რისთვის გამოიყენება მაგიდის გადასაფარებელი?

სუფრის ხსენებაზე უმრავლესობას პირველად ალბათ მაგიდაზე დაწყობილი საჭმელი და ქეიფი ახსენდება. თუმცა გურმანობის მიუხედავად, უნდა აღვნიშნო, რომ საჭმლის დაწყობის გარდა სხვა ფუნქციებიც აქვს.

როგორც ინტერიერის ნაწილი

მაგიდა სახლში ყველას გვიდგას. თუ ვიზუალური მხარე შენთვის მნიშვნელოვანია, აუცილებლად გაითვალისწინე, რომ მაგიდის გადასაფარებელი, რომელსაც ყოველდღიურად იყენებ უნდა ჯდებოდეს საერთო ინტერიერში. ყურადღება მიაქციე ფერს, ფორმას, ზომას. ფერი შევუხამოთ ფარდებს და შპალერს. ჩემი რჩევა იქნება სადა, სიმყუდროვის გამომხატველი და თვალში ნაკლებად მოსახვედრი აირჩიო.

განწყობის შემქმნელი

შეიძლება გაგეცინოს, მაგიდის გადასაფარებელი და განწყობა? არადა, როცა სტუმრები გყავს, იმის მიხედვით შეიძლება არჩევა რითი აპირებ მათ გამასპინძლებას. თუ საფუძვლიანად აპირებ მაგიდის გაწყობას დიდი სუფრა დაგჭირდება, ჩაისთვის და დესერტისთვის პატარა, ლამაზი მაგიდის გადასაფარებლის არჩევაა შესაძლებელი. მაგიდის გადასაფარებელი სტუმარს განსაკუთრებულ განწყობას უქმნის. ასევე გამოხატავს შენს დამოკიდებულებას სტუმრის მიმართ, სერუოზული სტუმარია, მეგობარმა შემოიარა სასაუბროდ, თუ რამის აღნიშვნას აპირებთ. ასე რომ განაახლე შენი სუფრები, შეიძინე ყველანაირი საჭიროებისთვის.

საჩუქარი

ახლა, როცა უკვე ვისაუბრეთ სუფრის გამოყენებაზე, დროა იმაზეც დაფიქრდე, რამდენად მნიშვნელოვანი საჩუქარი შეიძლება იყოს. ჩვენთან ქართული ტრადიციული ორნამენტებით გაფორმებული, მრავალფეროვანი სუფრების დიდი არჩევანია. შეგიძლია ნიდოზე იყიდო ზუსტად ისეთი სასაჩუქრე მაგიდის გადასაფარებელი, რომელიც შენს გემოვნებასაც გაუსვამს ხაზს და ადრესატსაც ძალიან გაახარებს.