პოსტნატალური დეპრესია მამებში

პოსტნატალური დეპრესია არის მშობიარობის შემდგომი დეპრესია, რომელიც შეიძლება შეგვხვდეს როგორც დედებში, ისე მამებში. კვლევის მიხედვით (შეგიძლიათ იხილოთ აქ) ყოველი ერთი მამა ათიდან ებრძვის ამ დაავადებას.

რა იწვევს მშობიარობის შემდგომ დეპრესიას ?

მიუხედავად იმისა, რომ ჯერჯერობით  ამის გამომწვევი ზუსტი მიზეზი არ არის ცნობილი, შეგვიძლია გამოვყოთ გარკვეული სტრესული მოვლენები, რომლებიც ხელს უწყობს დეპრესიის განვითარებას, ესენია:

• მეტი ფინანსური პასუხისმგებლობა
• ცვლილებები ურთიერთობებში და ცხოვრების სტილში
• ძილის ნაკლებობა
• დაძაბული ურთიერთობა პარტნიორთან ან პარტნიორი, რომელსაც ასევე აქვს პოსტნატალური დეპრესია

აღსანიშნავია, რომ დაავადება უფრო ხშირად გვხვდება ახალგაზრდა მამებში.

როგორც დედების დეპრესიის შემთხვევაში, აქაც გასათვალისწინებელია მამის პერსონალური, სოციალური, ოჯახური მდგომარეობა და მენტალური ჯანმრთელობა.

 ქვემოთ ჩამოთვლილია სიმპტომების არასრული სია, რაც შეიძლება ახასიათებდეს მამას პოსტნალური დეპრესიისას, ესენია :

• უიმედობა
• ინტერესის დაკარგვა ირგვლივ მიმდინარე მოვლენების მიმართ
• არასრულფასოვნების განცდა
• დანაშაულის გრძნობა, რაც გამოწვეულია მამის აზრით, რომ მას ბავშვი საკმარისად არ უყვარს
• გაღიზიანებულობა
• ირაციონალური ფიქრები, რომლებიც შესაძლოა საშიშიც კი იყოს
• უძილობა
• მადის დაკარგვა ან პირიქით, მომატება
• ინდიფერენტული დამოკიდებულება პარტნიორის და ბავშვის მიმართ
• პანიკური შეტევები, რასაც თან ერთვის გულისცემის აჩქარება, ხელისგულის ოფლიანობა და უძლურების განცდა
• კონცენტრაციის პრობლემები
• თავის ტკივილი
• გადამეტებული შიშები ბავშვის, ან ოჯახის სხვა წევრების ჯანმრთელობასთან დაკავშირებით
• ფიქრები სიკვდილზე

როგორ მოქმედებს პოსტნატალური დეპრესია ურთიერთობებზე?

 როგორც დეპრესიის სხვა ფორმები, ესეც აუცილებლად ისახება მამის ურთიერთობაზე ბავშვთან, პარტნიორთან, მეგობრებთან და ა.შ

დეპრესიის დროს მთავარია დროულად მოხდეს მისი გამოვლენა, რაშიც დიდი როლი აკისრია ოჯახის წევრებს.

შემდეგ კი ექიმის მიერ დაინიშნება სათანადო მკურნალობა, რაც მოიცავს :

• კოგნიტურ-ბიჰევიორული თერაპიას
• ინტერპერსონალურ ფსიქოთერაპიას
• მედიკამენტებს