ტესტი – გაიგეთ, რა ტიპის მშობლებს მიეკუთვნებით

გაინტერესებთ მშობლის რომელ ტიპს მიეკუთვნებით, დომინანტურს, ლიბერალურს, პოზიტიურს თუ მოუცლელს?

ქვემოთ მოცემული ვარიანტებიდან აირჩიეთ ის პასუხები, რომლებიც თქვენს ხასიათთან ყველაზე ახლოსაა და ჩაინიშნეთ ვარიანტები. მაშ ასე, დავიწყოთ:

1.   ა) მჯერა, რომ ბავშვებს თვალ-ყური უნდა ვადევნოთ, მაგრამ ნაკლებად მოვუსმინოთ

 ბ) მსიამოვნებს ქაოსი, რომელიც ბავშვებს ჩემს ცხოვრებაში შემოაქვთ

გ) მჯერა, რომ ბავშვები შეიძლება დარჩნენ ბავშვებად და ამავდროულად უპრობლემოდ მოიქცნენ ცივილურად

დ) ჩემი შვილები თავად უვლიან საკუთარ თავს და არ მაწუხებენ

1. ა) ვფიქრობ, რომ ბავშვებს სჭირდებათ მკაცრი ხელი, იმისათვის, რომ სწორი მიმართულება მიეცეთ ცხოვრების გზაზე
   ბ) ვფიქრობ, ჩემს შვილებს სჭირდებათ თავისუფლება რომ გაიგონ, ვინ არიან სინამდვილეში
   გ) მომწონს როცა ვაკვირდები ჩემს შვილებს, თუ როგორ აკეთებენ ისინი სხვადასხვა აღმოჩენებს. და თუ სურვილი ექნებათ, ყოველთვის მზად ვარ დახმარებისათვის
   დ) ჩემი ბავშვები მოქცევას სკოლასა და ბაღში სწავლობენ
2. ა) ჩემს შვილს უპრობლემოდ ვეუბნები „არას“
   ბ) მეზიზღება შვილისთვის „არას“ თქმა
   გ) ზოგჯერ მიწევს ვუთხრა „არა“ ჩემს შვილს, ზოგჯერ კი – „კი“
   დ) უმეტესად, ვაიგნორებ შვილის ჭირვეულ ქცევებს
3. ა) ყოველი წესი – დიდი თუ პატარა – დაურღვევლად უნდა შესრულდეს!
   ბ) არ მჯერა ბევრი წესის საჭიროების, როდესაც შვილებთან ერთად ვარ, ვცდილობ, მივცე მათ სიამოვნების მიღების თავისუფლება
   გ) მაქვს რამდენიმე წესი, რომელიც აუცილებლად უნდა შესრულდეს, თუმცა წვრილმანებში ყოველთვის ვუშვებ გამონაკლისებს
   დ) ბევრი წესის ქონა საკმაოდ რთული და დამღლელია. ჯობია, რაღაცებს უბრალოდ არ მიაქციო ყურადღება
4. ა) არაუშავს, თუ ახლა ბავშვები არც ისე კომფორტულად გრძნობენ თავს ჩემ გვერდით. მთავარია, რომ ყველაფერი მათ სასიკეთოდ კეთდება
   ბ) მინდა ჩემს შვილებს ძალიან მოვწონდე
   გ) ზოგჯერ, საჭიროა ვიყო არაპოპულარული ბავშვებთა, რათა მიიღონ ის გადაწყვეტილებები, რაც მათ ცხოვრების უკეთ შეცნობაში დაეხმარება
   დ) არ მაქვს იდეა, თუ როგორ მოვაწონო თავი ჩემს შვილებს
5. ა) შვილები პატივს უნდა სცემდნენ მშობლებს
   ბ) მსიამოვნებს, როცა ჩემი შილი პატივს მცემს, თუმცა უნდა გამოვტყდე, რომ ეს არც ისე ხშირად ხდება. ვფიქრობ, რომ ასაკთან ერთად, პატივისცემასაც ისწავლიან
   გ) მშობლებმა ისეთივე პატივისცემა უნდა გამოიჩინონ შვილებისადმი, როგორსაც მათგან ელოდებიან
   დ) მინდა, რომ ჩემი შვილი მეტ პატივისცემას იჩენდეს ჩემ მიმართ, თუმცა მანამ, სანამ ასე არაა, ვცდილობ ამას ყურადღება არ მივაქციო
6. ა) მე ზუსტად ვიცი, სად, როდის და ვისთან ერთად არიან ჩემი შვილები
   ბ) ვცდილობ, რომ საქმის კურსში ვიყო, თუ როდის მოდიან და მიდიან ბავშვები, მაგრამ თავად იშვიათად მითანხმდებიან ამაზე
   გ) მე და ჩემს შვილებს გვაქვს ასეთი შთანხმება: მათ იციან როდის და სად ვარ მე და მეც ვიცი, თუ როდის სად იმყოფებიან ისინი
   დ) მე არ ვაკონტროლებ ჩემი შვილების განრიგს, ამას აკეთბენ მასწავლებლები ან მომვლელები
7. ა) შვილებს შეცდომას მხოლოდ ერთხელ ვპატიობ, შემდეგ ჯერზე უნდა დაისაჯონ
   ბ) ვფიქრობ, რომ ბავშვებს აუცილებლად სჭირდებათ მიტევების შეგრძნება, იმისათვის, რომ ცხოვრების გზაზე წარმატებულნი იყვნენ
   გ) ყველაზე დიდ გამოცდილებას ბავშვები თავიანთი შეცდომებისგან იღებენ, მე ვცდილობ ვასწავლო მათ საკუთარი შეცდომებისგან
   დ) ყველა უშვებს შეცდომას, თუ ჩემი შვილები ცდებიან, არ ვქმნი ამისგან ტრაგედიას
8. ა) მშობლები თუ მეგობრულად მიუდგებიან შვილებს, ისინი ავტორიტეტს დაკარგავენ
   ბ) ჩემი შვილები ჩემი საუკეთესო მეგობრები არიან
   გ) ჩემს შვილებს ჰყავთ თავიანთი მეგობრები, მე მათი მშობელი უნდა ვიყო
   დ) ჩვენ იმდენად განსხვავებულები ვართ ერთმანეთისგან, რომ ვერც კი ვხვდები, როგორ შეიძლება მეგორები ვიყოთ

