როგორ და რატომ უნდა შევაყვაროთ ბავშვებს წიგნები

ხშირად ისმის კითხვა, როგორ შევაყვაროთ ბავშვებს კითხვა და რისთვსაა ეს საჭირო? პირვლ რიგში გეტყვი, რომ პატარა ასაკიდან კითხვა ბავშვს უვითარებს აზროვნებას, ასწავლის სამყაროს სიყვარულს და ჰუმანურობას. საბედნიეროდ ძალიან მდიდარია მსოფლიო საბავშვო ლიტერატურით და არც საქართველო ჩამოუვარდება.

და როგორ შევაყვაროთ კითხვა?

მაქსიმალურად პატარა ასაკიდან, სანამ ბავშვი თავად ისწავლის კითხვას, უნდა წავუკითხოთ წიგნები. მის რუტინად უნდა ვაქციოთ კითხვა. არ დაგეზაროს, რომ კვირაში რამდენიმე საათი თავად უკითხო წიგნი. არც იმან შეგაშინოს, რომ როცა ცოტა წამოიზრდება შეიძლება რაღაც წიგნები დაიწუნოს, ეს კარგიცაა, ე.ი. მას გემოვნება უვითარდება და კონკრეტული რაღაცის მოსმენა უნდა. ამიტომ მნიშვნელოვანია ვცვალოთ წიგნები და სხვადასხვანაირი ამბები გავუზიაროთ. არც ის დაგავიწდეს, რომ მშობელს და შვილს ძალიან აახლოვებს კითხვის პროცესი. დარწმუნებული იყავი, როცა გაიზრდება ძალიან სასიამოვნოდ გაახსენდება ეს მომენტები. მუდმივად ჩართული უნდა იყო ამ პროცესში. თუ თავისი პატარა ბიბლიოთეკა ექნება მთლად უკეთესია. სანამ ისწავლის დალაგებას, შენ დაულაგე, მიაჩვიე იმ კუთხეზე ზრუნვას, რომელშიც წიგნები აწყვია. როცა დაინახავს ზრუნვას წიგნების მიმართ, მაგალითად მიიღებს და თავადაც იზრუნებს. 

როგორ ავარჩიოთ წიგნები

შეგიძლია დაიწყოთ სახალისო, ლამაზი, ერთ სიტყვიანი წიგნებით, რომლებზეც თავად მოუყვები პატარა ამბებს, თითქოს კითხულობ. დღესდღეობით ჩვილებისთვის საინტერესო, ლამაზად გაფორმებული წიგნებიც ხელმისაწვდომია. ამით მას წიგნის სიყვარულს განუვითარებ და თავად მოგთხოვთ წაკითხვას.ნიდოზე საბავშვო ლიტერატურის ძალიან დიდი არჩევანია და შეგიძლია უკვე დაიწყო მომარაგება. სულ პაწაწინა ბავშვებიდან დაწყებული, ნებისმიერი ასაკის ბავშვისთვის საინტერესო წიგნებს შეხვდებით. ასევე შეგიძლია იყიდო ისეთი წიგნები, რომლებიც თამაშით შეაყვარებს წიგნს. აუცილებლად მიადევნე თვალი, რომ მისი ინტერესების გაზრდასთან ერთად ჰქონდეს შესაბამისი ლიტერატურა, როცა ეს ყველაფერი ჩვევად გადაექცევა და შენთან დამაკავშირებელ ქმედებად აღიქვამს აუცილებლად შეიყვარებს წიგნებს. ასევე ძალიან მნიშვნელოვანია აქტიურად ჩართული იყო კითხვის სწავლის პროცესში, მისთვის მთავარი მაგალითი შენ ხარ და ყველაფერი უყვარს რაც შენ გიკავშირდება.

წარმატებებს გისურვებ ამ ძალიან საინტერესო და საპასუხისმგებლო საქმეში. ყოველთვის შეგიძლია ნიდოზე შემოიხედო, მხოლოდ ბავშვისთვის კი არა, შენთვისაც იყიდო წიგნები. და მეც მადევნე ბლოგზე თვალი, ბევრ საინტერესო რამეს შემოგთავაზებ.