როგორ შევარჩიოთ ბავშვის საკვები სკამ-მაგიდა?

ყველგან მიმოფანტული საჭმელი, ტირილი, ცელქობა და მოუსვენრობა ჭამის დროს, თუ ბავშვი გყავს ეს ყველაფერი შენთვისაც ნაცნობი იქნება. მას შემდეგ რაც ბავშვი მზად იქნება მყარ საკვებზე გადავიდეს, ჩემი რჩევაა, სკამ-მაგიდა შეიძინო. ეს საშუალებას მოგცემს დაივიწყო ბავშვის ჭამასთან დაკავშირებული დისკომფორტი. თუმცა ძალიან მნიშვნელოვანია, ბავშვის სკამ-მაგიდა სწორად შეარჩიო. არასწორად არჩეული სკამ-მაგიდა შეიძლება უფრო მეტად დისკომფორტის შემქმნელი იყო, ვიდრე სარგებლის მომტანი.

საკვები სკამ-მაგიდების დადებითი მხარეები

1. ჩვილებს, რომლებიც უკვე ჯდებიან, ადრეულ ასაკში აათვისებინებს დამოუკიდებლად ჭამას. განუვითარებს აუცილებელ მოტორულ უნარებს, როგორიცაა კოვზის ან ჩანგლის ხელში დაჭერა.
2. ბავშვს დაეხმარება შეიცნოს საკვები ისე, რომ შენთვის არასასურველი ადგილები არ დააბინძუროს. ბავშვი იწყებს იმის გააზრებას, თუ რამდებნი საჭმელია მისთვის საკმარისი.
3. ჩვილის სკამ-მაგიდა ამარტივებს კვების პროცესს. სკამ-მაგიდებს ძირითადად მოჰყვებათ სათავსოები, რომლებიც საჭმლის და სასმლის ერთ ადგილზე დალაგებაში გეხმარება, აღარ გიწევს აქეთ-იქეთ ძებნა.
4. ბავშვის ჭამა დასვრის გარეშე წარმუდგენელია, საკვები სკამ-მაგიდები კი ადვილი გასაწმენდია. სკამ-მაგიდების უმრავლესობას სათავსოები ეხსნება და ადვილად იწმინდება. ანუ ბავშვის ჭამის შემდეგ მთელი ოთახის ან სამზარეულოს დალაგება აღარ მოგიწევს. ყველა მშობელმა იცის ეს რამხელა კომფორტია.
5. სკამ-მაგიდები უსაფრთხოა. ისინი სპეციალურად ჩვილებისთვის და პატარა ბავშვებისთვისაა შექმნილი, მათ კომფორტზეა მორგებული. სკამ-მაგიდებს ისეთი სავარძლები აქვთ, რომ ბავშვი კარგად თავსდება და უსაფრთხოდაა.
6. ოჯახთან ერთად ჭამა ბავშისთვის ძალიან მნიშვნელოვანია, სოციალიზაციაში და მანერების ათვისებაში ეხმარება. ამ დროს პატარა სწავლობს ოჯახური ცხოვრების მნიშვნელობას. სკამ-მაგიდა კი საშუალებას აძლევს ოჯახის წევრებთან ერთად ჭამოს, იგრძნოს ჩართულობა. მხოლოდ სკამ-მაგიდის საერთო სასადილო მაგიდასთან მოთავსება გჭირდება.
7. კვების გარდა სკამ-მაგიდა შეგიძლია გასართობად და სწავლისთვისაც გამოიყენო. საჭმლის ნაცვლად სათამაშოებს, წიგნებს ან სახატავებს დაულაგებ, ბავშვი უსაფრთხოდ იქნება, გაერთობა და შენ თუ გინდა საქმეს მიხედავ, ან დაისვენებ.

როგორ შევარჩიოთ სკამ-მაგიდა?

• სწორი სკამ-მაგიდის შერჩევა საშუალებას მოგცემს, რომ კვების პროცესი სასიამოვნო გამოცდილებად და კომფორტად აქციო. სკამ-მაგიდა დაახლოებით 6 თვის ასაკიდან შეგიძლია გამოიყენო. სკამ-მაგიდა მინიმუმ 2 წლის განმავლობაში გამოგადგება, ამიტომ დარწმუნდი, რომ ნამდვილად უსაფრთხო, გამძლე და ადვილად გასაწმენდია.
• შეგიძლია აარჩიო მოდელი, რომელსაც ბორბლები აქვს, თუმცა აუცილებლად მიაქციე ყურადღება, ბორბლებს ჩამკეტი ჰქონდეს, რათა ჭამის დროს სკამ-მაგიდამ არ იმოძრაოს. გადაწყვიტე კეცვადი სკამ-მაგიდა გირჩევნია, თუ იმდენი ადგილი გაქვს, რომ სკამ-მაგიდა სულ იდგეს სახლში. 
• სკამ-მაგიდების უმრავლესობა გარდამავალია, ანუ ასაკის მატებასთან ერთად მისი ზომის შეცვლაც შეიძლება.
• უსაფრთხოებისთვის დასვი კითხვა: აქვს თუ არა სკამ-მაგიდას სავარძლის თასმები? ანუ უსაფრთხოების 5 პუნქტიანი ღვედი, რომელიც ყველა კარგ მოდელს აქვს და ბავშვს გადმოვარდნისგან იცავს. ღვედს შენ ადვილად უნდა ხსნიდე, მაგრამ ბავშვისთვის გახსნა შეუძლებელი უნდა იყოს. ასევე არ დაგავიწყდეს დასვა კითხვები: კომფორტული სავარძელი აქვს? ფეხის საყრდენი თუ აქვს და როგორი?
• სკამ-მაგიდას არ უნდა ჰქონდეს წახნაგები, მკვეთრი კუთხეები. ადვილად უნდა ეხსნებოდეს გასარეცხი ნაწილები და მარტივად რეცხვადი მასალისგან შედგებოდეს, როგორიცაა PVC საფარი.

მოკლედ, როცა ბავშვი გყავს სკამ-მაგიდა ნამდვილად აუცილებელი ნივთია. ნიდოზე სხვადასხვა დიზაინის და ღირებულების ლორელის, ასალვოს და სხვა ბრენდების სკამ-მაგიდების შეძენას შეძლებ.