საჭმლის გადაცდენა – რა უნდა ვიცოდეთ

მოგეხსენებათ, რომ ბავშვები, განსაკუთრებით 1-დან 5  წლამდე, ხშირად იდებენ პირში სხვადასხვა საგნებს. ეს არის გზა, რითაც ისინი შეიცნობენ სამყაროს. დიდებთან შედარებით პატარებს აქვთ  ვიწრო ყელი და სუსტი საყლაპავი კუნთები, რის გამოც სწორედ ბავშვებში უფრო ხშირია საგნის გაჭედვა და ხრჩობის ეპიზოდი.

დარწმუნებული ვარ ჩვენი მკითხველისთვის ძალიან ნაცნობი სიტუაციაა, რასაც ეხლა მოგახსენებთ და რაც მე თვითონაც ძალიან ხშირად მინახავს: დედა აჭმევს ბავშვს საჭმელს, ერთ ხელში პატარა უჭირავს, მეორეთი აჭმევს. რაღაც მომენტში პატარა აკეთებს ისეთ მოძრაობას და ჩასუნთქვას თითქოს საჭმელი გადასცდა. შეშინებული დედა უცბად გადაწევს ბავშვის თავს უკან, ადებს თითს შუბლზე  და თითი მიაქვს ქვემოდან ზევით.

სიმართლე  გითხრათ პირადად მე არ ვიცი რა დანიშნულება აქვს ამ მოქმედებას. თუმცა, ნამდვილად ვიცი რა შეიძლება გამოიწვიოს ამ ყოველივემ: თავის უკან გადაწევისას საკვები, რომელიც არის საყლაპავში, შეიძლება გადავიდეს ფილტვში და შედეგად მივიღოთ ასპირაციული პნეუმონია – ფილტვის ინფექციის ერთერთი ფორმა.

იმ შემთხვევაში თუ ეჭვი გაქვთ, რომ თქვენმა პატარამ გადაყლაპა უცხო საგანი, გადასცდა საკვები ან ხედავთ, რომ ვერ სუნთქავს, უნდა იცოდეთ რისი გაკეთებაა საჭირო. თვალსაჩინოებისთვის გთავაზობთ სურათს:

რა უნდა ვქნათ როცა ბავშვს საკვები გადასცდება

პირველი ორ სურათზე ნაჩვენებია დაახლოებით ორ წლამდე ბავშვის შემთხვევა. პირველ ორ სურათზე მოცემული თითოეული მოქმედების შემდეგ უნდა შევეცადოთ პირიდან უცხო სხეულის/ საკვების ამოღებას. რათქმაუნდა, ეს უნდა გავაკეთოთ ძალიან ფრთხილად, ისე რომ სხვა რამ არ დავუზიანოთ პატარას. არ უნდა ვეცადოთ ძალით ამოვიღოთ ის, რაც ჯერ არ ჩანს პირის ღრუში. თუ მაინც არ ჩანს, ვაგრძელებთ ამ მოქმედებების გამეორებას.

ბოლო ორ სურათზე მოცემულია 2 წელს ზემოთ ბავშვის შემთხვევა. აქაც ანალოგიურად ვიმეორებთ ამ მოქმედებებს მანამ, სანამ პირის ღრუში არ გამოჩნდება, ის რაც ბავშს გადასცდა.

იმედი მაქვს გამოგადგებათ ეს რჩევები. გისურვებთ ჯანმრთელობას!