რა არის ტანტრუმი?

ალბათ ერთხელ მაინც შესწრებიხართ სიტუაციას, როდესაც 1-3 წლამდე ბავშვი ,,ვარდება ისტერიკაში” – კივის, ტირის, ყვირის, ძირს წვება, ფეხებს აბაკუნებს. ზოგიერთ შემთხვევაში ბავშვმა შესაძლებელია შეიკავოს სუნთქვა, ძალით აღებინოს, გატეხოს ნივთები და გახდეს ძალიან აგრესიული. ყველა ამ ქმედებას სამედიცინო ენაზე ეწოდება – ტანტრუმი. ის ბავშვის განვითარების განუყოფელი ნაწილია. ხშირად ტანტრუმი არის გადაღლის, იმედგაცრუების და რაც მთვარია, იმის შედეგი რომ პატარა ვერ გადმოსცემს თავის სათქმელს სიტყვებით და ამ გზით გამოხატავს ყოველივეს.

როგორ გავუმკლავდეთ ტანტრუმს?

 შეამცირეთ სტრესი – მშიერი და დაღლილი ბავშვი უფრო მიდრეკილია ტანტრუმისკენ

• განსაზღვრეთ ტანტრუმის გამომწვევი მიზეზები – შეეცადეთ შეცვალოთ გამომწვევი მიზეზი და გარემოება
• შეეცადეთ გააკონტროლებინოთ მას გარკვეული წვრილმანები – მიეცით მას მცირე არჩევანის საშუალება. მაგალითად, ჰკითხეთ ვაშლის წვენი ურჩევნია თუ ფორთოხლის; ასევე, როდის ურჩევნია კბილის გახეხვა, ეხლა თუ მოგვიანებით
• ელაპრაკეთ ბავშვს მის ემოციებზე – როდესაც ის ბრაზდება, ხდება აგრესიული შეეცადეთ გაიგოს მისი გაბრაზების მიზეზი. სთხოვეთ გაგიზიაროთ რას გრძნობს იმ მომენტში და რამ გამოიწვია ეს შეგრძნება

ზოგჯერ ტანტრუმი მაინც ხდება, მისი თავიდან არიდების უამრავი მცდლეობის მიუხედავად. ამ შემთხვევაში საჭიროა იცოდეთ როგორ მოიქცეთ:

• შეინარჩუნეთ სიმშვიდე (შეეცადეთ თავი მაინც მოაჩვენოთ, თუ რეალურად არ გამოგდით). თუ თქვენ გაბრაზდებით, ეს გაართულებს სიტუაციას როგორც ბავშვისთვის, ასევე თქვენთვის.
• დაანახეთ ბავშვს რომ თქვენ გესმით მისი  – მაგალითად: ,,ძალიან საწყენია როდესაც მთლიანი ნაყინი გივარდება, არა?”
• დაელოდეთ ტანტრუმის დასრულებას – იყავით ბავშვთან ახლოს ტანტრუმის დროს, რათა მან იცოდეს რომ თქვენ მის გვერდით ხართ. არ ეცადოთ მის შეჩერებას, რადგან თუ ტანტრუმი დაწყებულია აზრი არ აქვს მის შეჩერებას.
• თუ ტანტრუმი ხდება იმის გამო რომ ბავშვს რაღაც სურს, არ მისცეთ მას რაც უნდა. რადგან ამით ის დარწმუნდება, რომ ტანტრუმი არის ეფექტური გზა მისი სურვილის შესასრულებლად.