სათამაშო მანქანები

ჩვენ გვინდა, რომ ჩვენი შვილები უსაფრთხო და საუკეთესო სათამაშოებით თამაშობდნენ. რა თქმა უნდა, ძალიან მნიშვნელოვანია, თამაში გასართობთან ერთად განსავითარებელიც იყოს. ერთი შეხედვით სათამაშო მანქანები შეიძლება მხოლოდ გასართობად მივიჩნიოთ, მაგრამ მათ ბავშვებისთვის ბევრი სარგებლის მოტანა შეუძლიათ.

რას უნდა მივაქციოთ ყურადღება შეძენისას

სათამაშო მანქანები უნდა იყოს ასაკის შესაბამისი, რადგან სხვადასხვა ასაკის ბავშვებს განვითარების განსხვავებული საჭიროებები აქვთ. სწორი სათამაშო მანქანის არჩევა მნიშვნელოვანია, რადგან უფრო დიდი ასაკის ბავშვზე გათვლილმა მანქანამ შეიძლება ბავშვის იმედგაცრუება გამოწვიოს, გაუჭირდეს იმის გარკვევა, როგორ უნდა ითამაშოს, როგორ უნდა მართოს მანქანა.

ყურადღება მიაქციეთ სათამაშო მანქანა იყოს უსაფრთხო. ყველა მათგანი ერთნაირი არ არის. ზოგი სათამაშო მანქანა შედარებით მოზრდილი ბავშვისთვისაა შექმნილი, რაც ნიშნავს, რომ ფუნქციებით იქნება დატვირთული, ან შედგება პატარა დეტალებისგან, მუშაობს ბატარეით, რომლის ამოღებაც ბავშვს მარტივად შეუძლია. უფროსი ბავშვისთვის განკუთვნილ სათამაშო მანქანას, როგორც წესი, ბევრი მოძრავი და მოსახსნელი ნაწილი აქვს, რაც მცირეწლოვანისთვის საფრთხეა, ბავშვებს ხომ ხშირად ყველაფრის პირში ჩადება ახასიათებთ.

თუ პირველ სათამაშო მანქანას ყიდულობ, აირჩიე მარტივი. უბრალო სათამაშო მანქანაც კი სახალისო და საინტერესო იქნება.

სათამაშო მანქანის ტიპები

თუ უსაფრთხო, გარემოსთვის არასაზიანო და მარტივ სათამაშო მანქანას ეძებ, შეგიძლია ხის სათამაშო მანქანა შეიძინო. ხის სათამაშო მანქანა შეიძლება იყოს ბევრნაირი, უამრავი ფერის და ფორმის. ასევე კარგი იდეაა ხის სათამაშო ნაკრების შეძენა.

სათამაშო სახანძრო მანქანები და პოლიციის მანქანაც შეგიძლია აირჩიო ბავშვის ასაკის მიხედვით. იქნებ მუსიკალური სათამაშო უყვარს ბავშვს, ან ზომით პატარა, ანდა შედარებით უფრო მასიური. შეიძლება უბრალო სათამაშო პატრულის მანქანა ურჩევნია, ხმაურისა და ფუნქციების გარეშე. ბავშის ხასიათზე ბევრი რამ არის დამოკიდებული.

სპორტული სათამაშო მანქანა კი თითქმის ყველა ბავშვს უყვარს. დღესდღეობით სათამაშო მანქანების ძალიან დიდი არჩევანია: დისტანციური მართვის მანქანა, სათამაშო სატვირთო მანქანა, ამწე, ტრანფორმერი, ნაგვის მანქანა, სამხედრო, პატარა სათამაშო მანქანები და სხვა.

მანქანებით თამაშის დადებითი მხარეები

სათამაშო მანქანები უფრო მეტია, ვიდრე უბრალოდ სათამაშოები. შესანიშნავია ადრეული სწავლისა და განვითარებისთვის. ბავშვებს უყვართ იმის წარმოდგენა, რომ მათი სათამაშო მანქანა რეალურია. ეს ბავშვს ამზადებს ყოველდღიური აქტივობებისთვის, რომლებსაც მოზარდობისას წააწყდება.

სათამაშო მანქანები წვრილ მოტორულ უნარებს ანვითარებს, რაც ხელების, მაჯის და თითების მოძრაობას მოიცავს. ეხმარება ბავშვს ზუსტი მოძრაობების შესრულებაში.

კოგნიტური განვითარებისთვისაც ძალიან კარგია, რადგან ბავშვი წარმოიდგენს, როგორ ჯდება მანქანაში, როგორ მიდის საქმეებზე. გარემოს დანახვას ზრდასრულის თვალით ცდილობს.

როდესაც ბავშვები სწავლობენ მანქანებით თამაშს, ისინი იყენებენ მათ, როგორც ძიების და ექსპერიმენტების მექანიზმს. მაგალითად, ბავშვმა შეიძლება ააგოს პანდუსები, რათა მანქანა უფრო სწრაფად წავიდეს. შემდეგ ისინი ააშენებენ პანდუსს უფრო და უფრო მაღლა, რათა დაინახონ, რამდენად სწრაფად წავა მანქანა პანდუსიდან ჩამოვარდნის გარეშე. ბავშვებს აინტერესებთ შეუძლიათ თუ არა მათ მანქანებს ცურვა ან ნახტომების გაკეთება. რაც უფრო მეტად შეიცნობს ბავშვი სამყაროს, მით უფრო ართულებს თავისი თამაშის პროცესს.

ბავშვების უმეტესობა უკეთესად სწავლობს, როცა მხიარულობს. სათამაშო მანქანები შესანიშნავი საშუალებაა გართობის, სწავლისა და თავგადასავლებისთვის.

სათამაშოებით ბავშვები ძალიან ბევრ რამეს სწავლობენ. სათამაშო არის იარაღი ბავშვის განვითარებისთვის და ერთ-ერთი საუკეთესო სწორედ სათამაშო მანქანაა. უამრავი თემატიკის, მასალისა და ასაკის შესაფერისი სათამაშო მანქანის შეძენას შეძლებ ნიდოზე.