როგორ შევუთავსოთ ერთმანეთს სამსახური და ორსულობა

ქალების უმეტესობა მუშაობს ორსულობის დროს და ეს სავსებით მისაღებია იმ შემთხვევაში, თუ ფეხმძიმობა გართულებების გარეშე მიმდინარეობს.

ქვემოთ მოყვანილია ის რეკომენდაციები, რომლებიც სწორედ დასაქმებულ ორსულებს დაეხმარება.

გულისრევა და ღებინება ერთ-ერთი შემაწუხებელი სიმპტომია ორსულობისას. იმისათვის, რომ შეიმსუბუქოთ ეს მდგომარეობა

• მოერიდეთ იმ გამღიზიანებლებს, რომლებიც იწვევენ თქვენში გულისრევას. ასეთები სამუშაო გარემოში საკმაოდ ბევრია.
• წაიხემსეთ ხშირად და დალიეთ ჯანჯაფილის ჩაი, რომელიც კვლევების მიხედვით საგრძნობლად ამცირებს გულისრევის შეგრძნებას.

გაუმკლავდით დაღლილობას

• მიირთვით რკინით და ცილებით მდიდარი საკვები, რადგან დაღლილობის მიზეზი შესაძლებელია სწორედ რკინადეფიციტური ანემია იყოს.
•  შეისვენეთ ხშირად- გაიარეთ რამდენიმე წუთი ან უბრალოდ დახუჭეთ თვალები
• მიიღეთ საჭირო რაოდენობის სითხე
• ივარჯიშეთ- თუ თქვენი ექიმი მოგცემთ უფლებას, ზომიერი ფიზიკური აქტივობა  საუკეთესო საშუალებაა ენერგიის შესაძენად
• შეამცირეთ სტრესი
• დაიძინეთ ადრე- ყოველ ღამე სულ ცოტა რვა საათიანი ძილი დაგეხმარებათ ძალების მოსაკრებად. მარცხენა გვერდზე წოლა, კი მაქსიმალურად გაზრდის სისხლის ნაკადს ნაყოფისკენ.

შეიქმენით კომფორტი

 გამოიყენეთ სკამი, რომელსაც მართვადი საზურგე აქვს ან ასეთის არარსებობისას დაიდეთ პატარა ბალიში

• თუ დიდხანს ფეხზე დგომა გიწევთ ჩაიცვით კომფორტული ფეხსაცმელი და ხშირად დადეთ ხან ერთი, ხან მეორე ფეხი ამაღლებულ ზედაპირზე
• დახრა და რაიმეს აღება- შეასრულეთ ეს მოძრაობა სწორად. დახრისას ოდნავ ჩაჯექით
• მიმართეთ ექიმს და მიიღეთ შესაბამისი ზომები, თუ თქვენი სამუშაო დაკავშრებულია
• მავნე ნივთიერებებთან
• მძიმე ტვირთის აწევასთან
• გადაჭარბებულ ხმაურთან
• ვიბრაციასთან
• მაღალი ან დაბალი ტემპერატურის მოქმედებასთან