ჩვილის უსაფრთხო ძილი

სად უნდა ეძინოს ჩვილს?

ჩვილს უნდა ეძინოს საკუთარ საწოლში ან კალათაში (ლულკაში). თუ გყავთ ტყუპები, თითოს თავისი საკუთარი საწოლი სჭირდება.

• ჩვილი აუცილებლად დააწვინეთ ზურგზე, მყარ ზედაპირზე. ბავშვის საწოლის მატრასი, მჭიდროდ გადაკრული ზეწრით, საუკეთესო ზედაპირია. მატრასი მჭირდროდ უნდა ეტეოდეს საწოლში ისე, რომ გვერდებზე ადგილი არ რჩებოდეს.
• არავითარ შემთხვევაში არ დააწვინოთ ბავშვი თქვენს ლოგიშნი. ამერიკის პედიატრთა აკადემიის რეკომენდაციით, ბავშვს უნდა ეძინოს იმავე ოთახში, სადაც მშობლებს სძინავთ (მინიმუ 6 თვე), მაგრამ არა იმავე საწოლში.
• არ ჩადოთ ბავშვის საწოლში ბალიში, სათამაშოები, გადასაფარებლები ან ნებისმიერი ნივთი, რომელიც შეიძლება შემთხვევით ბავშვმა თავზე გადაიფაროს.

როგორ დავაძინო ბავშვი?

• 1 წლამდე ბავშვი აუცილებლად ზურგზე უნდა დააძინოთ. თუ ბავშვი იცვლის პოზიციას (მუცელზე ტრიალდება), პრობლემა არ არის.
• ჩააცვით თხელი ტანსაცმელი (არ არის საჭირო ბავშვის შეფუთვნა). პიჟამოს თუ აქვს თასმები ,აუცილებლად მოაძვრეთ. პლედ-პიჟამო (სპეციალური ჩვილების ტანსაცმელი) არის საუკეთესო ვარიანტი, რადგან გადასაფარებელი არ არის რეკომენდირებული.
• მიეცით ჩვილს მატყუარა. თუ ძუძუზე გყავთ, დაიცადეთ 1 თვემდე. არ ჩამოჰკიდოთ მატყუარა ბავშვს კისერზე და არც სათამაშოს გაუკეთოთ.

4-6 თვიდან ბავშვი შეგიძლიათ შეაჩვიოთ ძილის რუტინას.

• გათიშეთ ტელეფონები და ტელევიზორები.
• აბანავეთ ბავშვი ძილის წინ.
• გაუკეთეთ ზურგის მასაჟი (რაც რეალურად ხელის მოფერებას ნიშნავს).
• მიეცით მატყუარა.
• მოასმენინეთ კლასიკური მუსიკა.
• წაუკითხეთ ზღაპარი.