როგორ შევარჩიოთ სამზარეულოს ქვაბები

შევიხედოთ ჩვენს სამზარეულოებში, გამოვაღოთ კარადები, თუ სათავსოები და ვნახოთ, რამდენი და როგორი ქვაბი გვაქვს. მე პირადად ვერ ვიტან ქვაბების ხეხვას. ზოგჯერ საჭმლის გაკეთებაზე უარიც მითქვამს, როცა წარმოვიდგენდი რამდენი ხანი მოვუნდებოდი მის გარეცხვას. ცალკე კიდევ სამზარეულოს ქვაბები, რომლებსაც ისე მოწიწებით უნდა მოეპყრო, რომ სამზარეულოში შეხედვა აღარ მოგინდება. იმით არ მოურიო, ამით არ მოურიო, დაიკაწრება, საფარი აძვრება და მოკლედ მუდმივი დისკომფორტი... მე შემიძლია უამრავი ტიპის მასალა ჩამოგითვალო, რომლითაც სამზარეულოს ქვაბები მზადდება, მაგრამ ეს შენი დროის დაკარგვა იქნება. ამიტომ პირდაპირ განვიხილავ სამზარეულოს ქვაბებს უჟანგავი ფოლადით.

უჟანგავი ფოლადი

უჟანგავი ფოლადის სხვადასხვა კლასი არსებობს 18/0, 18/8, 18/10 და ა.შ. უჟანგავი ფოლადის „ნიშნით“ განისაზვრება მისი ხარისხი, გამძლეობა და სითბოს წინააღმდეგობა. 18/0, 18/8, 18/10 აღნიშნავს ფოლადის შემადგენლობას, მასში ქრომისა და ნიკელის შეფარდებას. 10/0 ნიკელის უმნიშვნელო რაოდენობას შეიცავს, რაც ნიშნავს, რომ მაღალი ხარისხის სამზარეულოს ქვაბები იქნება, თუმცა დაჟანგვის მიმართ დაბალი წინააღმდეგობა ექნებათ. ზოგჯერ თვლიან, რომ 18/10 ფოლადის სამზარეულოს ქვაბები უფრო მძიმეა, მაგრამ ასე არ არის და თან დაჟანგვას ყველაზე კარგად ეწინააღმდეგება.

უჟანგავი ფოლადის ქვაბების დადებითი მხარეები

• სხვა სამზარეულოს ქვაბებთან შედარებით, უჟანგავი ფოლადის ქვაბები ბევრად უკეთესად, თანაბრად ამზადებს კერძს
• გამძლეა, მისი შეცვლა აღარ დაგჭირდება და ათწლეულების განმავლობაში შეძლებ გამოყენებას
• სწრაფად ცხელდება, რაც თავიდან აგარიდებს ლოდინს
• რაც ყველაზე მთავარია და ზევით ვისაუბრე - არ ჟანგდება. 18/10 უჟანგავ ფოლადზე არ მოქმედებს მჟავები, ტუტები და სარეცხი საშუალებები, ანუ არ ცვდება გამოყენებისას
• სრულიად უსაფრთხოა საკვებთან მიმართებაში
• ირეცხება ჭურჭლის სარეცხ მანქანაში

როგორ შევარჩიოთ ქვაბები

პირველ რიგში გააკეთე სამზარეულოს ნივთების ინვენტარიზაცია. ეს დაგეხმარება გაიგო რომელი ქვაბი აღარ გამოდგება გამოსაყენებლად, ან რომელი არ გაქვს. რა აზრი აქვს სამზარეულოს ქვაბის შეძენას, თუ უბრალოდ უნდა იდოს? ამიტომ ინვენტარიზაცია ნამდვილად საჭიროა.

გაითვალისწინე რამდენად ხშირად ატარებ სამზარეულოში დროს, რა რაოდენობის საჭმელს ამზადებ და ამის მიხედვით გადაწყვიტე, პატარა ქვაბები გჭირდება, ქვაბების ნაკრები, თუ უბრალოდ ერთი მაღალი ხარისხის ქვაბი სრულიად საკმარისი იქნება შენთვის.

ყურადღება მიაქციე როგორ აქვს სახელური დამაგრებული და სწორ ზედაპირზე დადებისას ხომ არ ირყევა.

ასევე არ დაგავიწყდეს იმის დაზუსტება, ჭურჭლის სარეცხ მანქანაში ირეცხება თუ არა. შეიძლება ამ ეტაპზე არ გქონდეს ჭურჭლის სარეცხი მანქანა, მაგრამ ეს თვისება სამზარეულოს ქვაბის ეს ერთ-ერთი დიდი პლუსია.

ნიდოზე შეგიძლია შეიძინო ყველაზე ხარისხიანი ქვაბები. შვეიცარიული და გერმანული ხარისხის ქვაბები ძალიან დიდი ხნის განმავლობაში გამოგადგება, აგარიდებს უამრავ დისკომფორტს და არ გაგიფუჭებს საჭმელს.