კვირაში ერთხელ თევზის მიღება აუმჯობესებს ბავშვის ძილს და მის გონებრივ შესაძლებლობებს

პენსილვანიის შტატის უნივერსიტეტში ჩატარდა კვლევა, რომლის შედეგებიც გამოქვეყნდა ჟურნალში ,,Scientific Reports’’: მეცნიერებმა აღმოაჩინეს, რომ 9-11 წალამდე ბავშვებს, ვინც კვირაში სულ ცოტა ერთხელ მაინც მიირთმევს თევზს, აქვთ უფრო მაღალი IQ  და ძილის უკეთესი ხარისხი, იმ ბავშვებთან შედარებით ვინც იშვიათად იღებს თევზს.

თევზი ითვლება ჯანმრთელი დიეტის ერთერთ მნიშვნელოვან ნაწილად. გარდა იმისა, რომ თევზი არ შეიცავს დიდი რაოდენობით გაჯერებულ ცხიმებს, ის შეიცავს ცილებს, ვიტამინებს და მინერალებს. ასევე, თევზი არის ომეგა-3 ცხიმოვანი მჟავების საუკეთესო წყარო.

კვლევებით დადასტურდა, რომ ომეგა-3 ცხიმოვანი მჟავები სასარგებლოა გულის ჯანმრთელი ფუნქციონირებისთვის, რადგან ის ამცირებს არითმიების რისკს, ტრიგლიცერიდების დონეს და წნევას. გარდა ამისა, ომეგა-3 ცხიმოვანი მჟავებს აკავშირებენ ძილის ხარისხის და ინტელექტის გაუმჯობესებასთან.

ძილი – შუამავალი თევზსა და ინტელექტს შორის არსებულ კავშირში

კვლევამ გვიჩვენა, რომ იმ ბავშვებმა ვინც კვირაში ერთხელ მაინც მიირთმევდა თევზს, 4.8 ქულით მაღალი მაჩვენებელი დააფიქსირეს IQ ტესტში, ვიდრე იმ ბავშვებმა ვინც იშვიათად ან საერთოდ არ ჭამდა თეზს. ასევე, მათ ჰქონდათ ბევრად ნაკლები პრობლემა ძილთან დაკავშირებით.

მეცნიერებს სჯერათ, რომ მათი აღმოჩენები არა მხოლოდ ამტკიცებს მანამდე არსებულ კვლევას, რომელიც ომეგა-3 ცხიმოვან მჟავებს აკავშირებდა ძილის ხარისხის გაუმჯობესებასთან და ინტელექტის მომატებასთან, არამედ ეს აღმოჩენები მიუთითებს იმ ფაქტზეც, რომ თევზის მიღების შედეგად ინტელექტის მომატება შეიძლება იყოს ძილის ხარისხის გაუმჯობესების შედეგი.

,,ძილის ნაკლებობა უკავშირდება ანტისოციალურ ქცევას. ცოდნის დაბალი ხარისხიც უკავშირდება ანტისოციალურ ქცევას’’ – ამბობს კვლევაში მონაწილე ერთერთი მეცნიერი. ,,ჩვენ დავადგინეთ რომ ომეგა-3 ამცირებს ანტისოციალურ ქცევას, შესაბამისად, არ არის გასაკვირი რომ ამ ყველაფრის უკან იყოს თევზი’’.

მეცნიერების თქმით, ბავშვმა უნდა დაიწყოს თევზის მიღება 2 წლის ასაკიდან. ეს არის ასაკი, როდესაც თევზის მიღება აუცილებელი ხდება, თუმცა შეგიძლიათ 10 თვის ასაკიდანაც დაიწყოთ მცდელობა.