შეიძლება თუ არა თაფლი წლამდე ბავშვისთვის?

თაფლი ბუნებრივი, გემრიელი  და ძალიან ჯანსაღი საკვებია, რომელიც ბევრ დაავადებას, მათ შორის, ასთმას, ხველას, ალერგიებს და კუჭის პრობლემებს შველის. მშობლები,  ცდილობენ, რომ პატარა ბავშვებს ახალი გემოები გაასინჯონ და ხშირად თაფლზე აკეთებენ არჩევენას, რაც ძალიან სწორია, თუმცა, ადრეულ ასაკში თაფლის მიცემა, გარკვეულ რისკებთან არის დაკავშირებული, ამიტომ მშობლებო, გირჩევთ, რომ სანამ ბავშვს თაფლს გაასინჯებთ შემდეგი ფაქტორები გაითვალისწინეთ.

როდის შეიძლება, რომ ბავშმა ჭამოს თაფლი

ამერიკის პედიატრთა ასოციაციის რჩევით, 12 თვემდე ბავშვებს არ უნდა ვაჭამოთ ჩვეულებრივი, ანუ, არა-პასტერიზებული თაფლი. ეს იმას ნიშნავს, რომ არც წყალში გაზავება შეიძლება და არც საჭმელში.

რატომ არ არის თაფლი უსაფრხო?

პირველ რიგში, თაფლს შეუძლია გამოიწვიოს ბოტულიზმი, რაც მწვავე ინფექციურ-ტოქსიკური დაავადებაა, რომლის გამომწევევია სპორებიანი ბაცილა (Clostridium botulism). ბოტულიზმს ახასიათებს ორგანიზმის ინტოქსიკაცია და აზიანებს უმთავრესად ცენტრალურ ნერვულ სისტემას. ბოტულიზმის ნიშნებია, კუჭში გასვლის პრობლემა, სუსტი ტირილი, ზოგადი სისუსტე და თვალის კუთუთოს დამბლა.

ასევე, თაფლმა შესაძლოა ბავშვის ახლად ამოსული კბილები დააზიანოს. ზოგადად, არ არის კარგი იდეა, რომ ბავშვს შევაყვაროთ ტკბილი გემოები. თუ გსურთ, რომ ბავშვის საკვებში უფრო მეტი გემოები შეიტანოთ, ხილი ამის საუკეთესო საშუალებაა.

რატომ არის თაფლი უსაფრთხო დიდი ბავშებისთვის?

12 თვემდე ბავშვებისთვის თაფლი არ შეიძლება, იმიტომ რომ, მათი საკვების მომნელებელი ტრაქტი ჯერ კიდევ განუვითარებელია. ასევე, პატარა ბავშვები ვერ აწარმოებენ საკმარის მჟავას ბაქტერიებისა და სხვა ტოქსინების გასანადგურებლად. უფროს ბავშვებში კი, საჭმლის მომნელებელი სისტემა უკვე განვითარებულია და თაფლის ჭამა სრულიად უსაფრთხოა.