სეირნობა ორსულებისთვის და ახლადნამშობიარებისთვის

რისი გაკეთება შეიძლება და რისი არა ორსულებისთვის, რომლებსაც უნდათ სეირნობა:                                                                                              

• ნუ ეცდებით თქვენი სპორტული შესაძლებლობების გაუმჯობესებას და გამოსწორებას. ორსულობის დროს მთავარია აქტიურობის შენაჩუნება და არა მისი გაუმჯობესება
• იყავით მზად იმისთვის, რომ თქვენი წონასწორობის შეგრძნება შეცვლილია. მუცელი, რომლითაც თქვენს პატარას ატარებთ ცვლის მიზიდულობის ცენტრს. შესაბამისად, ცოტაოდენი დრო დაგჭირდებათ იმისთვის, რომ ჭარბი წონით სეირნობას მიეჩვიოთ
• არ ისეირნოთ ცხელ ამინდში. ცხელ ამინდში გადახურება ძალიან მარტივია ვარჯიშის დროს, განსაკუთრებით როცა ორსულად ხართ. ასე რომ, უმჯობესია შეარჩიოთ შედარებით გრილი ამინდი
• მოუსმინეთ თქვენს სხეულს. ორსულობა არ არის თქვენი ფიტნესის გასაუმჯობესებელი დრო: სეირნობის დროს შეისვენეთ მაშინ, როცა ამას ორგანიზმი მოგთხოვთ.

რატომ უნდა ისეირნოთ ორსულობისას

1. თვენი გული ინარჩუნებს ჯანმრთელობას და თქვენი კუნთები ტონუსშია
2. შესაძლებელია სეირნობა დაგეხმაროთ მშობიარობაში: შეამოკლოს მშობიარობის დრო და შედარებით გაამარტივოს ის
3. გეხმარებათ კალორიების დაწვაში და გიცავთ ჭარბი წონისგან
4. გიცავთ გესტაციური დიაბეტისგან და პრეეკლამპსიისგან
5. სეირნობა სასარგებლოა ასევე იმ ქალებისთვის, ვისაც აწუხებს შეკრულობა

რატომ უნდა ისეირნოს ახლადნამშობიარებმა დედამ

• უფრო მარტივია მშობიარობის შემდგომ დარჩენილი ზედმეტი კილოგრამების მოშორება
• გაქვთ სახლიდან გასვლის მიზეზი. ეს კი შეგმატებთ თავდაჯერებულობას და მოგცემთ განტვირთვის საშუალებას, რამაც შესაძლებელია დაგიცვათ მშობიარობის შემდგომი დეპრესიისგან, რაც არც თუ ისეთი იშვიათი პრობლემაა
• შესაძლებელია ვარჯიშის დროს გაიცნოთ სხვა დედებიც, რაც გააუმჯობესებს თქვენი, როგორც დედის სოციალურ ურთიერთობებს.