პასუხები:
ქვემოთ მოყვანილიდან, თქვენ შეგეფერებათ ის ვარიანტი, რომელიც თქვენს პასუხებში ჭარბობს:

ა) დომინანტი მშობელი: თქვენ მტკიცედ გჯერათ, რომ წესებით აღზრდა აუცილებელია. გაქვთ დიდი მოლოდინი, რომ თქვენი შვილების ქცევები ყოველთვის თქვენი კონტროლის ქვეშ იქნება. თქვენს სიყვარულს შვილებისადმი, მათთან სიმკაცრით გამოხატავთ და სითბოს იშვიათად ავლენთ. თქვენსა და თქვენს შვილებს შორის ურთიერთობის ერთადერთი გზა – საუბარია. ზოგჯერ, თქვენ ზედმეტად მაკცრადაც კი შეგიძლიათ  დასაჯოთ ბავშვი.

ბ) ლიბერალი მშობელი: თქვენ ძალიან დიდ სიყვარულს ჩუქნით თქვენს შვილებს. ცდილობთ იყოთ მეგობრული მათთან და მისცეთ ის, რასაც თქვენგან ითხოვენ. ხართ გახსნილი ურთიერთობისათვის და გაქვთ მცირედი პრობლემა წესების დამკვიდრებაში. არასაკმარისი დისციპლინის გამო კი, ზოგჯერ გიპყრობთ შეგრძნება, რომ შვილებმა „თავზე გადაგაბიჯეს“.

გ) პოზიტიური მშობელი: თქვენ გჯერათ, რომ ბავშვებს თქვენი სიყვარული სჭირდებათ, მაგრამ აგრეთვე საჭიროდ მიგაჩნიათ გარკვეული წესების არსებობა. მშობლად ყოფნა – თქვენთვის ყველაზე მნიშვნელოვანი „პროფესიაა“. თქვენ ასწავლით შვილებს გცენ პატივი იმით, რომ მათ თავად ექცევით პატივისცემით. თქვენ საჭიროდ თვლით მოუსმინოთ თქვენს შვილებს და პრიორიტეტს ანიჭებთ იმ გადაწყვეტილებას, რომლითაც დაცული იქნება თქვენი მათი ფიზიკური და მენტალური უსაფრთხოება. მათ კი სჯერათ თქვენი სამართლიანობის.

დ) დაკავებული მშობელი: თქვენ, შესაძლოა, ვერ გრძნობდეთ თავს კომფორტულად მშობლის ამპლუაში, რადგან დიდ დროს არ ატარებთ შვილებთან. თქვენ, სავარაუდოდ, მეტ დროს უთმობთ სამუშაოს, ან რაიმე სხვა საქმეს. როდესაც შვილებთან ხართ, ვერ ახდენთ მათზე ფოკუსირებას. არ იცით, როგორ მოიქცეთ, რომ მართოთ მათი ქცევა.