკმარისი რაოდენობის D ვიტამინს. თუმცა, ხშირად, ეს ასე არ არის.

დღესდღეისობით ამ ვიტამინზე იმაზე ბევრად მეტი რამ ვიცით, რაც ვიცოდით თუნდაც 5 წლის წინაც კი. ცხოვრების სტილის შეცვლის გამო, მოსახლეობის უმეტესობა განიცდის ამ ვიტამინის დეფიციტს.

D ვიტამინი უზრუნველყოფს ორგანიზმში კალციუმისა და ფოსფორის შეწოვას, ასევე მის შენარჩუნებას. ეს ორი ნივთიერება კი სასიცოცხლოდ მნიშვნელოვანია ჯანმრთელი ძვლებისთვის. მისი დეფიციტი იწვევს დაავადებას სახელწოდებით – რაქიტი. რაქიტი ყველაზე ხშირია 2 წლამდე ბავშვებში.

D ვიტამინის დეფიციტი მოზრდილ ბავშვებში, თინეიჯერებში და უფროსებში ზრდის მოტეხილობების რისკს.

D ვიტამინი როგორც საკვები დანამატი

როგორც ბუნებრივ კვებაზე მყოფი ჩვილისთვის, ასევე ხელოვნურ კვებაზე მყოფი ბავშვისთვის აუცილებელია მიიღოს D ვიტამინი, საკვებითი დანამატის სახით 400 IU (International Unit) დღეში – 400 საერთაშორისო ერთეული.

D ვიტამინის ბუნებრივი წყაროები

• ორაგული (ბუნებაში დაჭერილ ორაგულს გაცილებით მეტი ვიტამინი აქვს ვიდრე ხელოვნურად გამოყვანილს)
• სარდინები (დაკონკსერვებული)
• თინუსი (დაკონკსერვებული)
• სკუმბრია (დაკონკსერვებული)
• მოხარშული კვერცხი