სეზონური ალერგიები ბავშვებში

სეზონური ალერგიები წლის განსაზღვრულ პერიოდში იჩენენ თავს, ძირითადად როდესაც მოყვავილე მცენარეები, ხეები, ბალახები, უშვებენ მტვერს.

იმ ადამიანების იმუნური სისტემა, ვინც ალერგიულია მტვრის ამ ნაწილაკების (ალერგენების) მიმართ, თავის დასაცავად მიმოქცევაში გამოყოფს სხვადასხვა ნივთიერებებს, მათ შორის მთავარს – ჰისტამინს. სწორედ ჰისტამინის გამოთავისუფლება იწვევს ალერგიისთვის დამახასიათებელ სიმპტომებს.

სეზონური ალერგია შესაძლებელია ნებიემიერ ასაკში დაიწყოს, თუმცა, ყველაზე ხშირად ის თავს იჩენს 10 წლისას და პიკს აღწევს 20 წლის შესრულების მერე.

ნიშნები და სიმპტომები

თუ თქვენი ბავშვი ,,ცივდება’’ წლის ერთსადაიმავე დროს, დიდი ალბათობით ეს არის სეზონური ალერგია. ალერგიული სიმპტომები, რომლებიც იწყება ალერგენთან ახლოს ყოფნისას, მასთან შეხებისას:

• ცემინება
• ყელის/ცხვირის ქავილი
• ცხვირის შეგუბება
• გამონადენი ცხვირიდან
• ხველა

სიმპტომებს ხშირად თან ახლავს წყლიანი, ჩაწითლებული თვალები,  რომელიც პაციენტს ექავება  – ამას ეწოდება ალერგიული კონიუქტივიტი. ბავშვები, რომლებსაც ამ სიმპტომებთან ერთად აქვთ სუნთქვის უკმარისობა და მსტვინავი სუნთქვა – შესაძლებელია ჰქონდეთ ალერგიით გამოწვეული ასთმა.

დიაგნოზი

ძალიან მნიშვნელოვანია პაციენტის ისტორია, რომელსაც დიაგნოზის დასმაში 50%-ზე მეტი უკავია ექიმისთვის. დიაგნოზის დასადასტურებლად პაციენტს უშვებენ ალერგიული სინჯის ასაღებად. ამ ტესტის საშუალებით დგინდება კონკრეტულად რომელ ალერგენზე აქვს პაციენტს ალერგია.

მკურნალობა

არსებობს უამრავი გზა სეზონური ალერგიის სამკურნალოდ, სიმპტომების სიმწვავის მიხედვით. პირველ რიგში, რამდენადაც შესაძლებელია, მოარიდეთ ბავშვი იმ კონრეტულ ალერგენს, რომელიც იცით რომ იწვევს მის ალერგიას. ეცადეთ ყოველი გარეთ თამაშის მერე აბანაოთ და ტანსაცმელი გამოუცვალოთ.

თუ მსგავსი მოქმედებები არ შეამსუბუქებს ალერგიას, ექიმი დაგინიშნავთ თქვენი პატარასთვის შესაბამის წამლებს: ანტიჰისტამინს, ცხვირის შეგუბების საწინააღმდეგოს და ცხვირის სპრეის.