4D ულტრაბგერითი გამოკვლევის (ექოსკოპია) უპირატესობები

ულტრაბგერითი გამოკვლევა შეიძლება იყოს ორ განზომილებიანი, სამ განზომილებიანი ან ოთხ განზომილებიანი. მათგან 4 განზომილებიანი (4D) ულტრაბგერითი გამოკვლევა ყველაზე თანამედროვე და მაღალი ხარისხის მეთოდია, მას რამდენიმე, შეუცვლელი დადებითი ეფექტი აქვს:

ყველაზე ამაღელვებელი განსაკუთრებულობა, რაც 4-განზომილებიან გამოკვლევას ახასიათებს, არის ის, რომ შეგიძლიათ იხილოთ ბავშვის მოძრავი გამოსახულება ეკრანზე (ანუ მეოთხე განზომილება არის დრო). ის შესაძლებლობას გაძლევთ დაინახოთ, თუ რას აკეთებს თქვენი შვილი ზუსტად ამ კონკრეტულ მომენტში, მაგალითად, როგორ მოძრაობს საშვილოსნოში და როგორ წოვს თავის პაწაწინა ცერს. გადაუღოთ მას სურათი და წაიღოთ სახლში.

ნათლად გამოხატული სახის ნაკვთები

4D ულტრაბგერითი გამოკვლევვის  ჩატარებისას თქვენ შეგიძლიათ ნათლად დაინახოთ თქვენი ნაყოფის სურათი ეკრანზე დაყურადღებით დაათვალიეროთ მისი სახის ნაკვთები. გამოსახულება, თითქმის კრისტალურად  სუფთაა და ხარისხით ბევრად სჯობს 3D გამოკვლევას.

ნაყოფის საერთო მდგომარეობის შეფასება

თქვენს ექიმს შეუძლია ყურადღებით დაათვალიეროს ნაყოფის კიდურები. დაადგინოს, თუ რომელი მდებარეობით დაიბადება ის. ეს გამოკვლევა მაქსიმალურად ამცირებს მოულოდნელ „სიურპრიზებს“, რაც მნიშვნელოვანია როგორც ექიმისათვის, ისე პაციენტისათვის.

ნევროლოგიური დარღვევების გამორიცხვა

4D ულტრაბგერითი გამოკვლევით შესაძლებელია ნაყოფის ტვინის სხვადასხვა ნაწილების გამოკვლევა. აქედან გამომდინარე, ექიმს შეუძლია შეაფასოს ბავშვის ტვინის ნევროლოგიური მდგომარეობა. მსგავსი გამოკვლევა გვეხმარება თავიდან ავიცილოთ სხვადასხვა ნევროლოგიური დარღვევები.

ნაყოფის ქცევა

ამ დროისათვის, ბევრი ექიმი ამტკიცებს, რომ ის ქცევა, რაც საშვილოსნოში ყოფნისას ახასიათებს ნაყოფს, ასევე მეორდება დაბადების შემდეგ გარკვეული დროით. ასე რომ 4D ულტრაბგერითი გამოკვლევის საშუალებით, თქვენ შეძლებთ გაიგოთ ბავშვის ქცევა, რეაქციები, მოძრაობები და სახის გამომეტყველება, რაც საშუალებას მოგცემთ, გარკვეული წარმოდგენა შეიქმნათ თქვენი შვილის დაბადებისშემდგომი ქცევისა და ხასიათის შესახებ.

გულის მოსმენა და დათვალიერება

კიდევ ერთი მნიშვნელოვანი შესაძლებლობა, რაც 4D ულტრაბგერით გამოკვლევას ახასიათებს, არის გულის ტონების მოსმენა და მისი დათვალიერება, რაც თავისათავად საშუალებას აძლევს ექიმებს, კარგად შეაფასონ ნაყოფის გულის ჯანმრთელობა.

გარდა ზემოთ ჩამოთვლილი უპირატესობებისა, 4D ულტრაბგერითი გამოკვლევა სავარაუდო მშობიარობას მაქსიმალურად ზუსტად ადგენს.

ყოველ ჯერზე, როცა მომავალი მშობელი 4D გამოსახულებაში ნახულობს თავის მომავალ შვილს, მასში ეს უფრო მეტად აღძრავს დედობის/მამობის სასიამოვნო შეგრძნებას.