ბავშვების “სუპერ-საჭმელები”

ბავშვი რომ მიუშვა, პიცის გარდა, არაფერს არ შეჭამს, ამიტომ ჩვენ მოვამზადეთ სუპერ-საჭმელების სია (Super-foods), რომლებსაც თქვენი პატარა სიამოვნებით მიირთმევს. შეეცადეთ, რომ ეს პროდუქტები ყოველთვის გქონდეთ სახლში.

კვერცხი

კვერცხი პროტეინს შეიცავს და ის იშვიათი საჭმელია, რომელსაც ბუნებრივად აქვს ვიტამინი D, რაც ორგანიზმს კალცის მიღებაში უწყობს ხელს. დილით კვერცხის ჭამა ბავშვს შუა-დღემდე დაუკმაყოფილებს შიმშილს.

შვრია

კვლევები აჩვენებს, რომ იმ ბავშვებს, რომლებიც შვრიას მიირთმევენ, სკოლაში უკეთესი კონცენტრაცია აქვთ. შვრიას დიდი ხანი უნდა მოსანელებლად, შესაბამისად, ბავშვებს ენერგიის სტაბილურ ნაკადს აძლევს დიდი ხნის განმავლობაში.

ხილი

ბავშვისთვის ყველანაირი ხილი კარგია, მაგრამ განსაკუთრებით ყურადღება მიაქციეთ, რომ მიიღოს სხვადასხვა ტიპის ხილი: კენკროვანი, ნესვი, კივი, ფორთოხალი.

თხილი

თხილი შეიცავს ჯანსაღ ცხიმებს, რაც ბავშვს გაზრდასა და განვითარებაში ეხმარება. თხილი ასევე სასარგებლოა გულისთვის. საუზემზე მიეცით რამდენიმე თხილი, რაც დილის საათებში ენერგიის მუხტს მისცემს.

რძე

რძის პროდუქტები სავსეა ტვინის და სხეულის “საშენი მასალით” – პროტეინითა და კალცით. პროტეინი ტვინის ქსოვილის შენებაში იღებს მონაწილეობას, კალცი კი ძვლებს და კბილებს ამაგრებს.

მოცვი

მოცვი უკვე ძალიან დიდი ხანია, რაც ყველაზე ჯანმრთელ ხილად ითვლება. კვლევების მიხედვით, მოცვი გვიცავს გულის დაავადებებისგან, დიაბეტისგან და ეხმარება ტვინის მუშაობას.

პომიდორი

პომიდორი სავსეა ლიკოპენებით, რომელიც გვიცავს ბევრი სახის სიმსივნისაგან. პომიდვრის შეწვა კიდევ უფრო სასარგებლოა, რადგან მომზადების დროს  ლიკოპენები გამოიყოფა.

მაწონი

მაწონი, როგორც დაბალცხიმიანი იუგურტი, ეგრეთ წოდებულ კარგ ბაქტერიებს შეიცავეს, რომელიც იმუნიტეტს აძლიერებს და საჭმლის მონელებაში გვეხმარება.

კომბოსტო

კომბოსტო მისი შედარებით სუსტი გემოს გამო, ბავშვებს უფრო უყვართ, ვიდრე სხვა მწვანე ბოსტნეული. კომბოსტოში არსებული ფიტონუტრიენტები სიმსივნის რისკს ამცირებს, გვეხმარება საჭმლის მონელებაში და საშიშ ტოქსინებს დევნის ორგანიზმიდან.

ორაგული

ორაგული შეიცავს ომეგა-3 ვიტამინებს, რაც გულისა და ტვინის განვითრებისთვის არაჩვეულებრივია.

კაკაო

კაკაო ფლავონოიდების კარგი წყაროა, რაც წნევას, გულსა და ღრიძლებს უხდება. ბავშვს სანამ კაკაოს დაალევინებთ, შეამოწმეთ, რომ 70%-იანი კაკაოს შემცველობა მაინც ჰქონდეს და არ იყოს ტუტის წყალხსნარით დამუშავებული, რაც რეალურად ფლავონიოდებს აცლის.

ლობიო

მუქი ლობიო პროტეინის, საკვებ ბოჭკოებს და კალცს შეიცავს. ლობიო რაც უფრო მუქია, მით უკეთესი.

დარიჩინი      

დარიჩინი სისხლში შაქრის რაოდენობის რეგულირებას უწყობს ხელს, რაც ბავშვის უეცარ ენერგიის ვარდნებს (რაც ხშირად დილას ხდება ხოლმე) ამცირებს.