რა არის სქოლიოზი?

სქოლიოზი – ეს არის მდგომარეობა, როდესაც ხერხემალი იხრება, იღუნება ერთ მხარეს. (ხერხემლის გამრუდებასაც ეძახიან) ის გვხვდება ნებისმიერ ასაკში, თუმცა ყველაზე ხშირია ბავშებში 10-დან 15 წლამდე.

მკურნალონის გარეშე სქოლიოზი არ რჩება, თუმცა ის არც რაიმე სერიოზული მდგომარეობის მანიშნებელია.

რა იწვევს სქოლიოზს?

10-დან 8 შემთხვევაში სქოლიოზის მიზეზი არის უცნობი. ამ შემთხვევაში მას ეწოდება – იდიოპათური სქოლიოზი. მისი თავიდან აცილება არის შეუძლებელი, რადგან არ ვიცით გამომწვევი მიზეზები. თუ გენეტიკაში ვინმეს ჰქონია ეს მდგომარეობა, იმის შანსიც მეტია რომ თქვენც გქონდეთ მომავალში, თუმცა არ არის აუცილებელი ესე მოხდეს.

შედარებით იშვიათად სქოლიოზის გამომწვევი მიზეზები შეიძება იყოს:

• ხერხემლის ძვლები, რომლებიც მუცლადყოფნის დროს , საშვილოსნოში სწორად ვერ ჩამოყალიბდა – ამას ეწოდება თანდაყოლილი სქოლიოზი. გვხვდება დაბადებისთანავე.
• რაიმე პათოლოგია, რომელიც მოქმედებს ნერვზე ან კუნთზე – მაგალითად, ცერებრალური დამბლა, კუნთოვანი დისტროფია და ა.შ. – ამას ეწოდება ნეიროკუნთოვანი სქოლიოზი.
• ხერხემლის რბილი ქსოვილების წყვეტა, შემცირება – ამას ეწოდება დეგენერაციული სქოლიოზი და გვხვდება მოზრდილებში

სქოლიოზის სიმპტომები

• ხერხემლის თვალით ხილვადი დეფორმაცია/მოხრა
• სხეულის ერთ მხარეს გადახრა
• არათანაბარი მხრები
• ერთი მხრის ან ბარძაყის გამოშვერა

 ზოგიერთ შემთხვევაში სქოლიზს თან სდევს ზურგის ტკივილი. ეს გვხვდება უფრო მოზრილდებში.

სქოლიოზის დიაგნოზი და მკურნალობა

ძირითადი სადიაგნოსტიკო საშუალება სქოლიოზისთვის არის – ხერხემლის რენტგენოლოგიური კვლევა.

თუ თქვენს ბავშვს აქვს სქოლიოზი, რეკომენდირებული მკურნალობა დამოკიდებულია მის ასაკზე, რამდენად მწვავეა მისი ხერხემლის მრუდი/გადახრა და უარესდება თუ არა ის დროთა განმავლობაში.

ბავშვების უმეტესობას არ სჭირდება მკურნალობა. ძალიან იშვიათ შემთხვევებში ტარდება ქირურგიული ჩარევა.

1 დან 3 წლამდე ბავშვებში, მდგომარეობის მიხედვით ექიმმა შეიძლება დანიშნოს კორსეტი, რათა ასაკის მატებასთან ერთად ხერხემლის გადახრა არ გაუარესდეს.