როგორ შევუწყოთ ხელი ბავშვის სიმაღლეში ზრდას

ბავშვების მაქსიმალურ სიმაღლეს გენეტიკა განსაზღვრავს. როგორც წესი, ისინი მშობლების საშუალო სიმაღლისა და იგივე სქესის მშობლის სიმაღლის შორის იზრდებიან. ბავშვები, ასევე ემსგავსებიან მშობლებს ზრდის პროცესში – შეიძლება ერთ მომენტში უცბათ გაიზარდნონ და შემდეგ წლები გაჩერდნენ.

თუ გსურთ, რომ ბავშვმა მის მაქსიმუმ სიმაღლეს მიაღწიოს, შემდეგი ფაქტორები გაითვალისწინეთ.

სწორი კვება

სწორი კვება დიდ როლს თამაშობს ბავშვების ფიზიკურ განვითარებაში და ზრდაში. ყურადღება მიაქციეთ, რომ ბავშვი იღებდეს ორგანიზმისთვის აუცილებელ მინერალებს, ვიტამინებს, პროტეინებს, ნახშირწყლებს და ცხიმებს. ასევე, ბავშვი საკმარის სითხეს უნდა სვამდეს. არ დაგავიწყდეთ, რომ კალცი სხეულის საშენი მასალაა, ამიტომ რძის ნაწარმი მუდამ გქონდეთ მაცივარში.

ძილი

სწორი ძილის ციკლი აუცილებელია იმისთვის, რომ ბავშვის ორგანიზმა დაისვენოს და ახალი ჰორმონები გამოიმუშავოს. ბავშვი შეაჩვიეთ, რომ ყოველდღე ერთსა და იმავე დროს დაწვეს და გაიღვიძოს – შაბათ-კვირასაც კი. 2-4 წლამდე ბავშვებს 10-13 საათამდე ძილი სჭირდებათ, სკოლის ასაკის ბავშვებს – 10-12 საათამდე. თინეიჯერებს, 8 ½ დან 9 ½ საათამდე.

მოძრაობა

თუ გსურთ, რომ ბავშვმა მის მაქსიმუმ პოტენციურ სიმაღლეს მიაღწიოს, აკონტროლეთ, რომ სულ კომპიუტერთან არ იჯდეს და ივარჯიშოს. ბავშვები დღეში 60 წუთს უნდა მოძრაობდნენ, ამიტომ, ატარეთ ბავშვი სპორტზე, გაუშვით ეზოში სასეირნოდ ან თუნდაც  სახლის საქმეებში დაიხმარეთ.

შენელებული ზრდა

თუ ბავშვის ზრდა შენელდა, პედიატრს ანახეთ. ზრდის შეჩერების უკან, შეიძლება სამედიცინო მიზეზი არსებობდეს, რისთვისაც შეიძლება წამლები დაგინიშნონ და სწორ კვებაზე მიგითითონ.