რა არის ADHD?

ADHD, ანუ ყურადღების დეფიციტისა და ჰიპერაქტიურობის სინდრომი გვხვდება ბავშვებში, თინეიჯერებში და ხანდახან მოზრდილებში.

უფრო ხშირია ბიჭებში, ვიდრე გოგოებში და მისი დიაგნოსტირება ძირითადად ადრეული სკოლის პერიოდში ხდება

ADHD-ის დამახასიათებელი ნიშნები სამ ძირითად ჯგუფად იყოფა:

უყურადღებობა, ჰიპერაქტიურობა და იმპულსურობა. ბავშვს შესაძლოა გამოხატული ჰქონდეს სიმპტომები როგორც ერთი ჯგუფიდან, ისე ორი ან სამივე ჯგუფიდან. განვიხილოთ თითოეული კატეგორიისთვის დამახასიათებელი ნიშნები ცალ-ცალკე, ესენია:

უყურადღებობა:

• ბავშვი არის გაფანტული
• არ ასრულებს მითითებებს და არ ამთავრებს დავალებას
• არ უსმენს
• უყურადღებობით უშვებს შეცდომებს
• ავიწყდება ყოველდღიური აქტივობები
• ხშირად კარგავს ნივთებს
• თითქოს ოცნებობს

 ჰიპერაქტიურობა:

 ბავშვს უჭირს ერთ ადგილზე ჯდომა

• არ შეუძლია მშვიდად თამაში
• სურს მუდმივად იმოძრაოს, დარბის, ძვრება სხვადასხვა საგნებზე
• ლაპარაკობს ძალიან ბევრს

 იმპულსურობა:

• უჭირს დაელოდოს თავის რიგს
• უაზროდ ისვრის რეპლიკებს
• ხელს უშლის სხვებს

მოზრდილებში ADHD შემდეგი სიმპტომებითაა გამოხატული:

• ქრონიკული დაგვიანება და გულმავიწყობა
• გაღიზიანებადობა
• დაბალი თვითშეფასება
• პრობლემები სამსახურში და პირად ურთიერთობებში
• იმპულსურობა
• არაორგანიზებულობა
• საქმის გადავადება
• ხასიათის სწრაფად ცვალებადობა
• დეპრესია

ADHD-ის გამომწვევი მიზეზები ზუსტად ცნობილი არაა, თუმცა კვლევების მიხედვით მის ჩამოყალიბებაში მნიშვნელოვანი როლი აკისრია:

 გენეტიკას

• ტოქსინების ზემოქმედებას
• თავის ტვინის ტრავმას
• ალკოჰოლის, სიგარეტის, ნარკოტიკული საშუალებების მოხმარებას ორსულობისას

ADHD-ის ადრეული დიაგნოსტიკა და სწორი მკურნალობა ეხმარება ბავშვებს და მოზარდებს სიმპტომების მართვაში

ყურადღების დეფიციტს და ჰიპერაქტიურობის სინდრომს მკურნალობენ თერაპიით და მედიკამენტებით. თერაპია ეხმარება აგრეთვე ოჯახის დანარჩენ წევრებსაც

AHDH-ის მქონე ადამიანთა უმეტესობა, რომლებიც რეგულარულად მკურნალობენ ექიმის მეთვალყურეობის ქვეშ  ბედნიერად და სრულყოფილად ცხოვრობენ.