როგორ შევაჩეროთ სლოკინი ახალშობილში?

სლოკინი – ხდება ბავშვის დიაფრაგმის შეკუმშვის შედეგად (დიაფრაგმა – კუნთმყესოვანი ძგიდე, რომელიც ერთმანეთისაგან ყოფს გულმკერდისა და მუცლის ღრუს). ამ დროს ჰაერი ძალით გამოიდევნება დახურულ ხმოვან იოგებში და წარმოქმნის სლოკინისთვის დამახასიათებელ ხმას.

რა იწვევს სლოკინს ახალშობილში?

სლოკინი ხდება მაშინ, როდესაც რაღაც იწვევს დიაფრაგმის სპაზმს და ხმოვანი იოგების სწრაფ დახურვას.

ბავშვებში სლოკინის მიზეზი ხშირად არ არის ნათელი, თუმცა, იშვიათად საკვები შეიძლება იყოს გამომწვევი მიზეზი. მაგალითად, თუ:

• ძალიან ბევრი ჭამა
• ძალიან სწრაფად ჭამა
• ბევრი ჰაერი ჩაყლაპა

ამ ფაქტორება შეიძლება გამოიწვიოს კუჭის გაფართოება. გაფართოებული კუჭი დააწვება დიაფრაგმას. დიფრაგმა დაისპაზმება და დაიწყება სლოკინი

როგორ შევაჩეროთ ახალშობილის სლოკინი?

ძირითადად, სლოკინი არ არის ბავშვისთვის საზიანო. მიუხედავად იმისა, რომ უფროსი ადამიანებისთვის სლოკინი არის შემაწუხებელი, პატარებისთვის ეს ასე არ არის. თუ დააცდით, სლოკინი თავისით გაივლის. იმ შემთხვევაში თუ ნერვიულობთ და არ შეგიძლიათ მოცდა, მოგცემთ რამდენიმე რჩევას რომელიც დაგეხმარებათ:

• შეასვენეთ რომ ამოაბოყინოს – როდესაც კუჭი ივსება ჰაერით, ის იბერება და იწვევს დიაფრაგმის სპაზმს. თუ შეასვენებთ ბავშვს კვებისგან, კუჭში ჰაერის რაოდენობა შემცირდება. ამით თავიდან აირიდებთ სლოკინს.

ამერიკის პედიატრთა ასოციაცია გვირჩევს, რომ შევასვენოთ ხელოვნურ კვებაზე მყოფი ჩვილი და მივცეთ ამობოყინების საშუალება კვების ყოველ 60-90 მლ-ზე. ბუნებრივი კვების შემთხვევაში, შესვენება შეიძლება მოხდეს ერთიდან მეორე ძუძუზე გადასვლის დროს.

• მატყუარას გამოყენება – მატყუარას წოვა ეხმარება დიაფრაგმას მოდუნებაში და სლოკინის შეწტვეტაში.

რა არ უნდა გააკეთოთ

არსებობს ძალიან ბევრი ხალხში გავრცელებული მეთოდი სლოკინის შესაწყვეტად, თუმცა, არცერთი მათგანი არ ეყრდნობა მეცნიერებას და მედიცინას. მაგალითად

• ხტუნაობა
• ენის გადაწევა
• თავის გადაწევა და წყლის ყლაპვა

არცერთი ეს მეთოდი არ არის ეფექტური. მეტიც, ის შესაძლებელია საშიში აღმოჩნდეს თქვენი პატარასთვის, ამიტომ არასდროს სცადოთ საზოგადოებაში გავრცელებული მსგავსი მეთოდების გამოყენება. უმჯობესია მიმართოთ ექიმს.