რა არის კრუპი?

კრუპი არის ვირუსული დაავადება ბავშვებში, რომელიც იწვევს ზედა სასუნთქი გზების შევიწროებას. ზოგიერთ ბავშვს აქვს გამეორებადი კრუპი, რაც აუცილებლად საჭიროებს სამედიცინო შეფასებას.

 როგორ ვითარდება კრუპი?

როდესაც ჩვენ ვსუნთქავთ, ჰაერი გაივლის ლარინქსის(ხორხი) და ტრაქეის (სასულე) გავლით ფილტვში. კრუპის დროს ვირუსული ინფექცია იწვევს ტრაქეის და ლარინქსის ამომფენის ანთებას და შეშუპებას, რის შედეგადაც ორივე ვიწროვდება. სასუნთქი გზის შევიწროების შედეგად, ჩასუნთქვა ხდება რთული და ისმის სტრიდორი (მსტვინავი ხმიანობა)

ვის ემართება კრუპი?

უფრო ხშირად კრუპი ემართებათ პატარა ბავშვებს (2-4 წლისას), თუმცა შესაძლებელია მოზრდილ ბავშვებშიც იყოს. პატარების ტრაქეა არის უფრო ნაზი/რბილი მოზრდილ ბავშვებთან შედარებით.

კრუპის ნიშნები და სიმპტომები

ძირითადი:

• ხველა, რომელიც არის ძალიან უხეში და აღწერენ, როგორც ,,მყეფავ” ხველას.
• სტრიდორი (ხმაურიანი, მსტვინავი სუნთქვა).

კრუპის სიმპტომები ყველაზე ხშირად თავს იჩენს და უარესდება ღამის განმავლობაში. ხველის და სუნთქვის გაძნელების გამოჩენამდე შესაძლებელია თქვენს პატარას გამოუვლინდეს ვირუსული დაავადების ნიშნები, როგორებიცაა:

• ყელის ტკივილი
• სიცხე
• ჩაწითლებული თვალები
• ცხვირიდან გამონადენი

კრუპის მკურნალობა

კრუპის გამომწვევი მიზეზი არის ვირუსი, ამიტომ ანტიბიოტიკს არანაირი შედეგი არ ექნება!!

კრუპის მსუბუქი შემთხვევის მენეჯმენტი შესაძლებელია სახლშიც, წამლების გარეშე.

მწვავე შეტევის დროს სტეროიდები (ჰორმონი) არის ყველაზე ეფექტური საშუალება, რომელსაც ექიმები ნიშნავენ. ის ამცირებს ბავშვის სასუნთქ გზებში განვითარებულ შეშუპებას და აადვილებს სუნთავას. სტეროიდის მოქმედება გრძელდება დაახლოებით 48 საათი.ყველაზე მწვავე შემთხვევებში იყენებენ საინჰალაციო ადრენალინს.

მეთოდები რომლის გამოყენება შესაძლებელია სახლის პირობებში

სტრიდორის დროს მშობელს შეუძლია ბავშვისთვის მდგომარეობის შემსუბუქება. ამისთვის საჭიროა მისი აბაზანაში შეყვანა და ცხელი წყლის მოშვება შხაპში. აბაზანაში დაყენებული ორთქლი/თბილი და ტენიანი ჰაერი საუკეთესო გზაა ხმოვანი იოგების რელაქსაციისთვის და სტრიდორის შესაჩერებლად. ასევე,  ცივი ჰაერიც გამოიყენება სტრიდორის შესამცირებლად. თუ გარეთ არ ცივა, შეგიძლიათ მიიყვანოთ თქვენი პატარა  საყინულის კართან; გამოაღეთ ის და უთხარით, რომ რამდენჯერმა ჩაისუნთქოს ცივი ჰაერი.