რა ვუყოთ მორყეულ სარძევე კბილებს?

არ გიფიქრიათ ძაფით სარძევე კბილის ამოღება, რაც ჩვენს ბავშვობაში ძალიან გავრცელებული იყო, რამდენად სწორი ტაქტიკაა? კარზე ძაფის გამობმა და კარის მიჯახუნება თუ არ გამოგიცდიათ, გაგონილი მაინც გექნებათ. ეს ყველაფერი ჯობია, რომ დაივიწყოთ და ტკბილ-მწარე მოგონენებს ჩააბაროთ.

ბავშვები სარძევეს კბილების დაკარგვას 6 წლის ასაკში იწყებენ და როგორც წესი, პირველად წინა კბილები ძვრებათ. ეს ხდება იმის გამო, რომ მუდმივი კბილები ამოსვლას იწყებენ და ძველი სარძევეს კბილის ფესვებს შთანთქავენ. სარძევე კბილი კი ისე ირყევა, რომ თავისით, მინიმალური სისხლ-დენით ძვრება. ზოგჯერ, კბილი არც ისე მარტივად ძვრება და მშობლებს თავსატეხი უჩნდებათ, როგორ ამოუღონ და საერთოდ უნდა ამოუღონ თუ არა ბავშვს კბილი.

ყოველთვის ჯობია, რომ კბილი თვითონ ამოვარდეს თქვენი ჩარევის გარეშე. კბილის ძალით ამოღება ზოგ შემთხვევაში შეიძლება ქსოვილის დაზიანება და არასასასურველი სისხლედენა გამოიწვლის. ამიტომ, უთხარით ბავშვს, რომ ენით ან ხელით ამოძრავოს კბილი, იმისთვის, რომ ის კიდევ უფრო მოირყეს.

თუ მაინცდამიანც ამოღებას გადაწყვიტავთ, ხელები კარგად დაიბანეთ და ერთჯერადი ხელსახოცით წინ და უკან ამოძრავეთ, იმისთვის, რომ მიხვდეთ რამდენად მზად არის ამოღებისთვის.  თუ მზად არის, პატარა დატრიალება ამოაგდებს კბილს და სისხლს ბინტით მოაშორებთ. ძალიან იშვიათად, მაგრამ შეიძლება კბილის ფრაგმენტი ღრძილში ჩარჩეს. ამ შემთხვევაში მოგიწევთ კბილის ექიმთან წასვლა.