სმარტფონი და ემოციური პრობლემები ბავშვებში

დამეთანხმებით, რომ ტექნოლოგია საკმაოდ კარგი რამ არის თინეიჯერებისთვის, უამრავ სხვადასხვა ასპექტში, თუმცა ის შესაძლებელია ასეთივე ცუდი და მავნე იყოს მათთვის. სმარტფონების გამოსვლის დღიდან, თინეიჯერებში იმატა ემოციურმა პრობლემებმა. არის თუ არა ეს უბრალო დამთხვევა, შეგვიძლია გავიგოთ სანდო წყაროზე დაყრდნობით. ინფორმაცია მოპოვებულია ექიმი სინდი გელნერისგან, რომელიც ამერიკის პედიატრთა ასოციაციის წევრია (შეგიძილიათ იხილოთ აქ)

ბოლო დროს ჩატარებულმა უამრავმა კვლევამ აჩვენა, რომ თინეიჯერების ბედნიერებასა და თვითშეფასებაზე საკამაოდ დიდი გავლენა აქვს სოციალური მედიის გამოყენებას. 2011 წლამდე თინეიჯერების ბედნიერების შეგრძნება სულ უფრო და უფრო მატულობდა. მაგრამ 2012 წლიდან  2016 წლამდე ამ მხრივ მდგომარეობა  მკვეთრად საპირისპიროდ შეიცვალა. ამასთან ერთად, 2013 წლისთვის თინეიჯერების 37%-ს გააჩნდა სმარტფონი, 2016  წლისთვის კი თინეიჯერების 73%-ს.

თინეიჯერები, რომლებიც დიდ დროს უთმობენ ელექტრონულ კომუნიკაციას სოციალური მედიის,  მიმოწერის და ვიდეო თამაშების გამოყენებით, ნაკლებად ბედნიერები არიან თავიანთი ცხოვრებით და უფრო დაბალი თვითშეფასება აქვთ. ისინი ხედავენ თავიანთი მეგობრების პოსტებს facebook-ზე,  instagram-ზე და ფიქრობენ, რომ უმეტესობა მათგანს მასზე უკეთესი ცხოვრება აქვს.

გარდა ამისა, ბავშვები ხშირად აქვეყნებენ სხავდასხვა ტიპის მასალას სოციალურ ქსელში ისე, რომ ვერც იაზრებენ თუ რამდენად ხელმისაწვდომია მისი პოსტის ნახვა ნებისმიერი ადამიანისთვის. ეს კი შემდგომ ხშირად ხდება კიბერ თავდასხმის, შანტაჟის და ბულინგის მიზეზი. გარდა ამისა, ვიღაცის დაწერილმა უარყოფითმა კომენტარმა შეიძლება იმდენად იმოქმედოს მოზარდზე, რომ მას სერიოზული დეპრესია განუვითარდეს.

ერთადერთი რამ, რაც მშობელს შეუძლია გააკეთოს თავისი შვილის დასაცავად და დასახამრებლად, არის მისი ბოლომდე ჩართულობა შვილის სოციალურ ქსელში. იყავით ჩართულნი თქვენი შვილის ინტერნეტ ცხოვრებაში, არ აქვს მნიშვნელობა, უნდათ მას ეს თუ არა. ეს არის გზა, რომლითაც თქვენ  შეგიძლიათ ეცადოთ დაიცვათ თქვენი ბავშვი საფრთხისგან.