რა არის კოლიკა?

კოლიკა – ეს არის ჯანმრთელი ბავშვის ტირილი, რომლის მართვა და კონტროლი შეუძლებელია.  კოლიკად ითვლება ისეთი მდგომარეობა, როდესაც 5 თვემდე ასაკის ბავშვი ტირის გაუჩერებლად 3 საათზე მეტი, კვირაში 3 ან მეტი დღის განმავლობაში, ჯამში კი მინიმუმ 3 კვირის განმავლობაში.

კოლიკა არ არის არც დაავადება და არც რაიმე სახის ზიანის მომტანი, უბრალოდ ის საკმაოდ შემაწუხებელია ბავშვისთვის.

რა არის კოლიკის სიმპტომები?

ძირითადად, კოლიკა თავს იჩენს როდესაც ბავშვი არის 2-3 კვირის.

პატარები ტირიან როდესაც შიათ, რაღაცის შეეშინდათ, საფენი აქვთ გამოსაცვლელი და ა.შ.. კოლიკის დროს კი ბავშვი ტირის გადამეტებულად/ძალიან ბევრს. მისი ტირილი განსხვავებულია. ტირილის ეპიზოდები შეიძლება უეცრად დაიწყოს და ასევე უეცრად შეწყდეს.

კოლიკიან ბავშვს შესაძლოა გამოუვლინდეს მუცლის შებერილობის ნიშნებიც. შებერილობა/გაზები არ იწვევს კოლიკას, თუმცა ბავშვი შესაძლოა იყოს ზედმეტად შებერილი იმის, გამო რომ ტირილის დროს ბევრი ჰაერი გადაყლაპა. ხშირ შემთხვევაში პატარები თავს უკეთ გრძნობენ როდესაც გათავისუფლდებიან გაზებისგან ან კუჭში გავლენ.

რამდენი ხანი გრძელდება კოლიკა?

საბედნიეროდ, ამ შემთხვევაში, გვირაბის ბოლოს არის სინათლე! კოლიკა პიკს აღწევს ბავშვის დაბადებიდან 6 კვირაში, მნიშვნელოვნად უმჯობესდება 3-4 თვის ასაკში. 4 თვის ასაკისთვის ბავშები უმეტესობას გადალახული აქვს კოლიკა.

არის თუ არა ეფექტური გაზების საწინააღმდეგო საშუალებები?

დღესდღეობით, თითქმის მთელს მსოფლიოში აქტიურად იყიდება გაზების საწინააღდეგო საშუალებები (სიმეტიკონი/მილიკონი). მართალია ისინი უსაფრთხოა და არ ვნებს პატარას, მაგრამ ამ კუთხით მისი ეფექტურობა ჯერჯერობით არ არის დამტკიცებული. ასევე, შეგიძლიათ სცადოთ გაზგამყვანი მილები – შეგიძლიათ იხილოთ აქ