სექსი ორსულობისას: რა არის დასაშვები და რა არა?

დამეთანხმებით, რომ ეს კითხვა უამრავ ორსულ ქალბატონს აწუხებს და აღელვებს. ბევრ მათგანს ეშინია, რომ სექსი შეიძლება გახდეს ნაყოფის  დაზიანების მიზეზი. იმისთვის, რომ დაგამშვიდოთ ვეცდები მოგაწოდოთ საჭირო ინფრომაცია.

შეიძლება თუ არა სექსი ორსულობის დროს?

თუ თქვენი ორსულობა მიმდინარეობს ნორმალურად, გართულებების გარეშე, შეგიძლიათ სექსი გქონდეთ ისეთი, სიხშირით როგორითაც თქვენ გსურთ. თუმცა, ორსულობის დროს მიმდინარე ჰორმონალური ცვლილებების და  ორსულობასთან დაკავშირებული სხვა უამრავი სიმპტომის გამო, შესაძლოა დაგიქვეითდეთ სქესობრივი კავშირის სურვილი და ეს არ არის საგანგაშო.

შესაძლებელია თუ არა რომ სექსმა ორსულობისას გამოიწვიოს მუცლის მოშლა?

თქვენი განვითარებადი ბავშვი დაცულია თქვენსავე საშვილოსნოში არსებული ამნიოტური სითხით, ასევე, საშვილოსნოს ძლიერი კუნთებით. ასე რომ, სქესობრივი აქტი არ იმოქმედებს თქვენს პატარაზე.

არის თუ არა საჭირო ორსულობის დროს პრეზერვატივის გამოყენება?

ორსულობის დროს სქესობრივად გადამდებ დაავადებასთან შესაძლო კავშირი ზრდის ინფექციის რისკს, რამაც შესაძლოა იმოქმედოს როგორც თქვენს ორსულობაზე, ასევე ბავშვის ჯანმრთელობაზე. თუ თქვენს პარტნიორს აღმოაჩნდა სქესობრივად გადამდები დაავადება, უმჯობესია, თავი აარიდოთ სექსს.

შესაძლებელია თუ არა რომ სექსმა გამოიწვიოს ნაადრევი მშობიარობა?

ორგაზმმა, ასევე სპერმაში არსებულმა პროსტაგლანდინებმა შესძლებელია გამოიწვიოს საშვილოსნოს შეკუმშვა. კვლევათა უმრავლესობამ ცხადყო, რომ ორსულობის დროს სექსი არ ზრდის ნაადრევი მშობიარობის რისკს. თუმცა თუ თქვენ სხვა მიზეზის გამო გაქვთ ნაადრევი მშობიარობის რისკი, თქვენი ექიმი გირჩევთ რომ თავი აარიდოთ სექსს.

მშობიარობიდან რამდენ ხანში შეიძლება სექსი?

არ აქვს მნიშნვნელობა თქვენ იმშობიარეთ ფიზიოლოგიურად თუ გაიკეთეთ საკეისრო, ორივე შემთხვევაში, ორგანიზმს სჭირდება დრო აღსადგენად. შეიკავეთ თავი სქესობრივი კავშირისგან, მანამ სანამ თქვენი ექიმი არ დაგრთავთ ნებას – ძირითადად, ეს პერიოდი არის ხოლმე მშობიარობიდან 4-6 კვირა. ამ დროის განმავლობაში საშვილოსნოს ყელი იხურება და წყდება მშბიარობის შემდგომი სისხლდენა.

როდესაც იქნებით მზად სექსისთვის, გამოიყენეთ კონტაცეპტივი, მანამ სანამ მზად არ იქნებით შემდეგი ორსულობისთვის.