რა არის წითელა

რა არის წითელა?

წითელა არის რესპირატორული (სუნთვითი) ინფექცია, რომელსაც ახასიათებს ძალიან მაღალი გავრცელების უნარი. ის იწვევს გამონაყარს მთელს სხეულზე და გაციების მსგავსს სიმპტომებს. იმ ქვეყნებში, სადაც ვაქცინა ძალიან გავრცელებულია და მოსახლეობის თითქმის მთელი ნაწილი იტარებს სავალდებულო აცრებს, წითელას შემთხვევები ფაქტიურად აღარ არსებობს.

წითელას გამომწვევი არის ვირუსი, შესაბამისა, არ არსებობს მისი სპეციფიური მკურნალობა. ვირუსმა უნდა გაიაროს თავისი გზა.  პაციენტმა უნდა მიიღოს დიდი რაოდენობით სითხე, იყოს მოსვენებულ მდგომარეობაში და დარჩეს სახლში, რათა არ გაავრცელოს ინფექცია.

წითელას სიმპტომები და ნიშნები

წითელას ინფექციის პირველი ნიშნები არის: ხველა, ცხვირიდან გამონადენი, მაღალი სიცხე და ჩაწითლებული თვალები. ასევე, ბავშვებს შეიძლება ჰქონდეთ კოპლიკის ლაქები (პატარა წითელი ლაქები მოლურჯო-მოთეთრო ცენტრით) პირის ღრუში, სხეულზე გამონაყარის გამოჩენამდე.

გამონაყარი ჩნდება ზემოთხსენებული სიმპტომების დაწყებიდან 3-5 დღეში, ზოგჯერ თან სდევს მაღალი სიცხე – 40°C-მდე. წითელი ან მოწითალო-მოყავისფრო გამონაყარი პირველად თავს იჩენს შუბლზე, როგორც ბრტყელი, წითელი ლაქები. შემდეგ ვრცელდება მთელ სახეზე, ჩადის კისერზე, ტანზე, ხელბზე, ფეხებზე. სიცხე და გამონაყარი ნელნელა ქრება რამდენიმე დღის განმავლობაში.

რამდენად გადამდებია წითელა?

წითელა არის ძალიან გადამდები დაავადება. 10-დან 9 ადამიანი, რომელიც არ არის აცრილი დაინფიცირდება ამ ვირუსით, თუ მოხვდება ასეთ ადამიანთან ახლოს. ის ვრცელდება წვეთების მეშვეობთ, როდესაც წითელათი დაავადებული ადამიანი ახველებს, აცემინებს და ა.შ.

წითელას მკურნალობა

არ არსებობს სპეციფიური მკურნალობა. არსებობს სიმპტომების შემსუბუქება, ამისთვის:

• მიეცით ბავშვს რაც შეიძლება მეტი სითხე
• მიეცით საშუალება, რომ იყოს მოსვენებულ მდგომარეობაში
• მიეცით სიცხის დამწევი საშუალება, ოღონდ არა ასპირინი. (თუ რატომ არ უნდა მისცეთ ასპირინი იხილეთ აქ  ) მაგალითად: აცეტამინოფენი, იბუპროფენი.

როგორც უამრავი სხვა დაავადების შემთხვევაში აქაც არსებობს გართულების საფრთხე, ამიტომ თქვენი ექიმი უნდა იყოს საქმის კურსში.

რამდენ ხანს გრძელდება წითელა?

წითელას ინფექცია შესაძლებელია გაგრძელდეს რამდენიმე კვირა. ადამიანების უმეტესობას არ აქვს სიმპტომები, წითელას შეყრიდან 10-14 დღე.

და ბოლოს, რაც ყველაზე მნიშვნელოვანი, ჩაუტარეთ თქვენს ბავშვს ყველა სავალდებულო აცრა, რომელშც ასევე შედის MMR ვაქცინა (წითელა-წითურა-ყბაყურას აცრა) და იყავით დაცულები.