თავის ტილები ბავშვებში

თავის ტილები – ეს ჩვეულებრივი პრობლემაა, განსაკუთრებით კი ბაღისა და სკოლის ასაკის ბავშვებში. ეს შეიძლება ყველას დაემართოს, მიუხედავად იმისა, სუფთა თმები აქვს თუ ბინძური და სუფთა გარემოში ცხოვრობს, თუ არა. მისი გავრცელება ძირითადად ხდება თავით თავთან კონტაქტისას.  იშვიათ შემთხვევაში კი – სავარცხლის ან ქუდის საშუალებით.

საშიშია თუ არა ტილების ყოლა ჯანმრთელობისათვის?

მიუხედავად იმისა, რომ ტილების ყოლა ნამდვილად არასასიმოვნო მოვლენაა, ეს არ იწვევს რაიმე სერიოზულ დაავადებას და ჯანმრთელობისათვის საფრთხეს არ წარმოადგენს. შესაძლოა სახლის პირობებშიც მოხდეს ტილებისაგან განკურნება, თუმცა მაინც რეკომენდებულია ექიმის საქმის კურსში ჩაყენება.

როგორია ტილის სასიცოცხლო ციკლი?

თავის ტილი არის პაწაწინა, უმეტესად ღია ნაცრისფერი შეფერილობის პარაზიტი, 2-3 მმ სიგრძის. ის იკვებება მცირე რაოდენობით სისხლით თავის კანიდან და სდებს კვერცხებს (წილებს) თმასა და თავის კანზე. ტილი დღეში დაახლოებით 10 კვერცხს დებს.  თითოეული კვერცხიდან ახალი ტილის გამოჩეკვასა და მის ზრდასრულობამდე მიღწევას მხოლოდ 12-14 დღე სჭირდება. ეს ციკლი შესაძლოა ყოველ 3 კვირაში ერთხელ განმეორდეს, იმ შემთხვევაში, თუ არ მოხდება სათანადო მკურნალობა.

როგორ ამოვიცნოთ ტილის არსებობა?

ძირითადი სიმპტომი თავის კანის ქავილია. რაც ყველაზე ხშირად ყურის უკანა მიდამოს ქავილით იწყება. თუმაცა, მანამ სანამ ქავილი გამოვლინდება, შესაძლოა უკვე 4-6 კვირაც კი იყოს გასული პირველი ტილის თავში მოხვედრიდან, რაც იმას ნიშნავს, რომ საკმაოდ იქნება გამრავლებული მისი რაოდენობა.

როგორ გავუმკლავდეთ ტილებს?

სავარცხლის მეთოდი:

ნიბიჯი 1: დაუსველეთ ბავშვს თმები;

ნაბიჯი 2: გამოიყენეთ წვრილ კბილებიანი სავარცხელი და თმის პატარ-პატარა ზონები დავარცხნეთ;

ნაბიჯი 3: ყოველი ჩამოვარცხნის შემდეგ დაფერთხეთ სავარცხელი ქაღალდზე დაშეამოწმეთ ჩამოჰყვა თუ არა  მას ტილი;

გაიმეორეთ მეორე დამესამე ნაბიჯი მანამ, სანამ მთელ თავს დავარცხნით.

ჰკითხეთ თქვენი შვილის ექიმს, თუ რომელი პრეპარატი უნდა გამოიყენოთ და იმისათვის, რომ სწრაფ ეფექტს მიაღწიოთ, პრეპარატის გამოყენების პარალელურად გამოიყენეთ ზემოთ მოცემული სავარცხლის მეთოდი ყოველ 2-3 დღეში 3 კვირის განმავლობაში.

რამდენიმე უსაფრთხოების წესი:

• მიჰყევით ზუსტად ტილების საწინააღმდეგო პრეპარატის ინსტრუქციას
• არასოდეს დართოთ ნება შვილს, თავად წაისვას წამალი
• ექიმის დაუკითხავად არ გამოიყენოთ წამალი განსაკუთრებით 2 წლამდე ასაკის ბავშვებში
• ექიმის დაუკითხავად არ გამოიყენოთ წამალი თუ ხართ ორსული ან მეძუძური
• შეინახეთ წამალი ბავშვებისათვის ხელმიუწვდომელ ადგილას