როგორ შევარჩიოთ საბავშვო თეთრეული

ძილი ყველასთვის ძალიან მნიშვნელოვანია, თუმცა ბავშვისთვის განსაკუთრებით მნიშვნელოვანია, რადგან მის ჯანმრთელობაზე მოქმედებს. ხშირად გვგონია, რომ ბავშვს თავის დროზე დავაძინებთ და ამით მისი ძილის პრობლემა გადაწყვეტილია, მაგრამ ძალიან მნიშვნელოვანია ბავშვს როგორ სძინავს და ეს მხოლოდ მშვიდად ძილით არ გამოიხატება. კარგი ძილის ერთ-ერთი მთავარი ელემენტი კომფორტულად მოწყობილი საწოლია, რასაც ხარისხიანი საბავშვო თეთრეული სჭირდება.

ძილის გავლენა ბავშვის ჯანმრთელობაზე

ამერიკაში არსებობს სპეციალური აკადემია, რომელიც ძილის მედიცინას შეისწავლის. ეს აკადემია აქტიურად მუშაობას ახალგაზრდებში ძილის პრობლემაზე, მათი კვლევების მიხედვით: 6 წლამდე ბავშვს 24 საათში 10-13 საათი სჭირდება ძილი, 6-12 წლის ბავშვებს 9-12 საათი, ხოლო 13-დან 18 წლამდე ასაკში 8-10 საათი.

ბავშვს, რომელსაც საკმარისად სძინავს კარგი ფსიქიკური ჯანმრთელობა, ჯანსაღი იმუნური სისტემა და კარგი მეხსიერება აქვს. ძილი სკოლაში სწავლაზე, საგნების ათვისებაზე და მის ქცევაზეც ძალიან დიდ გავლენას ახდენს.

რა უნდა გავითვალისწინოთ საბავშვო თეთრეულის შერჩევისას

მშობლები სანამ ბავშვთან დაკავშირებულ ნივთს ვიყიდით ვკითხულობთ სხვადასხვა ბლოგს, კვლევებს, ბევრს ვფიქრობთ, მაგრამ მათთვის მთავარია როგორ გამოიყურება ნივთი. საბავშვო თეთრეული პირველ რიგში უნდა იყოს მისთვის მოსაწონი სტილის. ზოგ ბავშვს უნდა, რომ ბავშვის საბანი, ბავშვის ბალიში და ზეწარი საყვარელი პერსონაჟის გამოსახულებით იყოს, ზოგს უბრალოდ ლამაზი ფერებით გაფორმებული ურჩევნია. ჩვილი ბავშვის თეთრეული ცოტა უფრო რთული შესარჩევია, რადგან ვერ გეტყვის როგორი უნდა, თუმცა შეგიძლია პატარა სპილოების, დათუნიების, ვარსკვლავების, სხვადასხვა ორნამენტების გამოსახულებით ან უბრალოდ სასიამოვნო ფერებით გაფორმებული შეარჩიო.

ბავშვები ძილშიც ძალიან აქტიურები არიან და ბევრს მოძრაობენ. აუცილებლად მიაქციე ყურადღება, რომ საბავშვო თეთრეული იყოს ბამბის. ბამბის ბავშვის საწოლის თეთრეული არ გამოიწვევს პატარას გაოფლიანებას და ასევე დაცული იქნება ალერგიისგან, რადგან ბამბა ალერგიას არ იწვევს. ბამბის ქსოვილს აქვს ჰაერის მაღალი გამტარიანობა და თერმორეგულაცია, რაც ნიშნავს, რომ ქსოვილი ზაფხულში გრილი იქნება, ზამთარში კი თბილი.

ლეიბი კარგად უნდა ერგებოდეს საწოლს, ზეწარი კი ამ ლეიბის ზომას. ძალიან კომფორტულია რეზინიანი, ჩასაცმელი ზეწრები, რომელიც ლეიბს მჭიდროდ ერგება და ბავშვის მოძრაობისას არ ძვრება.

შეიძლება ითქვას, რომ ბალიშის პირი თეთრეუკლში ყველაზე მნიშვნელოვანია, რადგან ისეთი მასალისგან უნდა იყოს დამზადებული, რომელიც ბავშვს სუნთქვაში ხელს არ შეუშლის. აქაც ბამბა, ან ბამბის და პოლიესტერის ნაზავი საუკეთესო არჩევანი იქნება. თუ სახლში შესაფერისი ბალიში არ მოგეპოვება, შეგიძლია შეიძინო სპეციალური ბავშვის თავის ბალიშები, რომლის შიგთავსიც და პირიც უსაფრთხო მასალისგან იქნება დამზადებული.  

არ დაგავიწყდეს, ბავშვები ხშირად ბალიშზე თავის დადებაზე უარს ამბობენ, ან მოძრაობისას უვარდებათ თავი. ამ პრობლების მოგვარების მშვენიერი საშუალებაა ბავშვის კისრის ბალიში, რომელიც კომფორტულად ერგება კისერზე და დაზიანებისგან იცავს.

ბავშვის თეთრეულის შერჩევისას უმნიშვნელოვანესია თეთრეული იყოს მსუბუქი მასალისგან დამზადებული და შეარჩიო სწორი ზომის, რადგან ვიწროც და დიდი ზომისაც ბავშვისთვის დისკომფორტის შემქმნელი იქნება. ნიდოზე საუკეთესო ხარისხის თეთრეულის შეძენა შეგიძლია და რაც აუცილებლად გასათვალისწინებელია: თეთრეულის დიზაინი ბავშვების ინტერესებზე და სურვილებზეა მორგებული.