რამდენად უსაფრთხოა სველი ხელსახოცები პატარებისთვის

ნებისმიერი მშობელი გეტყვით, რომ სველი ხელსახოცი არის მათთვის ხსნა. ის არის შეუცვლელი დამხმარე არა მხოლოდ ბავშვის საფენის გამოცვლისას, არამედ გაუთვალისწინებელი ,,ჭუჭყიანი’’  შემთხვევების დროსაც, რის გამოც მშობლების უმეტესობისთვის სველი ხელსახოცი არის მუდმივი თანამგზავრი.  ის არის იდეალური საშუალება მშობლისთვის, ბავშის დაბინძურებული ხელების და სახის გასასუფთავებლად.

ამ ყველაფრის მიუხედავად, სჯობს დაფიქრდეთ: არის თუ არა ეს ,,შესანიშნავი’’ დამხმარე საშუალება ბავშვისთვის უსაფრთხო?

ჩატარებული კვლევა

კონექტიკუტის მედიცინის სკოლის უნივერსიტეტის, დერმატოლოგიის და პედიატრიის ასოცირებულმა პროფესორმა, მერი ვუ ჩანგმა ჩაატარა კვლევა, რომლითაც გამოვლინდა თუ რა საფრთხეს შეიძლება შეიცავდეს სველი ხელსახოცის ყოველდღიური გამოყენება. მან აღმოაჩინა, რომ ბავშვებში სხვადასხვა სახის გამონაყარი ხშირად არ იყო ალერგიის ბრალი, როგორც ეს ეგონათ – ის გამოწვეული იყო სველი ხელსახოცების გამოყენების გამო.

სად იმალება ნამდვილი პრობლემა

ექიმი ვუ ჩანგის თანახმად, სველი ხელსახოცით გამოწვეული პრობლემების მთავარი,,ბრალდებული’’ არის მის შემადგენლობაში არსებული კონსერვანტი. ეს არის – მეთილიზოთიაზოლინონი (methylchloroisothiazolinone), იგივე – MI.  MI , ასევე გამოიყენება თავის მოვლის უამრავ საშუალებებში: კოსმეტიკაში, შამპუნებში, საპონში და ა.შ.

გარდა ამისა, MI-სთან ერთად სველი ხელსახოცი შეიცავს კონსერვანტს – მეთილქლოროიზოთიაზოლინონს (methylchloroisothiazolinone), იგივე – MCI. დროთა განმავლობაში მეცნიერებმა დაადგინეს, რომ ზუსტად ამ ორი კონსერვანტის – MI და MCI-ს კომბინაცია – არის ალერგიული რეაქციის გამომწვევი აშკარა მიზეზი. ჯანდაცვის ინსტიტუციებმა აიძულეს მწარმოებელი ფირმები, რომ შეეწყვიტათ მათი კომბინაციაში გამოყენება, ჯანმრთელობასთან დაკავშირებული რისკების შესამცირებლად.

შედეგად, მწარმოებლებმა დაიწყეს მხოლოდ  MI-ს გამოყენება, იმ რწმენით, რომ ის ნაკლებად იწვევს ალერგიულ რეაქციებს.

უნდა შევწყვიტოთ თუ არა სველი ხელსახოცების გამოყენება?

თუ სველი ხელსახოცი იმდენად გეხმარებათ ბავშვის პრობლემების მარტივ და დროულ მოგვარებაში, რომ არ შეგიძლიათ მის გარეშე, ამ შემთხვევაში უბრალოდ დააკვირდით მის შეფუთვაზე არსებულ შემადგენლობას. ეცადეთ შეიძინოთ ისეთი ხელსახოცი, რომელშიც ნაკლებია კონსერვანტების რაოდენობა. დააკვირდით ბავშვის კანის რეაქციას სხვადასხვა ფირმის ხელსახოცის მიმართ. დამატებით, ეცადეთ ზოგჯერ მაინც გამოიყენოთ სველი ხელსახოცის შემცვლელი – მაგალითად, ნამიანი პირსახოცი.