რსვ ინფექცია ბავშვებში

რა არის არის რსვ-ინფექცია?

რესპირატორულ-სინციტიური ვირუსი (რსვ) – არის ძალიან გავრცელებული ვირუსი, რომელიც აავადებს სასუნთქ გზებსა და ფილტვებს. ზრდასრულებსა და მოზრდილ ბავშვებში იგი „უბრალო გაციების“ სახით მიმდინარეობს, ხოლო ახალშობილებსა და 2 წლამდე ასაკის პატარებში შედარებით რთულად გამოვლინდება (განსაკუთრებით მათში, ვინც მაღალ რისკ-ჯგუფს მიეკუთვნება (იხ.ქვემოთ)).

როგორ ხდება დაავადების გავრცელება?

ვირუსი განსაკუთრებით აქტიურად ვრცელდება შემოდგომიდან გაზაფხულამდე. იგი გადადის ჰაერ-წვეთოვანი გზით და ფიზიკური კონტაქტით.

ბავშვი ავადდება როდესაც:

• თქვენი შვილი იმყოფება რსვ-ინფიცირებულის სიახლოვეს, რომელიც ახველებს და აცემინებს
• დაავადებული კოცნის ან ფიზიკურად ეხება ბავშვს
• ბავშვი ეხება იმ ადგილებს ცხვირით, პირით ან თვალით, სადაც დაავადების გამომწვევი ვირუსია (მაგალითად სათამაშოს და კარის სახელურს)

დაავადების რისკი იზრდება, როდესაც:

• ბავშვი დადის საბავშვო ბაღში
• იმყოფება თამბაქოს მწეველის სიახლოვეს
• ჰყავს სკოლის ასაკის და-ძმა
• ცხოვრობს მჭიდროდ დასახლებულ პუნქტში

როგორ მივხვდე, რომ ბავშვს რსვ-ინფექცია აქვს?

სიმპტომატიკა შესაძლოა სხვადასხვაგვარი იყოს. იგი, როგორც წესი, დავირუსებიდან 4-6 დღის შემდეგ გამოვლინდება.

მოზრდილ ბავშვებში გვხვდება:

• მშრალი ხველა (ხშირად ადარებენ ზღვის ლომის ხმას)
• სისველე ცხვირში
• ტემპერატურის ცოტათი მატება

წლამდე ასაკის პატარებში ვლინდება:

• კანის ლურჯი შეფერილობა (ციანოზი), ჟანგბადის ცუდად მიწოდების გამო
• სუნთქვის გართულება
• დიდი რაოდენობის გამონადენი ცხვირიდან
• გახშირებული სუნთქვა
• ზედაპირული სუნთქვა
• ხიხინი

დაავადების მაღალ რისკ-ჯგუფს მიეკუთვნებიან:

• დღენაკლული ჩვილები
• ჩვილები ფილტვის ქრონიკული დაავადებით
• ჩვილები სუსტი იმუნური სისტემით
• ჩვილები გულის დაავადების გარკვეული ფორმებით

მკურნალობა:

ჯერ-ჯერობით არ არსებობს კონკრეტული წამალი, რომელიც დაავადების გამოვლენის

შემდეგ ვირუსს დაამარცხებს. მკურნალობა ძირითადად სიმპტომურია:

• ჟანგბადით უზრუნველყოფა
• ჰაერის დატენიანება
• ცხვირიდან გამონადენის მოშორება (ნაზალური სეკრეტის სანაცია)
• სითხის შეყვანა ვენის საშუალებით (ინტრავენური ინფუზია)
• გაითვალისწინეთ, რსვ-ინფექცია ანტიბიოტიკით არ იკურნება!

როგორ დავიცვა ჩემი პატარა რსვ-ინფექციისაგან?

• ხშირად ვიბანოთ ხელები, განსაკუთრებით ბავშვთან შეხების წინ
• მოვარიდოთ გრიპით დაავადებულს (აუცილებლობის შემთხვევაში გამოვიყენოთ დამცავი პირბადე)
• მოვარიდოთ მოზრდილი ბავშვების გარემოცვას
• მოვარიდოთ ბავშვი თამბაქოს კვამლს

რსვ-ინფექციის თავიდან ასაცილებლად არსებობს პრეპარატი სინაგისი (პალივიზუნაბი), მას ნიშნავენ მაღალი რისკ-ჯგუფის მქონე პაციენტებში. პრეპარატი შეჰყავთ კუნთში 28-30 დღეში ერთხელ და იცავს პატარას დაახლოებით ერთი თვის განმავლობაში. თუმცა, როგორც ზემოთ აღვნიშნე, უკვე დაავადების არსებობის შემთხვევაში პრეპარატი არ კურნავს.